كـبرتني يا هم

[mini ketchup]

سـلام عليكم بنات :eh_s(17):

اولـا انا مو صاحبة هالنك ماخذته من بنت عمي ..
مادري من وين ابتدي في مشكلتي قلبي معورني
عمري 21 و متزوجة من 4 اشهر تقريبا تزوجت زواج تقليدي ..
ايام الملجة ما طلب يكلمني او حتى يشوفني
كان بس ايي ديوانية ابوي و يروح على طول ابوي يقوله تفضل داخل اناديلك البنت يتعذر و يمشي قلت عادي يمكن يستحي .. بداية البلوه يوم عرسي اليوم الي مفروض افرح فيه بس كان غم وهم
لاحظت وحده بالعرس ما عمري شفتها و لابسه لبس فاضح و على كل اغنية تترقص قلت يمكن من اهل المعرس بس بعدين عرفت انها ما تصير لهم ولا هم يحزنون طلعت حبيبته
لمن دشو الرياييل كل الحريم تغطو ما عداها ! و راحوا الرياييل ظل المعرس على طول نطت و يت يمه باااااااااااااسته !!! و لازقه فيه حييييل و يت سلمت علي تقولي ويع جيكره يا حظج فيه بس بعدها قعدت تترقص جدامه :rgewrg: امه و خواته واايد انحرجوا جدام الكل و انا كنت شوي و ابجي
رحنا الفندق عطاني اكبر طاف محترم .. انا رحت الحمام اغسل و اتسنع و ابدل شفته منسدح عالقنفه و يتكلم صوت واطي بالموبايل و نام عالقنفه و انا طول الليل دموعي بخدي
طول هالاربع تشهر ظل معطيني طاف و اسلوبه حيل جاف و ما جاسني كلش يعني للحيني بنت
حاولت اتقرب منه يصد و ما ينام معاي بنفس الغرفه و يقولي انا تزوجتج عشان اهلي بس ولا انا قلبي مو معاج احنا يجمعنا بس ورقه و حبر يطلع من الصبح و ما يرد الا وقت النوم و طبعا جم مره اسمعه يتكلم بالموبايل و يتضحك اكيد يكلمها اخر مره امس بليل سمعته يتكلم معاها و يعطيها بوسات و يتخيل انه معاها بالفراش و يقول الحركات الي يبي يسويها لها .. لا تعليق

انا ما ادري شنو اسوي الحين خايفة اتطلق و يحطون العيب فيني و حاولت اتقرب منه ما نفع

 

[بتبوتااا]

حياتي صارحي اهلج بالموضوع 4 شهور مو جايسج يعني عندج عذر تتحججين فيه وانتي مو ملزومه على هالوضع حياتي

الله يعينج ,,

 

[ماني من الناس]

ادعي ربج ان يخلصج من ظلم زوجج لج << اذا من بدايتها جذيه

والخيره فيما اختاره الله اما زوجج يهتدي ويعرف الطريق الصح

او الله يعوضج باللي احسن منه

 

[ميمي..]

عسى الله ياخذها بنت الشوارع اللي ماتخاف الله
طاح حظها مالقت احد يعطيها وجه لو عندها كرامه ماقعدت معاه تزوج وخلاها وهي مستانسه على بالها انها البطله يعني
وهو مايستحي على وجهه لاتزعلين بس صدق مو رجال اللي ياخذ بنت الناس ويتزوجها عشان يقهرها ويظلمها ليش ماعنده كلمه
مايقدر يقول لاهله لا مابي اتزوجها حتى البنات ماعاد يغصبون شلون الرجال
انا اعتقد انها مسويت له سحر ولا شي شلون يتعلق فيها لهالدرجه
شباب واجد كانت لهم علاقات بس من يتزوجون خلاص او على الاقل مايكشت في مرته لهالدرجه ومايقرب صوبها
انتي مالازم تسكتين واجهييه وهدديه انك بتقولين لاهلك
واذا ماشفتي منه رجا لاتضيعين عمرك معاه اللي هذا اوله ينعاف تاليه
مااحرضك على الطلاق بس صدق مو طبيعي اللي قاعد يصير لك
قولي له انا مابي اكون متزوجه بالاسم ماتزوجت عشان اعيش هالعيشه شوفي رده فعله وبعدين قرري
لاتضيعين عمرك مع واحد حقير مثله والحمدلله انه مالمسك ولاحملتي وتوهقتي
الله يوفقك وينصرك يااااارب

 

[ام زهقانه]

اخذيها مني يا اختي الرجال ما يبيك عز نفسك وخليه يولي روحتك البيت اهلك اشرف لك واللهع مو تحريش ععلي اقل قولي امج ليش ما تعلمينا ما يبيجج ولا لمسك اربعت اشهر وساكته وفوق هذا معطيج طاف يعني انك موجوده كلش لو تقولين ابوك راح يكلمه تبي بنتنا ولا لا اكيد بقول ابي لا مابيها ادري كلامي قاسي بس حبيت انصحك مالت عليه سوي مستواه العفنه عنده بنت ناس مو صاينعها من حر ما فيني والله حرام كسرتي خاطري كل هذا وصابره علشان لاتتطلقين اهو ا الي ما يبك

 

[الشموخ~~]

قولي لهلج ل لا تسكتين هذي حياتج اللي قاعد تضيع منج واذا ما انصلح حالة وحس علي روحة اطلبي الطلاق بالمحكمة وصدقيني ربي يعوضج باللي احسن منة

 

[MissChoco]

استغفرالله حسبي الله ونعم الوكيل الله ينتقم منها حرام عليها ياقوي باسها يايه بالكوشه وباسته!! واهوا مايستحي على وييهه امبيه والله العظيم حيل احتريت!!


تبين نصيحتي؟!!!

اول شي كفخييه طراقاااااااات بردي جبدج فيييه ,, قوليله اصلا انا مابيك ولا احبك وهمن انتا اهلي فرضوني عليك حسسيه انه مو كفو مع احترامي لج بس هذا الصج!! خليه يحس على دمه واهم شي بردي جبدج
وبعدين روحي حق اهلج وقوليلهم السالفه كلهااا وقوليلهم تذكرون بالعرس الي ييت يم ريلي وباسته هذي رفيجته وقولي حق كل الناس الي يسالونج احسن اهوا فضح نفسه بالعرس وماستحى كلش تبين انتي تسترين عليه والشي باين
وثاني شي الريال مايستاهل تقعدين معاه وماراح يتعدل لو شنو!! دام من اولها جذي من اول يوم هذا مامنه رجى كلش وحرام فيه يكون زوج لج ,,

اهوا مو كفو يكون زوجج بس انتي شوفي نفسج اذا بطلقين او لا ,, بس لو انا مكانج والله اطقه ابرد حرتييييييييي بط جبدي حيل حيل

 

[fdeet_shosho]

لاحول ولا قوة الا بالله صج صج شي يقهر حسبي الله عليهم
طيب واجهيه ونافشيه تخافين من شنو ؟ انتى اللى معاج حق وخايفة فوق شينه قوات عين
قوليله دام مايبيج ليس تزوج مافى شي غصب كلمى احد من اهلج وخل ابوج ينادى ابوه ويتفاهمون ولا هذا مو رجال اللى يسوى جذي بنات الناس مو لعبه حسبي الله عليه
صج صج احتريت وساكته اربع شهور على سوالفه اللى مايستحى

 

[bal8es]

امممم صراحه اول شي قلت اقولج ان حاولي فيه
بس لأ اخذيها من اصيرها وقولي حق امج السالفه دامج بنت واذا ما يبيج يطلقج وانتي بنت ويكون العيب كله عليه
والله يهدي ويهدي سرج

 

[what's up]

pحسبي الله و نعم الوكيل
لا تسكتين على عمرج قولي حق امج
لا تظلمين روحج
الي قاعد يصير حرام

 

[زهراء 24]

حسبي الله ونعم الوكيل
اذا اهوه يحب وقلبه مع وحده ثا نيه ليش من البدايه يتزوج
ويظلم بنت الناس معا الصراحه احتريت حدي الله يعينج
لا تسكتين لازم تبلغين اهلج
لازم احد من اهلج يتدخل ويشوفلج حل معا​

 

[الشيهاانه]

قولي لأهلج بنات الناس مولعبه دامه مايبيج ليش ماخذج وانتي بعدج صغيره لاتسكتين والله حرام تضيعين شبابج معاه الله يهدي ويهدي هاذي اللي تكلمه الحمدلله الذي عافانا

 

[• JoJo •]

حبوبة على شنو ساكته ؟؟؟؟؟؟؟؟؟


صار لج اربع شهور وبنت ,, وفوق هذا يكلم عيني عينج ومادري شنو ورقصت جدامه بالقاعه وتفلسف على راسج جيكره

كلمي اهلج مهزلة هذي مو زواج حسبي الله ونعم الوكيل بس صج صج نرفزني موضوعج

 

[بيتي بوب بس كويتيه]

سؤال ليش ساكته
المفروض من العرس الوقحه هذي طاقتها وطاقته معاه
وتطلقي شنو اقعد مع واحد جذي

 

[ورد]

نصييييييحة

لا تواجهينه الا لما تكوني عند اهلك وبحظورهم ،، لا ياخذ عذريتك بالغصب لما تكوني معاه لوحدك ويطقك بالطوفة ..
احتفظي فيها لان ما يستاهلك ولا يستاهل ظفر رجلك ،، عـ الاقل في هـ الحالة لما تتطلقي كل الغلط عليه ،، وفي ورقة طلاقك بيكون مكتوب طلاق بدون دخول

 

[ابتسمامه]

اخذي اغراضج وروحي لهلج وقوليلهم كل السالفة بفهم ليش ساكته
ما اقول الا الله يعينج ويسخره لج

 

[سموى88]

حبيبتي الله يعينج بس اهو قاعد يسوي كل هذا عشان يبيج تطلبين الطلاق من نفسج انا اقول روحي بيتكم دامج بنت و صغيرة باجر ياخذج الي يستاهلج ولا تحاولين تعطينه شي ولا ياخذ منج بالغصب المنه عليه عزي نفسج وردي......................و اذا رد يراضيج لا ترضين الا بحضور اهله وشهادتهم اسمحيلي ولدهم مو متربي وصاحب خرابيط اهم الي يبتلشون مو انتي وترى شكلهم ما زوجوه الا عشان يعقلونه بس مو انت كبش الفدا........................................

 

[dectora 7elwa]

عزيزتي في محاكم
وفي ورقه طلاق ينكتب فيها خلوه بدون دخول
تسكت اي كلب وانتو بكرامه يتكلم عليج

 

[رآآحٺ آيآمڪْـ]

مآتستحى ع وجهآ ..~ْ
لؤ فيهإ خير مآسوت جذئء ..~ْ
إلله لايسآمحهآ ولا يوفقهآ ..~ْ
آدعى وصلى يُُ قلبى

 

[كاملة الدسم]

اذا السالفه صج !! فتطلقي وانتي مغمضه والعيب فيه