كريمات so skin

[عبيري]

السلام عليكم يابنات
بغيت اسألكم عن ماركه so skin هل اهيا ماركه طبيه ولا تجميليه وهل اهيا مفيده للبشره وابي اسأل عن السيروم مالهم زين يعني تنصحوني فيه ؟ وشلون طريقته السيروم ووووبعد آآآآآآآخر سؤال ههههه الكريم المرطب مالهم حلو؟ وشنو تنصحوني آخذ منهم واذا في ماركه أحسن منها يا ليت تفيدوني وشاكره لكم مقدما

 

[pure-soul]

السلام عليكم و رحمة الله و بركاته
بالنسبة حق منتجات سوسكن انا جربت كذا شغله منهم
اول شي استخدمته سيروم التفتيح خلصت واحد و شريت واحد ثاني باقي شوي منه
بس تبين الصج مافادني كلش سعره مو فيه انا استخدمة حق ريولي لنه فيها بقع و اللي بالصيدليه قالتلي هاذا تستعملينه مع اي كريم مرطب تخلطينهم يميع و تحطين بالمكان اللي تبين بس مثل ما قتلج انا استخدمته فتره طويله و ما شفت فايده لي الحين حق ريولي

قمت و خلطته مع ديودرنت الشايع العصار و مع جلسات الليزر فتح الأباط فمادري اذا السيروم ساعد ولا لأ
***********
و الشي الثاني اللي استعملته كريم مرطب للتفتيح فيه نسبة حماية من الشمس, استعملت علبه وحده و ما شفت نتيجه قلت ماله داعي اكمل عليه
**********
و الشغله الثالثه اللي استعملتها لوشن خفيف سائل جنه تونر قبل الكريم المرطب المفروض انه يسوي تقشير خفيف انا ليلحين استعمله لنه موجود عالتسريحه بس ما فادني
**********
يمكن المفروض استمر عليهم عشان اشوف نتيجة بس حسيت انه في منتجات ثانيه تعطي نتيجه اسرع منه
أو يمكن اهوا ما ناسب بشرتي
لنه في ناس كانو مادحينه
**********
أتمنى اني فدتج و ان شالله البنات ما يقصرون بالردود معاج
و أي سؤال انا موجودة :sfg:​

 

[أحبك ولكن]

اب لعيونج

 

[عبيري]

يا بعد عمري مشكورين يعني ما تنصحوني فيه ؟
انزين عيل شنو الماركه الزينه اللي تفيد البشره ؟

 

[pure-soul]

انا كنت أدور بعد على ماركة زينه اشتري منتجاتها
و أنا ادور لقيت ناس تمدح fair & white
انا مجربه صابونتهم للتقشير برتقاليه وايد زينه و البنات بالجامعه يسألوني اذا انا مسوية تقشير بعيادة خاصة يعني مفعولها سريع و حلو...
سوي سيرج يمكن تلقينه امس شايفته و ما لقيته​

 

[Killer^Girl]

انا جربت البيس المرطب وجربت كريم العين وكلهم حلوين وانصحج فيهم
باختصار الماركه عجيبه

 

[هنـــد]

انا جربت السيروم فيتامين سي رووعه

 

[عز النفس يغنيني]

انا جربت سيروم فيتامين سي يهبـل . .

وهم غسولهم إللي بالحليب

وحمايتهم إللي من الشمس ..

وكلهم روعـه ..

وموفقه ..

 

[ريماR]

اب
اب
اب

 

[عزاري123]

السلام حبيبتى بصراحه انا بعد جربت سوكن روعه جربت الفيتامين سى يهبل والحمايه بعد تهبل والغسول روعه ويمكن الاخت الى ما ياب فايده حسب ما فهمت انا الكريم البشره مستخدمته للجسم اكيد ما ييب نتيجه بس الما ركه انا ورفيجاتى نستخدمها ومستفيدين منها بصراحه