كريم اساس لبنتي عمرها 16

[انا كلي لك]

السلام عليكم ورحمة الله وبركاته
كيفكم يااحلا بنات من احلا بلد
وربي مشتاقه للكويت واهلها وترابها وهواها



انا عندي سؤالين وابي فزعتكم
بنتي عمرها 16 وعندنا مناسبه زواج واحنا مو من النوع الي نحضر زواجات كثير
بشرة بنتي صافيه نوعا ما بس بادي فيها سواد حول العين والحين اختبارات يعني راح يزيد التعب
وابي لها كريم ينعش بشرتها وينورها ويكون خفيف لانها رافضه انها تحط اي شي بس قلوس وبس
واذا فيه صور لمكياج البنوتات ياليت تسعفوني لان ادور ومو لاقيه


وعندي مشكله ثانيه الي هي بشرتي الي حول العينين فيني سواد وتعب واذا حطيت مكياج تتعب زياده وتطلع عيوني تعبانه وذابله ويخرب شكلي ومااقدر اني اكثر من المكياج في هالمنطقه
ابي عاد الله يسعدكم اي بيس او اي كريم او اي كبسولات احطها قبل المكياج تعطي انتعاش وتملئ المنطقه وماتطلع تعبانه
ياليت تساعدوني

ومشكورات مقدما والله يوفقك

والله مشتاقه موت للكويت :eh_s(11)::eh_s(11)::eh_s(16):

 

[الــــغاليـــه]

رد : كريم اساس لبنتي عمرها 16

حبيبتي انصحج بإبر النضاره عجيبه حق البشره وتنعشها وترد حيويه البشره وتشيل الهالات والتعب.

 

[انا كلي لك]

الله يعطيج العافيه بس والله مااحب الابر والعمليات حتى لو انها بسيطه ابتعد عنها احسن لي والا نا مفكره في الموضوع بس خوافه
ومشكوره على الرد

 

[عيون القرناس]

رد : كريم اساس لبنتي عمرها 16

لبتنج اتوقع كريم ماكس فاكتر لانه حييل طبيعي وحلووو انا استخدمه لاني ماحب الكريمات الثقيله
وفي بعد كريم اسمه moss
تحصلينه بسنتر بوينت اخذي اللون الطبيعي واخذي البودره مالته رقم عشره حيل لونه حلو وطبيعي
وبخصوص الهالات السوده استعملي قناع الروب والليمون والعسل حطيه على كاامل وجهج و تحت عيونج لمدة نص سااعه
واستعملي جنين القمح عند العطار ترا حيل حلو قبل النوم حق الهالات السود
والله يوفقج يارب

 

[قاهره عذالي]

رد : كريم اساس لبنتي عمرها 16

في عندج كريم اساس لما كنت صغيره احطه + بودرته المضغوطه
حيل حلو وخفيف ماركة نيبو

وتحطين تحت هالبودر
نيبو كريم سائل اساس

 

[al7lwa` `]

حبيبتي بنتج معاها حق

توها يااهل لاتحطين لها شي بس كريم اساس عشان ينور بشرتها وماسكرا وقلووس وشوية بلاشر

لبنتج عندج من ميبيلين دريم موس وااايد حلو وطبيعي

وانتي لازم تحطين كونسيلر برتقالي وفووقه كونسيلرج

بس هم لالالالالالالالالازم تعالجين بشرتج حبيبتي

 

[قاهره عذالي]

رد : كريم اساس لبنتي عمرها 16

بنات عمرها 16 مو صغيره

اذا بسن الثانوي ما حطت مكياج

متى تحط
لا والله ما اشوف البنت صغيره ع المكياج

اهي مو 14 و12

 

[D u D u]

رد : كريم اساس لبنتي عمرها 16

جربي كريم اساس ماركة ريفلون او بورجوا وايد زينين و خفيفين حق البنوتات اللي بسنها

 

[caramil]

انا اشوف ان البنت مو صغيره على المكياج ..
بس هم مو حلوه انها تحط وايد لأن كثرة المكياج تكبر البنت تخليها جنها بالعشرينيات واهيا توها مراهقه
علشان جذي انا اقولج لازم يكون مكياجها متكامل هذا عرس وشي طبيعي اذا ماكان متكامل راح يسيح
ويبين شكلها طافي بين البنات مالها اي رونق..
بس لازم تراعيين بإحتيار اللوان انها تكون فرائحيه يعني درجات الزهري او المشمشي ..التركواز..الحشيشي ..الموف الفاتح..مع اضاءة الحاجب
بس لازم يكون المكياج مثل ماقلت متكااامل من الصفر
يعني يبدا بالبيش والاودشين والكولسينر و كل شي ..حتى لازم يكون في لمسه من تاتو الحواجب بس البودره الخفيف
اللي يكون من البودي شوب لأن البشره بفاونديشن تخلي شكل الحواجب رماديه علشان جذي لا تنسين هالخطوه

وحسب علمي 16 بالكويت تحط راسها برااس الكبار وابدا مو كبيره انا مرت ولد عمي 17 سنه ...توها والده

والله يخليها لج انشالله وتشوفينها عروس

 

[caramil]

لوول طوفوا البدليات بليز..

 

[نونا 3000]

لا تحط كريم توها صغيرة اذا مناسبة عرس ولا حفله الله يبارك بالصالونات

 

[خفايا قلب]

انتي وبنتك استخمي قبل اسبوع من المناسبة كريم الترطيب من شانيل روعه

والميك اب بنتك الكري تاخذ نفس بشرتها من بودي شوب حلوة كريماتهم الاساس وطبيعيه ان استخدمها للصباح لان فيها نسبة حماية او كلينك من فيسزز

 

[caramil]

اما بالنسبه للبودره اللي حاطتها الاخت اتمنى تبتعدون عنها..مو هاذي ماغيرها اللي بالحواي؟؟

ديروا بالكم لا تشترون مكياج الا من ماركات معروووفه تقطين عليها 10 وو 16 وانتي ظامنه احسن من انج تشترين كريم
بدينارين ويخرب بشرتج..وخصوصا البشره بهالفتره من العمر حسااااسه حيل و سن مراهقه وحبوب و لوووويه

 

[صحفية]

مكياج بنتج:
كريم اساس من ماكس فاكتر ( يكون لونه طبيعي عليها لا افتح ولا اغمج)
بعده بودرة اساس المضغوطه( كومباكت باودر) من ماكس فاكتر واللون طبيعي
خط ايلاينر ضعيف من جدام وعريض من بره
مسكره سوده تكثف وتطول الرموش
بلاشر وردي او برونز على حسب الوان بدلتها
حمره فاحه وهاديه

للاسف مااعرف احط صور لاني اشبك من الايباد ؛( الي تعرف تعلمني وراح احطلج صور


بالنسبه للسواد الي دار مدار عينج :

تستعملين كونسيلر برتقالي دار مدار العين.. بعده كونسيلر البيج الي متعوده تحطينه


اتمنى اكون افدتج ؛)
دعواتج ؛)

 

[AL-7Oo0b]

رد : كريم اساس لبنتي عمرها 16

حبوبة فيه مرطب من بنفيت فيه لون للبشرة خليها تحطه دام بشرتها حلوه وصافيه لا تخربها بالمكياج لاحقه عليه ،،واذا عندها مناسبة تروح الصالون ،،

فيدتج اذا عندج سواد في منطقه عينج سوي فحص دام شوفي اذا الحديد عندج نازل لانه الحديد اذا نازل في الدم يسوي سواد تحت العين وحوالين الشفايف ،، وفيه ابر النضارة وفيه كريمات للبشرة شوفي كلينيك ،، او خذي فيتمينات للبشرة لمده 3 اشهر

 

[Petite]

رد : كريم اساس لبنتي عمرها 16

أقترح حق بنتج كريم اساس بورجوا اللي بأحماض الفواكه

وايد يمدحونه حق توحيد البشره وللبشرة اللي مافيها عيوب

خصوصاً انه مايضرها لأنه من أحماض الفواكه



وبالنسبه لهالاتج

وايد أسمع البنات يمدحون هالباليت حق الهالات يخفيها

طبعاً لازم تسألينهم شلون خطوات الألوان عشان تخفي الهالات السوداء

بخصوص رد كراميلا .. وايد راح ينفعج ردها وفيه نقاط مهمه

بخصوص البودره اللي حاطين صورتها ( نيبو ) ما أنصحج تخربين بشرة بنتج بالمكياج الرخيص


واحنا نحبكم يابعد عمري .. وعسى أيامكم كلها أفراح

 

[لينا لانجري]

رد : كريم اساس لبنتي عمرها 16

حبيتي أنا بستعمل كريمات ألمانية بجيبهامن ألمانيا مو موجودة بالكويت مجموعة كاملة من الغسول الى كريمات الليل والنهار والسيرومات سهرها يعادل بالدينار 300 دينار كل عمر الو مجموعة خاصة فيه كل ما صغر العمر يقل السعر

 

[قطوووة]

رد : كريم اساس لبنتي عمرها 16

اب .....

 

[FiOnKa]

السلام عليكم ..

حبيبتي بنتج صغيرة لا تعطينها اشياء قوية تضر بشرتها ..

بـ النسبة للهالات السود استخدمي لها ماسكات طبيعية تشيل الاجهاد و التعب و تنور ويها ; ) ::

عندج ماسك الروب و العسل .. او ماسك البطاط .. او ماسك التفاح .. كلهم يشيلون التعب و الإجهاد و ينورون الويه

~~~

و الفاونديشن .. إختاري اللي يكون خفيف

عندج استي لودر الـ لايت حلو وايــد .. هذا ::

بورجواز حلوو بعد

هذا ::

و اخذي فوقهم لوس باودر يطلع خفيف و ناعم

و كلام كرميلا صح ,, ضروري يكون الميك كامل بس هادي و يناسب سنها .. حلوو ستايل الاتراك بـ الميك يناسب سنها

و شوفي هـ الفيديو حلوو و ناعم وايــد المكياج ::

http://www.youtube.com/watch?v=zBK8J5uup-g&feature=channel

,,

 

[dnyay_mll]

رد : كريم اساس لبنتي عمرها 16

البنات ماقـصرو

بالنسبـه لسـواد تحت العيـن

كريم جيرلان لتحت العيـن حلـو

ويوميـا سوي هالقناع ملعقه حليب بودر وملعقه ماي ورد وخليه ربع ساعه وبعدها شرائح بطاط بارد يكون بالفريزر قبلها

انا كنت اسـوي جذي وراح السـواد

بس الحين مالي خلق من الملل والنفسيـه رد السـواد