كريم للسليويت (كريم روك الفرنسي )

[مريم بنت الكويت]

السلام عليكم
خواتي الحبيبات بسالكم بخصوص كريم روك الفرنسي للكرشه والاماكن الي فيها دهون

انا رحت للصيدليه القادسيه الدكتور قال هذا كريم روك افضل كريم سعره 16 دينار بس المشكلة ان العلبه صغيره ممكن تكفي بس اسبوعين اذا حطت على مكان واحد بس

وبعدها رحت لصيدليه جنى في بنيدالقار الي مقابل مستشفى السلام الدكتوره عطتني كريم لون الغلاف وردي وسعره 28 دينار والعلبه كبيره وقالت تبقى معاج قرابه الشهر

فـ حبيت اسالكم خواتي شنو مجربات حق السلويت و اخفاء الكرشه والفخوذ والارداف

دمتم بخير

 

[ناني سيكرتس]

رد: كريم للسليويت ارجوكم ادخلوا

انا جربت كورس كامل من كلارنس عجيب وايهبل بس يبيله استمرار ورياضه ويصير الجسم سمبتيك..

 

[ناني سيكرتس]

رد: كريم للسليويت ارجوكم ادخلوا

على فكره ترا كريم روك من غير رياضه او مشي ما يسوي شي كلش..

 

[om_3esa]

رد: كريم للسليويت ارجوكم ادخلوا

انا سامعه عن كريم روك الذهبي يقولون مو زين والله اعلم

 

[مريم بنت الكويت]

رد: كريم للسليويت ارجوكم ادخلوا

حبيبتي ناني وضحي الله يرحم والديج والله ما اعرف من وين هذا الكورس واستخدامه الخ
دمتي بعسل يا عسوله

 

[لازوردي]

رد: كريم للسليويت ارجوكم ادخلوا

في كريم من ماركة جالينيك و الله شكله قوي و خصوصا انه هالماركة انا مجربه منها للبشرة الصراحه روعه بس ماجربت منتاجاتها للجسم بس توني راجعه من فرنسا و هناك وايد مسويين عليها لويه منزلين منتج لتنحيف بس يكون كريم خاص للبطن و كريم خاص للارداف انا شريت كريم البطن و بجربه و بقول لكم النتايج انشالله و اهم يقولون انه النتيجه اتبين بنسبة 77 % و انشالله بجربه و اعطيكم النتايج ... و ترا في منه في صيدلية بوتس قبل يومين مريت الصيدلية لقيت منه هناك ...​

 

[عيني عليه]

رد: كريم للسليويت ارجوكم ادخلوا

بناااات تقولووون اسماااء واجد مستحضراااات شكلها وناااسه .... طيب كتبوا اسمها عشاان لارحنا نطلبها نتكلم عدلللل خخخخخخخ

 

[مريم بنت الكويت]

انا اليوم شريت الوردي الي في صيدليه جنى بـ حدود 29 دينار

اسمه
liposuction cosmetic

بس للحين ما استخدمته ان شاء الله استخدمه مع رجيم واقول لكم النتائج

بس دعواتكم اني اتوفق وتروح الكرش قبل العرس

 

[لازوردي]

http://www.elancyl.com/public/galenic/html/accueil/accueil_elancyl.php?

lang=en


بنات هذا الموقع مال الكريم اللي قلت لكم عنه شوفوه انا راح اجربه بعد الدوره و اعطيكم النتايج ...​

 

[راح حبيبي]

انا جربت كريم روك بس كنت آخذه ب 15 دينار بصراحه نتايجه حيل مذهله وعجيبه من اول اسبوعين بس صج يخلص بسرعه

 

[ام بنتها]

لازوردي الكريم بفرنساا جم سعره و ببوتس جم سعره
لان اخوي بفرنسا الحين فأذا فرق وايد اخليه ياخذلي من هناااك
ناااطرتج بلييز مو تتأخرين عليي

 

[momo85]

قوة حبيباتي ...
بصراحة أنا حدي متازمة من هالسالفة صارلي سنة من ولدت و احس للحين الاثار موجودة بس بصراحة سمعت عن روك ويمدحونه و ودي اجربه