كسرتني الانفلونزا

[لوكريسيا]

السلام بنات ..

بنات فيدوني .. شسوي الانفلونزا كسرتني احس بعوار بكل عظمة فيني :eh_s(22):

و اطرافي باااااااااااااااااااااااااااااااااااااااااااردة و راسي حااااار

قاعدة اخذ فلودريكس .. و شربت جاي .. و امس بالليل تدهنت بفكس ارتحت بالليل بس الحين رد العوار

شسوي ..؟؟ لا تقولون لي جاي و ليمون لأن جبدي تقلب منه

 

[سبائك]

وي بعد عمري لوكريسيا سلامتج

أخذي حبة كاتافليم زينه حق عوار الجسم

أخذيها ونامي

 

[روزيتا]

واله انا نفسج يا لوكريسا والقهر انى تونى طبيت من الانفلونزا يايتنا اخر شهر 11 وتمت معاى 10 ايام والكحه ظلت


بس اول يوم العيد طلعت وانا قبلها بيومين حاسه انى بمرض والحين طحت ولى يويمن بالفراش وهم تدهنت بفكس

وقاعده اخذ حبوب مص نايس واللله كريم

وصج كاتفليم كان الدكتور معطينى شكله باخذهم واحاول انام

 

[لوكريسيا]

سبوجة ---> الله يسلمج .. بجرب الكاتافلام .. مشكووووووووووووووووووووووورة

روزيتا ----> ما تشوفين شر ..

وااااااااااااااااااااااااااااااااااااااااااااااي استغفر الله برررررررررررررررررررررررررررررررررررررررررررررررررررررررررررررررررررررررد

 

[لوكريسيا]

خذيت حبة كاتافلام و نمت شوي

الحمدلله أحس اني أحسن شوي

مشكورة سبكهاوة ما قصرتي

 

[سمسميه]

لوكريسيا
ما تشوفين شر ان شاءالله

 

[عناااقيد الحلا]

ياحياتي ماتشوفين شر

يمدحون باندول كولد & فلووو .. انا ماجربتها
بس جربي يمكن تطيبين

وسلآمتج

 

[سبائك]

سلامتج حبيبتي ما تشوفين شر ان شاءالله

 

[AwradAli]

الحال من بعضه لوكريسيا .. ما تشوفين شر حبيبتي​

انا مثلج طايحه مريضه من أول يوم العيد عاداني عمي ميكروباته فتاااااااكه وحده بوحده طيحتني على طوووول بنفس اليوم ولأني ما احب اروح الطبيب عشان انفلونزا طايحتله سوائل حاره وليمون .. لا تشوفين شكلي شلون صاير اعاطس و دموع شفايفي تشققت وبلاعيمي صايره صخر حالتي حاله​

يمدحون بندول كولد اند فلو و كلاريناس بس ما خذيت ولا شي منهم انشالله تقومين بالسلامه يا قلبي أجر وعافيه ​

سبوووج الكاتافلام عطاني اياه دكتور الاسنان لما كانت لثتي تعورني توني ادري انه زين حق الانفلونزا !​

 

[سبائك]

أوراد أنا اختي صيدلانيه فالمصادر موثوووووووووقه

وحتى أنا مره كانت الجيوب ملتهبه عندي وقلت حق الدكتور أن عظامي كلها تعورني قام كتبلي هالدوا وخذيته وارتحت الحمدلله

 

[AwradAli]

شكلي باخذ حبه الحين عاد انا الله خييييير انفلونزا واحتقان جيوب مع بعض

مشكووووره حبيبتي سبااااجه​

 

[سبائك]

ها شلونكم اليوم لوكريسيا وأوراد؟؟؟؟

 

[AwradAli]

تعبانه حدي سبووووج

خفت شوي الانفلونزا بس الله لا يوريج الصداع اللي حايشني مادري شلون بداوم :eh_s(11):

تسلمين لي حبيبتي مشكوووره على سؤالج يا عسوله :hjy5jewf:​

 

[الاسطورية]

بندول اكتف الفضي اليديد عجيب وحده بوحده وايد عجبني

ونامي وايد النوم زين وتدفي عدل شتسوين بعد
الف سلامه عليج والله يحفظ الجميع من الفلونزا

 

[Maneena Manaana]

لوكريسيا... ماتشوفين شر حبيبتي

الفلو بكل مكاان... مال تغيير الجو

شربي جاي حليب وقمسي درابيل وانتي اتطيبين ان شاء الله (مشتهية دراابيل اليوم مادري شفيني)

 

[*دنــيـQ8 ــا الوله*]

ماتشووفون شر انشالله

 

[رفرف]

اخيييييييييييييه سلامتج بنت خالتو ماتشوفين شر
الحال من بعضووو بس ماعندي وقت ادلع روحي بناتي مرضى اهئ اهئ امرض واطيب بروحي محد درا عني ..

 

[لوكريسيا]

بعد قلبي كلللللللللللللللللللللللللللللللللللللللللللللللللللللللللللللللكم

الحمدلله انا تحسنت شوي بس ليلحين نشششششششششششششششششلة و كحة .. خشمي صار ماله معالم من كثر ماهو متشقق و أحمرررررررر

يالله الحمدلله على الصحة و العافية

أوراد----> ما تشوفين شر حبووووبة و أجر و عافية ان شاء الله

سمسمية ----> الشر ما اييج .. تسلمين حبوبة

عناقيد الحلا ----> مشكورة و الحمدلله حالي أحسن من قبل

سبكهاوة -----> تحياتي للصيدلانية أختج .. سلميلي عليها أوي أوي .. و مشكورة عالوصفة

الأسطورية ----> شريت كل أنواع البنادول و خليتهم ستاند باي .. بس الحمدلله الحين تحسنت

مانينا ------> واااااااااااااااااااااااااااااااااااااااااااااااااااااااااي جنج تدرين مشتهية درابيل الشمالي و رهش الرملاوي و بقصم الجولان و حليب مهيل بهالبررررررررررررررررررررررررررررررررررررررررررررررد .. أمس شربت حسو يهبل وحدة يزاها الله خير من أهلنا مسويتة غيبت عليه مع بيض يا سلااااااااااااااااااام سلم و جدامي الدوة ..

دنيا الوله ----> الشر ما اييج .. تسلمين على المرووووور الطيب

رفرف -----> واي سكتي انا مو بروحي مريضة .. انا و عيالي و خدامتي .. دشينا على الدكتور تقولين غزو اسم الله علينا و فحصنا وقافي خخخخخخخخخخخخخخخخخخ مالت عليه ماله خلق حتى دواه مثل ويهه ..
بس الحمدلله الحين الوضع مستتب بالبيت و قاعدين ( نتماثل للشفاء بإذن الله ) هههههههههههه

طمنيني عليج و على بنيااتج شفيهم ؟؟؟؟؟؟؟؟؟؟؟؟

 

[AwradAli]

أوراد----> ما تشوفين شر حبووووبة و أجر و عافية ان شاء الله


الشر ماييج حبيبتي لوكريسيا وانتي بعد ما تشوفين شر يالغاليه​

 

[cuteness]

ماكو على ابرة الخطيب السحرية مالت الانفلونزا عجيبة اهيا الي صحصحتني

وماتشوفون شر