كروشات اللي ساكنه بروحها بشقه:(

[دلوعة كويتيات]

شلونكم كروشات
انا حامل وساكنه بشقه بروحنا انا وريلي وغندي خدامه نص دوام بس مو دايم اتييي ،
عاد شقتي مو كبيره بس احس اتعب ماقدر ارتب نفس اول واسنع ومالي خلق ابخر واغسل لاني
احس بتعب
منو نفسي بشقه بروحها وحامل ومتوهقه
مادري شسوي
بس اشوا ريلي عسكري يستلم مرات بدوامه واروح بيت اهلي
بس حبيت افضفض .

 

[girl k.s.a]

انا مثلج بروحي وعندي بنت والحين دشيت 10 وجيت بيت اهلي
لكن بالتاسع كنت انظفها يوم ويومين لا وزوجي عادي مايقول شي يقولي ريحي مو مهم اهم شي انتي بس انا ماحب الفوضى بالرغم ماعندي خدامه وبنتي الله يحفظها ارتب هنا وتعفس من جهه ثانيه لكن شسوي بعد اهم شي النظافه

 

[الـفـجـر الـبـعـيـد]

انا فبجري كنت نفسج وايد اتعب واحس ظهري خلاااص انفصل
كنت اييب خدامه ساعتين تنظف وتمشي يوم ويوم لا ومرات
امي حبيبتي تييب لي الخدم ينظفون ما ترضى انظف وانا حامل

 

[نـعـومـه]

انا شقتي الله بالخير

فعلا تعب غصب اغسل مواعين غصب اغسل الملابس وتوني مقدمه على خدامه ان شاءالله تطلع زينه*

 

[Winter Q8]

أول الأشهر كنت أنظف بالاسبوع مرة او مرتين و الطباخ مو كل يوم ..و بالتاسع صدف رمضان فكنت اتفطر عند أهلي .. و أقعد عندهم من بعد الفطور لساعة 3 الفير .. ارجع الشقة اقعد و انام 8 و اقعد قبل الفطور .. فماكنت انظف الصراحة ما كت أقدر أجندس و ظهري و غير الطلوق الخفيفة اللي من اول التاسع ..

 

[سكر فتافيت]

طيب انت ماشاء الله اهلك هنا
انا كنت حامل وبنتى صغيره 3 شهور فقط
وكنت اسوى الى اقدر عليه كل يوم جزء
والطبيخ والمواعين اول بأول
وتجيبى واحده تنضف مرتين بالاسبوع
والحركه بركه والله وتساعد فى الولاده
وتحافظ على الوزن بدل ما تطلعى دبه بعد الولاده
ونصيحه لا تجيبى خدامه تقعد بالبيت معاك
وخليك على راحتك انت وزوجك
ربنا يقومك بالسلامه ويرزقك الطفل السليم المعافى

 

[english muffin]

انا الصراحة ما اتحرك ماسوي شي
ريلي ينظف والخدامة ام ساعات تيي 3 مرات بالاسبوع

 

[المسكـ]

انا هم شقتي معقوله بس طفاااااااااااااااااااارتي اذا شفت شي وووصخ ومغبر ولا ملابس ريلي مو موجوده ولا مو مكويه مع ان معاي نزيف ومفروض ماتحرك الا للحمام تكرمون بس ماقدرررر مانظف
مع ان عندي خدامه بس وجودها زي عدمه طبعا انا ماطبخ ولا عندنا مواعين ولاشي يعني مجرد تنظيف للبيت وطبعا الخدامه شغلها اييييي كلااااااااااااااام تعبتني حيل من كثر ما ازفها واكلمها ماكو فايده قمت اسوي اغلب الشغل بروحي مع ان ظهري ذاااااااااااااااااااابحني وركبي بس شسوي لازم نكووون وراهم وابدا ماخليها ترتاح الا لما اشوف كل شي نظيف

 

[اينااس]

شقول انا عندي بنتين نظفي ويعفسوون نفس الد قايق

حيل تعبت وظهرى اقل جهد اسووى اتعب حيل

اليوم غسلات الملابس بغيت اموت من الالم واتعب تميت طول اليوم ناايمه هذى تونى بشهر الاول

الله يعنى على الاياام الجايه والى عندى ماايقدر التعب كل يطحن يبي طبااخ وغيره

 

[om MaRyooM]

عادي حبوبة سهالات انشالله


دام عندج وحدة تييج تنظف وتسوي .. انتي اللي عليج عشان لايتكود الشغل ولاتنعفس الشقة اول بأول ردي الاغراض
وسالفة التعطير وجذي مو لازم ترا
انا بحمالي كللش ولا مرة بخرت لوول .. لأن ماقدر عالعطور


اهم شي الشقة مو عفيسة .. وتكون نظيفة


ازمة وتعدي

 

["*آآآنؤؤؤقهـ*"]

اهم شي انتي
صدقيني الزوج يرحمج لانج حامل وتعب مهما يكون بعد شتسوين
ولا عالتظيف نظفي كل يومين او اكثر بعد لان ماعتقد عندكم نثره وعفيسه حيييل .. صح

والحمامات شطفيهم بديتول اهم شي ريحتهم وبس
والمطبخ كودي الصحون لاتغسيل خليه ع الخدامه نص دوام
والملابس والكوي على الخدامه
ولاتحاتين وتفكرين وتجهدين نفسج
خليج ريلاكس انتي حامل اهم شي نفسج وراااااحتج

 

[سمسمة كويتية]

واي نفس الحاله أول كنت كل يوم أغسل الحمامات عزكم الله و المطبخ و كل يوم أشغل مخمة الكهربا
الحين كلش مالي خلق و قلبي يعورني ودي أنظف بس مو قادرة بس الحمدالله الشقه ما فيها غيري أنا و ريلي يعني مافي أحد يوصخ

 

[Ms.electric]

و الله أنا نفسج بس أنا الله يخلي خدم خواتي و أنا اشوش اللي أقدر عليه و لازم الريل يغدر

 

[سيلينا]

الله يعينج بس على قد ما تقدرين حاولي تتحركين والله احسن لج من بدايه الحمل يعني مو تبذلين
مجهود قووي لا نظفي بالعدال وقسمي الشغل والله تتسهل ولادتج وحملج يكون افضل طلما ماعندج مشاكل بالحمل حاولي على قد ماتقدرين تنظفين كل ساع شغله ورتبي اول باول

انا بحملي الاول والثاني كنت بروحي مافي خدم ومو بالكويت مو اقولج البيت يلق لا بس كان نظيف ومرتب
ويجي وقت يكون معفوس لان ولدي كان عمره سنه وحوووسته بس والله حملي بالبجر لاني اتحرك وانظف كااان الحمدالله خفيف ونفس الشي بالثاني
الشغلات الي تغث غسيل الهدوم وضراب الاوتي خليه حق الخدامه النص دوام وهم غسيل الحمامات اما التنظيف الثاني المطبخ وغيره سهلاات كل ساع رتبي شي وطلما انتي وزوجج بروحكم ما اعتقد البيت بينعفس حييييل

لا تضيقين خلقج تجي ايام بالحمل تكونين خااامله وبس تبين تنامين شي طبيعي الكل يمر بهالشغله

ولي شفتي نفسج كلش مو قادره تنظفين خلي خدامت اهلج تجيج لو مره بالاسبوع

الله يسهل عليج حبيبتي

 

[غزل بنات]

ذكرتيني باول الحمل كنت اتعب وزوجي مايخليني اسوي شي بس يعفس شقتي وانا ماحب العفسه انادي خدامة اهلي تنظف او اطلب وحده نص دوام

عقب قدمت علي خدامه الانه الغسيل والكوي وتنظيف المواعين يهد الحيل خاصه لادش المطبخ رجال تكرهين حياتج يعفس حيل علبونه مريحج وهو يلعب بالدنيا

وجات خدامتي بعد عيد الفطر والحمدالله مرتاحه بس اطبخ وانظف داري وهي تنظف الباقي وتغسل المواعين وتكوي وتساعدني يازين النظافه تحسين براحه

بس العفسه تضيق الخلق تخليج تكرهين شقتج وخاصه وانتي تعبانه وحامل

 

[فلافل وبطاط]

انا بشقه بروحي عندي بنت عمرها سنه وجم شهر ... اللي يعفس ريلي
يحذف ملابس وجواتي لازم نفس الياهل ألملم وراه ... بس هم مايقصر حبيبي
بين فتره وفتره انام في بيت اهلي ارد الاقيه ماسح الارضيات ومعطر الشقه و
امنظف بالمكنسه ... بس يكود المواعين غسيلهم علي والطبخ كنت اطبخ اول شهور
ايام اي وايام لا بس الحين اقل حراره انغمت واتييني دوخه .. اكره وقفة المطبخ ...

اللي كاسر ظهري تغيير حفاظات بنتي وشيلتها صعبه علي والحمدلله اشوي ارتحت
لما مشت ...

وبييب خدامه بس هم قلبي مايطاوعني اخليها اتغسل واتلبس واتغير حق بنتي ...

وشغل البيت مقدور عليه انا وريلي نتعاون ... على التنظيف وغسيل الملابس والترتيب ...
وما يتضايق من العفسه لان يقدر وضعي .. ومايرضا اجهد نفسي ...

والله يسهل علي وعليكم ياارب ...

 

[Melazlaza]

عندي طفل عمره سنتين وحامل وماعندي خدامة الحمدلله مرتاحة حيل لاني جربت الخدم وكنت ما انام الليل من المحاتاة عذاب نفسي الله يقطعهم
يبت غسالة ملابس وغسالة مواعين واوتي بخار والله يعافي المكنسة والديتول الرش والتكنولوجيا ماخلت شي ما سهلته للبشر
اهم نقطة نظفي اول باول يعني شي طايح لا تأجلين بسرعة شيليه وهكذا وبتتعودين وبتحسين بسعادة وانتي ترتبين وتنظفين وهالشي يحافظ على جمال المرأة ورشاقتها عندي رفيجة انجليزية لما اسولف معاها عن حياتنا واعتمادنا عالخدم تنبهر تقول ليش ترضون تدخلون جذي ناس بيوتكم وتأمنونهم على عيالكم واهيا شحلوها تينن مهتمة ابيتها ووظيفتها وعيالها مو احنا نموت بدون العمالة المتخلفة

 

[الدنيا غير]

تخيلوا عيل انا ثلاثه وكلهم تحت بعض و بشقه و بدون خدامه يبووووووووووووي احس شوي و احذف روحي من الدريشه بس الله هدا زوجي العزيز لما درى اني حامل ياب خدامتين الله يهدي من يشاء سبحان الله شكثر كنت احن وماكو نتيجه بس لما شاف ان شوي و يطير عقلي هع قال خلي اساعدها شوي لا ولما ياب الثنتين صرت اتدلع بزيااده ههههههههههههه