كروز اوربا في شهر 10 و11

[لميس^^]

السلام عليكم يا بنات اشلونكم عساكم بخير .........


انا بسالكم عن كروز اوربا في شهر 10 او 11 انا اللي اعرفه ان اسعاره وايد اتصير ارخيصة يعني اتصير

التذاكر حق شخصين اب 1000 دينار بس اللي ابي اعرفه اهوا هل الرحله راح اتكون ممتعة والا راح يكون برد

وما يسوى الواحد يروحلها ؟؟؟؟؟ اهوا طبيعي يكون برد بس ما ادري لان المناطق اللي تمر عليها الباخرة

اتكون ساحليه فيمكن يكون الجو بارد بس مو قارص وموت وثلج ؟؟؟؟

بليييز بنات اللي تعرف خل اترد علي

 

[kuwaitya_zoGaa]

مادرى والله

 

[قـہۈه فـرنسيـہ™]

ايه صاجه اختي....راح صيرون قالب ثلج ...موت صقيع

يعني بتبقون داخل الغرف ما راح تقدرون تطلعون برااا

 

[ام الشيخه]

ممكن تفاصيل اكثر عن رحله الكروز ؟

 

[~ Spoil Girl~]

ما عندي فكرة

 

[للحين ناطره]

اللي راحت رحله كرزو
ختسولفلنا
نبي انعرف

 

[عبلة مرة عنتر]

انا رحت بالصيف رحلة كروز
رحلة ممتعة وخيالية مرت بنا على مدن اوروبية وتركية
السفينة كانت ايطالية جديدة توها ما انتهو من بنائها الا السنة اللي راحت وجلسنا اسبوع والغرف كانت خيالة كانك في فندق خمسة نجوم وعند كل غرفة برا عند الباب خدامة خاصة وكانت غرفنا ببلكونة تطل على البحر والسفينة هذي فيها مطاعم ومسابح ونوادي رياضية وكوافيره واللي عجبني صدق ان فيه مكان للاطفال يمسكونهم ويأكلونهم ويلعبونهم ويخلونهم يسوون شغلات فنية حلوه وبرضو فيه للمراهقين نفس الشي مكان خاص فيهم
بس الشي اللي ما عجبني فيها صالة القمار اللي يبدأ نشاطها بالليل وانا صراحة صار لي موقف محرج لان بنتي عمرها ثلاث سنوات جلست تبكي:krkrkr: وتسحبني معاها وتقول بالعب ولما شفت اللي حولي أتاري اللي يلعبون قمار حواليني بكل مكان والشيخة تبي تلعب بألعاب القمار :eh_s(9):
صراحة عموما الرحلة كانت ممتعة لكن بالشتاء والله ما ادري بتكون ممتعة او لا.... صراحة انا افضلها بالصيف
:33_1185028183:

 

[مس فيراري]

الكروز حلاته بالصيف بس اوربا بشهر 10او11 يتروالي صقييييع. اذا حابه روحي شهر 5

 

[janirek]

نفس الاستفسار بليز الي جربت تفيدنا بتجربتها وكمان عندي سؤال بعد اذن صاحبة الموضوع هل الحجاب عادي داخل الكروز وهل فيه عرب أو محجبات؟

 

[ام _خلودي]

مادرى والله ماعندى فكره

ان شاء الله البنات يفيدونج

 

[rawona]

الكروز في اوروبا رخيص بالشتا صح بس ترى مو شي برد موت ماتقدرين اتسوين فيه شي .. احلى شي الكروز بالشتا اذا كان في الكاريبي او البهاماس


موفقه
​

 

[janirek]

توكلنا على الله وراح نروح الكروز باخر شهر 10 وانشالله لما أرجع أقولكم شلون الجو بس على فكرة الأسعار ما حسيتها أرخص

 

[Tantoshah]

انا بعد وياكم رايحة كروز اسبانيا شلون الجو بنات 20 اكتوبر ؟؟

 

[janirek]

بس حبيت فيد خواتي أني رحت بشهر 10 وكان الجو روعة بالنسبة لي كمحجبة بس بالليل كان بارد على سطح السفينة أما داخل المدن فكان مناسب جدا وأحيانا مايل للحر بالذات في المدن الايطالية وأنا بصراحة أنصحكم فيها بأشهر الربيع أو الخريف وما أنصح فيها بالصيف عشان الصيف تكون الناس كلها لابسة مايوهات وبتسبح أما بالخريف أو بداية الربيع بكون الوضع أستر وان شاء الله ناوية عيد التجربة على شهر مايو القادم على نفس الشركة

 

[ALSHD]

وااي شكثر اسمع عنهااا تشوووق


عليكم بالعافيه فديتكم اللي راح واللي بيروح

 

[جاردينيا_2000]

للرفع
ابي اعرف المواقع الي انحجز فيها
وكم الاسعار
الرد على الخاص

 

[Om_Ksha]

فكرت فيها بس بشهر 12 او 1 يصير برد

 

[Om_Ksha]

^
^
هههههههههههههههه هذا ردي قبل عام .. والحين محتاره بعد تنفع اخر 11 !!؟!