كــــــرامــــــــة أمـــــــي يــوم الخمـــيس؟!

[الـوايـلـيـة]

أنا ترددت بكتابة الموضووع بس يابنات شسوي
كل ما اتذكر يوم الخميس انه قرب تصير فيني ضيقه مو طبيعية..
انا صارلي متزوجة تقريبا 7شهور
وكل خميس اروح بيت اهله زوارتهم الرسميه
طبعا ايام الاسبوع ما اقصر يوووم عندهم ويووم عند أهلي
لان حمواتي كلهم ساكنين في نفس البيت الا انا الوحيدة بشقه
المهم مرت الايام والناس مالهم خلق علي منفسين قمت اروح بس الخميس
من ادش أسلم وطول الوقت ساكتة ومحد يحاجيني
كل ثنتين بصوووب
قمت انادي بنات حماي الصغار واسولف معاهم
وقاموا يطردونهم من الصاله علشان ازعاج
وزوجي يقطني من المغرب لين الساعه 12 بالليل
قلت بكسب ام زوجي اهم ..اذا مارحت الخميس اعوضهم بالسبت
وطبعا ايدي مو خاليه .. :klhfl:
وبرمضان نفس الشي بس شنو يسوون يشيلون الحلو اللي جايبته ويودونه المطبخ
ويحطون مالهم حتى الاطباق الرئيسية..
مره قلت لهم وين بايركسي مسويتلكم حلو جديد يضيعون السالفه
رحت المطبخ وقاعده اضبطة والا يدخل زوجي وقلت كيت وكيت ابتسم وقالي خل اذوووقه
وقطعت له شويه وقعد ااكله لانه شايل البلستين بايده
والا تدش حماااتي عطتني ذيج النظره كرهت نفسي..
طقت جبدي ...
قلت له بروح بسيارتي علشان ارجع وقت ما ابي
وافق وماقال شي... مرتين وعقب قال ماله داعي تروحين بسيارتج
للعلم أنا الوحيده بينهم اسوق و موظفة وساكنه بروحي...
طبعا نسيت اقولكم انه بنتهم الصغيره مرت اخوي العود وصارلهم سنتين متزوجين وعندهم ولد
وتو صارت لهم مشاكل ...
طبعا من تزوجت واهما يحنون علينا انا وزوجي ماحملتي اخاااف فيكم شي
جننوا زوجي لدرجة كل يوم امشي نحلل امشي نحلل
الحين حملت طبعا النفوووس كل ماله وتزيد
وحملت مرت حماي اللي اكبر من زوجي
وعندها 3بنات ومتشفقه على الولد
وكله يدعوون جدامي يقولون يارب تجيبين بنت وفلانه ولد
قلت لهم اللي من الله حياه الله اهم شي كامل الصورة
المـــــــــــــــــــــشكلة.....
اخوي تهاوش مع مرته
ازعلت وشالت قشها وراحت بيت اهلها
اسباب خااااصة طبعا اخوي مارضى يتكلم
بس اهيا تقول ابي شقه بروحي وابي اتوظف مع انه اخوي مقدملهاللديوان
زبدة الحجي طلعت البنت تغااار من اختي الكبيره
ليش انها كشيخه وتحب هالسوالف
ومحد اكلها غيري
المهم طنشها اخوووي 3شهور
لين رضخت وردت له
بالهفتره
كنت اروح ولا جنه في شي
انا مالي شغل بمشاكل
طبعا نغزات علي وعلى اهلي
ومن هالحجي
واسوي روحي ما اسمع
واذا قلت لزوجي يقولي طنشي علشاني
اخر شي امها اللي اهيا ام زوجي
داقه على امي
امي استانست على بالها داقه تتفاهم
لانه اخوي محلف امي ما تدق وتتدخل بالسالفه
ردت امي :: ألو..
ام زوجي:: ياللي فيج ومافيج يالساحره ياللي ما تستحين انتوا مو كفو وانتو....................:eh_s(13):
طبعا سب بامي وبعايلتنا...
امي:: اذكري الله يا ام فلان
ام زوجي:: ماني ذاكره الله فكينا من شرج
امي:: موجذي تنحل الامور
طوووط طوووط سدته بوجه امي
انا اهني عصبت وقلت له روحه لبيت اهلك ما اروح لو تنطبق السما ع الارض
الحين اخته ردت لاخوي بشرط ما تنزل بجمعتنا
واعتذرت لامي
مو هذي مشكلتي
مشكلتي امه اللي عقب ما اهانتني وشافت ماكو فايده
اهانت امي المسكينة اللي مالها ذنب..
بصراحه انا ابي كرامة امي ترد وناطره لما اهيا تدق وتعتذر لامي :eh_s(14):
دموووع امي غاليه ونزلتها على ناس ماتستاهل​

شرايكم صح طريقتي اني ما اروح لهم ؟؟
وشرطت اذا بروح افاتح ام زوجي بموضوع غلطها على امي؟؟ بس زوجي مو راضي
يقول قعدي بالبيت ماكو طلعه الالبيت اهلج وبس غيره ماااكو.. قلت له عاادي
كرامة امي ابدى...
عاد باجر خميس باجر الهوشة الاسبوعيه.. وخصوصا انه اخته ردت السبت يعني اول خميس بعد الصلحه مع اخوي؟..

 

[one two 3]

عشان جذيه يقولون روح بعيد وارجع سالم

والله سمعي كلام زوجج ومسكي بيتج يا حبيبتي

مع الايام راح ينسووووون

 

[شيخة المعازيم]

رد : كــــــرامــــــــة أمـــــــي يــوم الخمـــيس؟!

الله يعينشش يا ختي مشكله متشعبه
بس حبيبتي خليش رسميه جدا معاهم الصراحه شوفي الحريم الكبار ما تقدرين تلومينهم
وما تقدري ترضينهم...
ونتي الحين وضعش حرج مرة بترضين من وتخلين من
شوفي امش طبعا اولى بالمعروف والي سوته عمتش عيب صراحه كلش مو محترم
والله مادري غير صبري حتى تهدى الامور وتباصري انتي وريلش عاد
وادعي للجميع بالهدايه

 

[عرووسة ضااري:$]

رد : كــــــرامــــــــة أمـــــــي يــوم الخمـــيس؟!

والله مادري شنو ارد علييييييييييييج

عوورتي قلبي

وياكرهي ليوم الخمييييس يوم الجمعاات والتنغز والمشااكل والحوووسات يبوووووووووووي


مالي خبره بهالاموور تووني ملجه بس

تمنيت اقدر افيييييييييييييييدج

بس جد جد انا يوم الخميس اطلع برى بيتنا كاااااااااااك اقول والله ضاري عازمني ع عشى

طبعاا لو موعازمني انا اعزم روحي باليوم هذا ولا اني اقعد باليوم هذا بالذات
هههههههههههه


ماقول الا الله يهوون عليج

 

[الـوايـلـيـة]

انزين الحين اروح والا اصمم على راي لانه صارلي 3 اسابيع مارحت لهم
وطبعا بالمقابل حارمني من كل شي ما عدا روحة بيت اهلي

 

[غيمه ظميانه]

ياشين البددل والسبب الهوشات انتي شذنبج بهوشه اخوج ومرته مالج ذنب

بعدين خالتج صراحه اسلوبها وقح شنو يالساحره صج اهانة

تبين الصج ما الومج كرامتي امي ابدى منهم مالت عليهم وعلى حظهم

انا اقول الخميس خذاه لاتروحين ومالج شغل فيهم وانطري للخميس الجاي اذا ما اعتذرت

روحي بيت خالتج وكلميها باسلوب عاقل

قوليلها ياخالة الله يصلح ويهديج والقطاعه مهي زينه دقي على امي وكلميها

وصفوا النيه ترا الدنيا ما تسوي كل هوشه والثاني زعلتوا من بعض احنا شذنبنا نحاتيكم

وبعدين المشكال بين الزوجين المفروض ما تاثر على العائلتين

وكرامة امي من كرامتي وكرامتي من كرامة ولدك علاقل حشمه حق هالرجال وتقدير لولدكم

والله يصلحج ويهديج

مانفع معاها خليها تولي اهم شي انتي قولي لزوجج امك ماني قاطعتها وهذاي صلة رحم بس بشرط
كل خميس اسلم ساعه واطلع ماني قادرة اهانتي ماقلنا شي تهين امي قويه بس عشان خاطرك ما اقطع فيهم وبحشمهم حشمتن لك وتقدير لك

اسلم واتقهوى واطلع ما ابي نقاش ونقزات وهوشات
((خلك بعيد تصير حبيب ))

الله يصلح الحال

 

[اميره1980]

مثل ما اهله عنده كرامة انتي و اهلج عندكم
لا تروحين لهم راح ينغزون فيج لحد ما تشبعين
هذا عيب زواج الاقارب

 

[& شرطان الذهب &]

رد : كــــــرامــــــــة أمـــــــي يــوم الخمـــيس؟!

خليج رسميه معاهم وانا من رايي زوريهم والله الله بالحقران

مااوصيج والله تنبط جبودهم واذا رحتي لا تشيلين معاج ولا حتى قهوه

اخذيها عن تجربه

والله المستعان

 

[الـوايـلـيـة]

المشكله مو طاااايقه اسلم عليهاااا
وانا وحده ما اعرف اجامل
وليش اضغط ع نفسي

 

[( مي )]

لو أنا باعتبر أكبر رد اعتبار لأمي
مقاطعتهم

وحامض على بوزهم اطب بيتهم

ناس تهيني ،، وتهين أمي ،، وبنتهم ما ادري شقايلة عن اخوي عندهم
واروح اقعد واسولف معاهم !!!!!!!!

ما اقطع زوجي وعيالي عنهم لانهم اهلهم
بس أنا ،، مالي شغل فيهم خلاص

 

[الاحساس والطيبة]

رد : كــــــرامــــــــة أمـــــــي يــوم الخمـــيس؟!

مالج حاجه تروحين لهم الا في المناسبات الرسميه غيره مولازم وبعد لاتاخذين شي معاج موكفو والله الي يغث امج واهي ماسوت لهم شي مايستاهل حتي السلام عليه وغيره مرت اخوج عطوها طااااااااااااااااف ولاكانها موجوده

 

[الـوايـلـيـة]

اروح رسميه واقعد نص ساعه
بس من عقب سالفة امي والله موقادرة
احس انذليت
وكله يسولفون انه ودهم يعيدون عرسي ويغيرون اشياء واجد
طبعا قصدهم انا
وقلت لزوجي يقولي خل يعيدووونه بروحهم انا ما ابي غيرج
وهم ماودي زوجي يزعل مني بس امي ابدى منه

 

[الـوايـلـيـة]

والله هذا اللي صاااير الحين
بس تعقدت من يوم الخميس
وبتصير هوشة انا عاااارفة

 

[al_jood]

لا تروحين لهم خلج بعيده وريحي مخج طلعي لاهلج واستانسي وبالايام العادية طلعي تمشي انتي وزوجك وبس
اهم عليج زوجك وانتي تزوجتيه ماتزوجتي اهله وفكي روحج من عوار الراس , وملرت اخوج خليج رسمية معاها كلمة ورد غطاها وبس , وكرامة امج محفوظه دامج ماتروحين لاهله علشان يحسون انج زعلانة من زعل امج.

 

[غير كل الناس]

الله يعينك علي نفوسهم هالفتره

الله كرررررررررررررريم فتره وتعدي

 

[الـوايـلـيـة]

هذا غير يوم كنت اتوحم
اسولف لهم اني مشتهيه أكله تسويها طبعا خدامتهم اسمها (( أذان الشايب))
ادري الاسم يلوع الجبد بس احبهااا
من درو اني اتوحم عليها ماقاموا يسووونها خير شر
حتى زوجي يقولهم ليش مو مسوينها غريبه
تقول الخدامه ما ادري شفيها كل ما نقولها تنسى
الله يخلي عمتي اخت ابوي من درت واهيا كل جمعة تطرشلي لبيت اهلي
لان مو الكل يضبطها

 

[الـوايـلـيـة]

أطلع اتمشى .... اقولج اذا جمعيه يقولي كتبي الاغراض بورقة وانا اجيبهم لج
والله محد راعى نفسيتي بحمالي واني مالي خلق

 

[عروس شمالية]

رد : كــــــرامــــــــة أمـــــــي يــوم الخمـــيس؟!

ربي بينصرها ان شاء الله لانهم اظلموها حسبي الله وبعم الوكيل........

 

[أم حيدر]

الا امي

لا تروحين ومدام زوجج متفهم الموضوع خلاص

وذا اضطريتي مستقبلا تروحين زوري مع ريلج ولما بيمشي طلعي وياه يعني قعدي طول ماهو قاعد زورو مع بعض وردو البيت مع بعض

لا يخليج هناك بروحج

لان طول ماهو قاعد بيصكون حلوجهم

 

[مدام سلطة]

الله يهداج يا الوايلية توج تقولين مالج شغل بالمشاكل انتي بره الموضوع والمفروض اخوج اهو اللي يطلب من مرته ان امها تعتذر مو انتي اتدشين بالخط ليش وروحة لأهل ريلج روحي بس لا تطولين لي ال12 لا تطلع العيبة منج خليج بنت أصول وذربة بالتعامل لأنج ماراح تخلصين من هالسوالف وألزم ماعليج ريلج وأهو راح ايشوف أن انتي ما قصرتي والعيبة من أهلة وبدون ما تقولين أهو عنده عيون يشوف الصح من الغلط ما يحتاي تحيرين ريلج وتدخلينه بمشاكل أخوج ومرت اخوج اذا أهو زين معاج شكو تعورون راسكم وانتي يا عيني عينج صغيره عالحياة الزوجية مالج إلا 7 شهور إحنا صرنا ابخص 8سنوات ونص زواج وصارت مشكلة بين أهلة وأهلي والله أحنا مانييب الطاري بس طبعا أنا مع أهلي أتكلم بس جدام خالتي والبنات ما اييب طاري واذا سألوني كلمة ورد غطاها وارد أضحك واسولف عادي وأهم شي محترمة نفسي وحترمة ريلي ولا قاطعتهم ولا شي والحين الحمد الله حتى ان طولت عليهم ايدقون يدوروني