كرهت حياتي ذبحني هالمرض تعبت استغفرالله شالحل ؛(

[Behtar]

السلاام عليكم بناات خلاااص. تعبت بما فيه الكفايه
جسمي ماقام يتحمل الحمدلله ع كل حال
بس شنو كل شهر شهرين يايتني نزله معويه او تسمم جسمي ماقام يتحمل
صايره صفره جني موزه تمشي انا هلكت ونفسيتي تعبت
مغص بطن الي يلوي لوي يخليني اتصارع بالفراش واتلوا واون
واسهال شديددددددد وكل شوي رايحه راده واصراخ بالحمام اسهال ومغص
وترجييييع
وماقدر اكل لقمه لان المغص يزيد
تعبت اول الاوقات كنت اروح مستشفيات بس خلاص حفظت الادويه قمت بس اشتريها من الصيدليه
مرات اتيي اقول يمكن من مطعم بس مرات يكون اكلي من البيت وهم اتيني
وياليت مره سنه لااا اتيني بالشهور كل شهر شهرين
حتى ولدي سنه مسكين ماقدر اجابله وماعندي خدامه
وخلصت ليمون وروب ولبن الجمعيه شسوي يعني شالحل
تعببببت استغفرالله كرهت حياااتي

 

[ام كوثر2007]

حبيبتي ما تشوفين شر والحمدلله علي كل حااال ..


نصيحت اخت لج .. روحي سوي تحاليل يا قلبي لا تسكتين عن نفسج .. شنو نزله معويه كل شهرين شصااااااااااير ؟؟



اشلون هامله نفسج جذى مو زين لا عليج ولا علي وليدج .. حرام عليج نفسج يا قلبي . روحي عابلي بنفسج وسوي تحاليل وقعدي معا الدكتووور واشرحيله حالتج ..


وحاولي دايم البيت يكون معقم بديتووول وهالممنظفااات .. وحاولي تغسلين ايدج اكثر من مره وكل مره .. عشان هذا الفايرس معرووف ايييلج من حتي الجوو ..


ما تشوفين شر يا رب واجر وعافيه ..

 

[بنوته كيكه]

اختي اذا سهال وانتي بكرامه اكلي موز و بطاط فوحيه يوقف الاسهال
زين ترا امكن فيدج وحولي ماتكلين اشيا دهنيه حولي تسوين تحليل
بس الانصح تسوين تحليل ترا مو زين وحلتج مو هينه كل شهرين
فا نصيحه من اخت الي اخت سوي تحليل احس عندج شي مابي اخوفج

 

[جسر الزمن]

اتوقع يا قلبي فيج مشكله جهاز الهضمي او التهاب بالامعاء سوى اشعه مقطعيه و تحاليل دقيقه



الله يشفيج يا قلبي

 

[Behtar]

الله يستر
انزين اروح اي دكتور باطنيه صح ؟
ويعطيكم العافيه حبيباتي

 

[Behtar]

وعلى النظافه انا فيني وسواس نظافه من الاساس
حتى ولدي اغسل ايدنه بمعقمات
واصلا ماعندي اظافر كل اسبوع اقصهم
ومايطب ببطونا شي الا وهو مغسل عدل مدل
اللهم المطاعم مرات نضطر ناكل منهم بس عاد مو وايد ناكل منهم
عشان جذي متاكده مو من المطاعم
وانا اصلا طبخي استخدم كل شي صحي ودايت والفواكه والخضره يوميا ابيتي
احس بطني تعبااااان
وان شالله اسةي تحاليل ويارب يشفيني ويشفي كل مريض

 

[رونتي دنيتي]

يمكن معاج جرثومه بالمعده
انا قبل كنت بس ارجع وسهال
وطلعت جرثومه
روحي ويسولج اشعه او منظار
والله يشافيج ان شاالله

 

[رونتي دنيتي]

يمكن معاج جرثومه بالمعده
انا قبل كنت بس ارجع وسهال
وطلعت جرثومه
روحي ويسولج اشعه او منظار
والله يشافيج ان شاالله

 

[قطوة@@]

الله يشافيج راجعي المستشفى

 

[)خجل الورد(]

الله يشفيج يارب ويخلى لج وليدج مثل ماقالوا البنات سوى فحوصات شامله عشان تعرفين بضبط شنو سبب هالالم

 

[بوسيcat]

تاكدي ماظن نزلة معويه جذي لازم اتجيكين سوي تحاليل
والله يشافيج ياااارب

 

[جروح ودموع]

سوي تحلييل ضروري وباسرع وقت وبالمره سوي تحليل وظايف الكبد وانزيمات الكبد وطمنينا عنج حبيبتي وما تشوفين شر والله يشافيج ان شالله

 

[**سهام**]

الله يشفيج يا ربشوفي اختي انتي لازم تراجعين طبيب جهاز هضمي يسوي لج كل التحاليل اللازمة ويسوي لج منظار معدة ومنظار قولونويعرف شنهي المشكلة اللي عندج . لا تتهاونين مع حالتج لان جسمج قاعد يعطيج انذارات انه في شئ موطبيعي فلازم تنتبهين .وما تشوفين شر حبيبتي

 

[مس مونتريال]

حبيبتي مثل ماقالوا البنات ضروري تفحصين ليش تهملين بعمرج
وماعليج شر ان شاءالله , طمنينا​

 

[رولكس ذهبيه]

هلا اختي


انا كنت نفسج لمدة عشر سنين ومو عارفه السبب وماخليت شي من الادويه والعلاج الشعبي ماكو فايده واكثر من منظار سويت بس كله بالمعدةواخر شي سويت منظار للامعاء وطلع فيني مرض حساسية القمح


وابتعدت عن كل شي فيه قمح والحمدالله اختفت كل الاعراض حبيت افيدج والله يشفيج ويشفي كل مسلم

 

[ريحانة الجبل]

طلبي تحليل عشان تتاكدين انه ما فيك جرثومة المعدة
والله لا يقول بس عندك بعض اعراض مرض كراون تاكدي من دكتور شاطر ، او نفس ما قالت الاخت عسى من يكون عندك حساسية قمح ، حماتي فيها هالحساسية والمستشفى يصرفون لها اكل خاص من قسم التغذية
والف سلامة عليك

 

[الفدنه]

حبيبتي ما اظن نزله
راجعي طبيب
وجربي الطب النبوي خلال هالفتره
اخذي عسل اصلي ع الريج يوميا وقبل النوم علي معده فاضيه يمكن يزيد معاج الاسهال باول فتره
واشربي معاه ماي دافي وعالجي نفسج بماي زمزم
جربي الاستضلاع بماي زمزم
بس لا تهملين نفسج لاااازم تروحين دكتور باطنيه اوجهاز هضمي