كـــــوريـــــــــا؟؟؟

[Horikita Maki]

السلام عليكم



ابي اسأل
في وحده سافرت كوريا من قبل ؟
او تعرف احد سافر ؟

شلون هالدوله وشلون السياحه فيها ..
ابي اعرف عن كوريا كل شي ..

واي احسن طيران لكوريا ؟

 

[أميرة الماس]

هلا اختي,
انا ماارحت كوريا بس ودي اسافر لها
وانا معاج ناطره وحده تفيدنا و تقول لنا عنها
بس اذا تبين تعرفين عن كوريا في ثلاث قنوات كورية بالتلفزيوووون ويحطوون عن السياحه بديرتهم

 

[ام دارينا]

كنت افكر اروحلها بس صار مشاكل بين الكوريتين هالسنه
والاسعار نااااااااااااااااااااااااااااااااااااااااااار مثل اليابان قالولي

 

[Horikita Maki]

اي اعرف القنوات وانا من الي يتابعونهم ^__^


بس بليز ابي وحده تعرف ترد علي

 

[براكي]

ساعدونا ياخبيرات كوريا

 

[اسوومه85]

للرفع

 

[سويــم]

مرحبا ياحلوات

انا من عشااااق كوريا
وودي اسافر بالصيف لها واتصلت على كذا مكتب سفريات
ولقيت مكتب قالي التذكره 530 دينار بدون اقامه
بصراحه غاليه وجاري البحث ........

 

[Bon vivant]

انا احبهااا من مسلسلاتها
رفيجتي راحتلها من زماان
قبل 9 او 8 سنين
اذكر كانت وايد تمدحها
وتقول نظيفة!
عاد الحين مختبين كوريا على السياحة عندهم
اي اذكر قالتلي راحوا وقفوا على الحدود الكورية يشوفون كوريا الثانية لول

 

[جنه من الكويت 0]

وانا بعد ناطره بليييييييز في احد يفيدنا ؟؟بلييييييز

 

[^AyOoTa^]

انا بعد حبيت كوريا واليابان من مسلسلاتهم قاعده اخطط

 

[سفرجل]

وانا بعد بخاطري بكوريا حبييييييتهم من مسلسلاتهم

 

[rawona]

رد : كـــــوريـــــــــا؟؟؟

هلا اختي

انا رحت كوريا الجنوبية شهر 5 اللي فات عمل بس تسيحت فيها بعد

الديره حلوه وبارده ونظيفه بس غاليه ناااااااااار ..

بضاعتهم الكورية حيل غاليه يعني بالتنزيلات تطلع قطعة الملابس صناعتهم بس 40 و30 دينار !!


انا شريت منهم عزكم الله جوتي بالتنزيلات طلع علي ب60 دينار!! ما كنت عارفه لعملتهم علبالي رخيص بس عقب ماكسرت حساباتي انصدمت!

وخذيت منهم جنطه ماركتهم اسمها venice bench شي جذي الجنطة بعد الخصم اطلعت علي ب100 دينار!


العاصمه سيؤول حلوه وونيسه ومتروسه مطاعم عربية وتركية وهندية حلال فما صادفتني مشكله من هالناحية

رحت منطقه اسمها اولسان اهي مافيها شي للسياحه بس مصانع وعانيت من ناحية الأكل مافيها الا مطعم تركي واحد حلال وصاير بالداون تاون

وفي يمها منطقه سياحية تاريخية فيها معابدهم استغفرالله حاطين هالاصنام ويعبدونها .. بس للأمانه اولسان وايد انظف من العاصمه وجوها أحلى

ويم اولسان تبعد عنها بساعه منطقه اسمها بوسان فيها مطعم تركي صاحبه كوري مسلم ويمهم مسيد المنطقه مافيها شي بس اللي محليها انها يم البحر ..

من وجهة نظري الشخصية كوريا حلوه بس مو اللي الواحد يتعنى لها حق السياحة واهي غاليه وايد نفس اليابان انا كنت باروح حق طوكيو من اهناك تبعد عنهم بالطياره 40 دقيقة تقريباً بس قالولي لازم فيزا لليابان وانا ماكنت مطلعتها فحسافه صج


الطيران اللي رحت عليه اهو الاماراتية وبصراحه عجيب..

اي استفسارات ثانية راسلوني على الخاص وان شاءالله افيدكم :aha:

​

 

[أم سيف وسلطان]

ما عندي فكرة بس خاطري اسيرلها