كرهت النت وكرهت ساعته!

[[ LADY OSCAR ]]

السلام عليكم
شلونكم بنات؟
انا بدخل بالموضوع على طول
الصراحة كرهت النت وكرهت هذا المنتدى وكل ما أدخل يضيق صدري!
أي قسم أدخله لازم ناس داشين عرض يتهاوشون ويسبون بعض
يفرقون بالمذاهب
والله أحس إني مقموته كل ما قريت هالشي
حتى إني بديت أكره الناس وأحس إنهم سخيفين صراحه
المشكلة إنه في النت الكل يحسب نفسه مثقف والله والكل يقط حجي على كيفه وعباله يعرف كل شي بالدنيا وهذا ويهي إذا أحد فينا يمسك كتاب ويعرف شي
بس هواش بهواش
هالنت هذا والتكنلوجيا والتطور اهي أساس الخراب لولاهم جان إحنا بخير
والله بديت أفقد اهتمامي وتلوع جبدي كل ما بطلت اللابتوب
أقول خل أيودلي كتاب وأقعد أقرا وايد أحسنلي عالأقل أغذي مخي
شحلاتهم الناس أول يوم ما عندهم تكنلوجيا.. وسيلة الترفيه الي عندهم كانت الكتب جنهم يطالعون تلفزيون أو داخلين النت
وبس مشكورين يمكن ما راح تشوفوني إلا بعد قرون لول
الله يحفظكم كلكم:eh_s(17)::eh_s(17):

 

[manoooram]

تسلمين على الموضوع فعلا شي يضيق الخلق اللي نشوفه هالأيام
الله يهديهم البعض للأسف الشديد ..
سلطو اهتمامهم بمواضيع الغير بالسب والخناق والجدال توصل للفتنه
بدل التزود بالفائده أو ادراج الاضافات المفيده للغير بالموضوع
مع العلم ان احنا بشر ومعادن نختلف بوجهات النظر الا ان عند البعض صعب تقبل هالمنظور

 

[روانتي 12]

وعليككم سـٌلام و رحمةة آـآلله ؤ برككآـآته . . ,’

حبيبتي فعـٌلآـآ نت يضيق صدر . . وأـآذآ كرهتي نت بتكرهين ككل ششـٌي فيه . . ,’

و ما ألؤؤمج أـآذآ زهقتي لان كثرة ة القعده على نت بتزهقين . . ومعروف هالشي ان قعدي على شي دأـآيمآ مع الوقت بتكرهينيه

و أـآذا على أـآلهؤؤآـآششٌ . . بصصـٌرآـآحه مدري شالحل بس أظظن الحل عند أـلآدأرهه . .

قوآـآج آـآلله حبيبتي . . ^

 

[سفيره الكويت]

اختلاف وجهات النظر متواجده في النت وخارجها ولكن علينا اختيار الكلمات المناسبه للتعبير عن وجهه النظر

 

[ليلو جبريت]

سوي مثلي مندعسه بقسم الكتب

تعالي هناك نفيدج وتفيدينا

 

[taybaa]

تسلمين حبيبتي وكل كلامج صحيح بس شنقول الله يهديهم وينور بصيرتهم

 

[المرتاحة]

لا تعورين قلبج

في اقسام هاديه و حلوة جابليها وريحي مخج

لان الهواش و الفتن ماراح توقف دام ابليس لي الحين عايش

 

[بنت الاحلام]

معاج حق حتي انا بس احسن شي طنشي ودوري قسم مافي هواش

 

[Killer^Girl]

انا ماقرا هالردود ولا ادش هالمواضيع ولا اشارك بهوشه او نقاش حاد عشان ماحتر وانفعل
سوي نفسج ماتشوفين احسن

 

[adoreable-q8]

النت الللي يستخدمه بشكل جيد يستفيد

واللي يستخدمه بشكل سيئ يتملل منه

 

[عطاء أنثى]

صراحه مااشفت هالشي تجولت بالمكياج حمل ولاده زواج عروس بيع ملابس وغيره





ماشفت احد يتهاوش !!!

 

[حساسة مصر]

ماتقريش ولا تكملي الا مواضيع تستفادي منها

شوفي من العنوان اذا دخلتي ح تستفيدي او لا

 

[* ليــــدي *]

آغلبهم آطفآل ومندفعين بكلآمهم

 

[حبي بيرين]

فعلا المنتدى تغير وصاير ماش بس عاد فيه بنات العكس ادب واخلاق وخفه دم

 

[عادت ذكرياتي]

في أقسام هادية ومفيدة مثل قسم الكتاب حلو

 

[حمام شاقني فنه]

المشكله من هالعضوات الي يشعلون الفتن الحين رادين بموضوعج وكانهم ماسوو شي


اعوذ بالله النفاااق حايش بعض البنات ومو حاسين بنفسهم


الله يرد الكويت مثلها سنه 2010 كنا شحلاتنا

 

[KOKO_284I]

صدقتي بكل كلمه

نبي شي يونس مافي بكل شي مدخلين الطائفيه والمذاهب ولا عيب كلنا اخوان كلنا اهل ديره والله عيب اللي قاعد يصير

و
اتخيلي قبل جم يوم قاعده اسال عن مستشفى السيف لا بولد فيها دشت وحده اتقول راعي المستشفى عيمي واللي يعطي يعني قاعد يدعم ايران

شالساااااااااااااااااااااااااااااااااااااااااااااالفه والله قهرتني شكو

كل شي صار سياسه ...

 

[KOKO_284I]

ولا كاتبه اللهم اني بلغت اللهم اشهد


ولا ما ادري شقول ( عندها ضمير الاخت )

 

[((غلاي))]

طبعن الناس كل واحد رايه يختلف عن الثاني
بس الي قاعد يصير السوووقيه بالاسلوب
ممكن وجهات النظر تختلف لكن احترم الراي الثاني ما انتقد و اسب و طبعن كل واحد و تربيته
الله يهديهم
شوفي انا بالنسبه لي اي موضوع مبين من عنوانه ان راح تصير هوشه اريح بالي و لا ادخله كلش

 

[دلوعة أبوهآ]

إختلآف الاراء ووجهآت النظر