كريم اساس هيلثي مكس (سؤال)

[سعوديه مزّا]

اهلين بنات انا شريت اساس برجوا هيلثي مكس رقم 52 وماظبط احس فاتح على بينك !! انا بيضا مصوفره شوي وبشرتي لونها مو متوحد افكر اخذ 54 او 53 وش رايكم ؟

 

[فلسفة انثى]

ما ادري عن الدرجات بس على كثر ما جربت فونديشن من كل الماركات ما اعجبني الا هو

 

[Mrs_Orchidia]

هالفاونديشن غريب سمعت عنه وايد مدح و وايد ذم بنفس الوقت بس شخصيًا ما جربته

اذا مشلكتج مع الدرجة بس ممكن تاخذين لون غير
بس اذا حسيتي ان ما ناسب بشرتج بشكل عام مثلا قشرها او دهنت او اي شي ثاني نصيحة غيريه بكبره

 

[عذووبة]

بليز الي استخدمته تعطيني رايها ؟
ابي شي خفيف للدوام وهم يكون ثابت للخفارات

 

[باذنجانه]

انا اخذت سليب افكت وما يمر 10 دقايق الا اختفى وين المشكلة ؟

 

[بدويـة للنخاع]

اب اب
اب

 

[!! Ba6a 7lwa !!]

up
up
up

 

[خرافية الهوى]

انا الحين استخدم هالفاونديشن للدوام .. استخدم رقم 51 vanilla .. مو ياي على بنك بالعكس ياي على بيييج ..
انا شريته على المدح .. في الشتا كاان حلووو وناعم و طبعا معروفة منتجات برجوا بنظارتها .. بس في الصيف اخ مادري شقووولج شلون يصير ع البشرة .. احطه الصبح الساعة 6 ونص .. اوصل لجامعة الساعة8 ماكوو لون في ويهج .. اللهم بقايا فاونديشن مخترب ههههههه لوول من صجي ترررى .. ولا تنغرين اول ماتحطينه في المحل نظاره وإشراق وإضاءة .. بس طلعي الصبح وشوفي ويهج مادري شلون يغمق لونه وتروح النظارة ويدهن مع انه بشرتي جافة .. ماعجبني ومايطول وايد ع البشرة .. حتى رفيجتي تسألني ليش اليوم مو حاطه ميك اب شفيييج ههههه !! يعني اللي استنتجته انه مايصلح لجونا الحلو الجميل بتشترينه اوكي بس للشتا لكن الصيييييف كلش لاااء !
سليب افكت كان عندي وعطيته بنت خالتي لأنه نفس الشغلة مايطول يختفي ويدهن ..
بعدي صراحة في رحلة البحث عن فاونديشن نضارة وإضاءة .. شكلي هالمرة باخذ ميركل تتش من ماكس فاكتور مع اني اكره هالماركة ..
سوري حبيبتي ماشجعتج ع الفاونديشن بس مابي أأذييج وتشترينه وتنصدميين لووول !

 

[دنيا جديدة]

ممكن صورتة لو تكرمتوا

 

[N F N F]

اممم انا احبه والله بس مثل ماقالت خرافيه استخدم رقم 51 ولونه على بيج
وبالنسبه لي ماتمتصه البشره ولا يختفي بالعكس ينور الويه وهو خفيف وناعم

بس بقولج معلومه ( الهيلثي ميكس للبشره الدهنيه )
( سليب افيكت للبشره الجافه )

 

[ҜęҜสђ]

عااد انا كنت مفكره اشترريه..ماادري ليش عجبني لان ع كلام البنات انه خفييف..
...

 

[Zozowa j]

انا شريته و ما يازلي عطيته بنت خالتي
اول ما احطة تمام تالي يتقشر بمناطق معينة :/ يمكن لان بشرتي جافة
جربي جيفنشي او بوبي براون

 

[زين الوصايا]

up up
تقبلي مروري

 

[سعوديه مزّا]

شكرا بنات يعطيكم العافيه انا ناسبني وعادي انا ابس شي خفيف اصلا :d

بس الدرجه ماناسبتني 52 طلع فاتح اجل 51 وش بيصير هههههههههههههههههههههههههههه

 

[باذنجانه]

سليب افيكت بس اضاءة
وهيلث مكس اساس
هذا كلام البايع