كـيـف تـتـعامـل مـع اعـدادات البلاك بيري BlackBerry

[~الامبراطـورة~]

السلام عليكم ورحمة الله وبركااتة​

حبيت ابارك لكم بالعشر الاواخر وعسانا ممن عتقت ارقابنا من النيران
ويارب ندرك ليلة القدر​

وامااانة بنات اي وحدة استفادت من الموضوع تدعيلي ​

بنات والله لاني احبكم ابيكم تستفيدوووون مثل ماستفدت​

هالموضوع راح يكون فيه شرح مبسط لجهاز البلاك بيري بشكل عام وكيف نتعامل معاه ونتحكم بخصائصه بحيث اننا نخليه يناسب طريقة تعاملنا مع الجوالات وهالشي راح يسهل علينا الكثير من استخدامه, واتمنى ان الشرح يكون واضح للجميع بحيث بعد هالموضوع كل واحد بكون قادر على معرفة اشياء كثير بجهازه ممكن ماكان يعرفها او مايعرف يتعامل معاها بالشكل الصحيح, وبرضوا الموضوع هذا راح يفيد الاعضاء اللي يفكرون يشترون الجهاز ويبون يعرفون معلومات اكثر بخصوصه.



نقول بسم الله ونبدأ الشرح:-


" الشاشه الرئيسيه للجهاز "

زي مانتوا شايفين الصوره واضحه وهي للشاشه الرئيسيه للجهاز واسفل الشاسه تظهر لنا اختصارات دخول للبرامج او الملفات اللي نبغا ندخلها بشكل سريع من الشاشه الرئيسيه, ونقدر نختار البرامج اللي نبيها وترتيبها بالشكل اللي احنا نبغاه زي ماراح نشوف بالموضوع, وفي الزاويه على اليسار فوق نلاحظ ان فيه سماعه وعليها دائره حمرا, من هنا نقدر ندخل على الاوضاع بمجرد الضغط على نفس السماعه واختيار Advanced.



" القائمة الرئيسية "

بمجرد الضغط على زر الـ Menu اللي هو الزر اللي عليه علامة البلاك بيري راح تطلع عندنا قائمة البرامج اللي تشمل جميع مايحتويه الجهاز من برامج وملفات الجهاز. السطر الاول من البرامج واللي هو مظلل بالاحمر بالصوره, هذي البرامج اللي راح تكون ظاهره عندنا بالشاشه الرئيسيه ويمن التحكم بترتيبها بمجرد الضغط على Menu على نفس البرنامج اللي نبي نغير مكانه ونختار Move وننقله للمكان اللي نبيه.


" اعدادات الجهاز "

هذي من اهم الايقونات اللي بالجهاز وموضح وظيفة كل ايقونه بنفس الصوره ( راح تكون هالايقونات بالشاشه الرئيسيه بس انا مرتب البرامج والملفات بفولدرات) راح نفصل الحين خيار options لان هو يشمل كل شي ويتحكم باعدادات الجهاز كامل.
​

 

[~الامبراطـورة~]

Options

لما نضغط على options راح تطلع لنا القائمه هذي والحين راح اتكلم على كل واحد من الخيارات بشكل مفصل:-

About:يعطينا معلومات عن الجهاز واهم شي من هالخيار اننا نقدر نعرف الـ Software حق الجهاز.

Advanced Options: لما نفتح الخيار هذا راح تفتحلنا عدة خيارات واللي هي :-
Accessibility : من هنا نقدر نحدد لون القائمه حقت الجهاز وايضاً من هنا نقدر نغير طريقة عرض البرامج والملفات بالقائمه الرئيسيه.

Applications: هنا راح تطلع لنا قائمة البرامج المثبته بالجهاز وبرضوا نقدر من هنا نمسح البرامج او نعدل الـ permissions تبعها.

Browser: نختار طريقة الاتصال اللي نبغاها في البراوزر سواء عن طريق الوايرليس او من نفس خدمة البلاك بيري, اذا كنا نبغاه بشبك على الوايرليس نختار Hotspot واذا نبيه على الاتصالات ( على حسب اسم مزود الخدمه).


Browser Push: هذي خاصيه انوا ما يطلع من المتصفح اذا طلعنا منه مؤقتاً وجميع الاعدادات اللي فيه تجي اوتوماتيك يعني لا تلعبون بالاعدادات .

Cell Broadcast Settings: بعض شركات الاتصال تستخدمها للاعلان او لنشر اخبار تخصهم او تخص شركات اعلان متعاقدين معاهم , لكن للأسف مافي لغة عربيه وما ادري اذا هالشي شغال بالسعوديه اولا

Default Services : هنا راح تطلع لنا الايميلات اللي احنا ضايفينها بالجهاز وفيه بعض الخصائص على سبيل المثال تقدر تخلي واحد هو الايميل الاساسي وبمجرد ماتبي تكتب ايميل جديد يعتبر انه هالايميل هو اللي بترسل منه .

GPS: اعدادات الـ GPS واختيار بعض الخصائص فيه.

Host Routing Table: مهم للي توهم شارين الجهاز لانه ضروري تدخل هنا وتضغط علامة البلاك بيري وتختار Register Now.

Maps: مجرد اختيار الـ Map اللي نبيه.

Service Book: هنا نقدر نشوف الخدمه عندنا وايش البرامج اللي مزود الخدمه مرسلها للسيرفس بوك بحيث نقدر نستخدمها.

SIM Card: يطلع فيها رقم الجوال.

TCP/IP: من هنا نعدل خيارات الــ APN.

Wireless Update: تحديث سوفتوير الجهاز عن طريق الوايرليس​

 

[~الامبراطـورة~]

الكلمات اللي تتغير تلقائياً وبعد نقدر نضيف الاختصارات اللي نبيها

.

Bluetooth: اعدادات البلوتوث العاديه ومنها نقدر نضيف اقتران مع جهاز اخر.

Date/Time: اعدادات الوقت والتاريخ واختيار نظام 24 او 12 ساعه.

Language: اختيار لغة الجهاز ولغة الكتابه, وفيه خيار حلو واللي هو يخلينا نحول بين العربي والانجليزي بشكل سريع بدون ماتطلعلنا قائمة اللغات ونختار العربيه وماعلينا نسوي عشان نفعل هالخاصيه الا نخلي الخيار قبل الاخير محطوط على yes وبتضبط معانا ان شاء الله .

Memory: معلومات عن ذاكرة الهاتف او الميموري كارد وفيه خيارات تخليك تتحكم بالجهاز اذا انشبك بالكمبيوتر يعني مثلاً تقدر اول ماتشبك اليو اس بي يشبك على طول بدون مايطلب منك الموافقه على هالشي .

MMS: اعدادات رسائل الوسائط.

Mobile Network: نقدر نختار من هنا اذا نبي نشبك على الوايرليس او خدمة البي بي , اذا نبي نستخدم الوايرليس نختار off when roaming واذا خدمة البي بي نختار on .

Owner: من هنا تقدر تكتب معلومات عنك وتكون طالعه لما تسوي قفل للجهاز, الخاصيه هذي حلوه خصوصاً لما يضيع جوالك!! عيال الحلال كثير حط رقمك اقل شي بالمعلومات واسمك عشان لو صار مع احد الجهاز يقدر يتصل عليك خصوصاً اذا كنت مقفل الجهاز.

Password: من هنا نحط رمز قفل للجهاز ونختار المدة اللي بعدها يقفل الجهاز, وعدد محاولات الدخول القصوى, واخر خيار بالصوره يخليك تكلم بدون ماتحتاج انك تفك القفل, هالخيار حلو ويحفظلك خصوصيتك لما احد يطلب منك الجوال عشان يكلم

.

 

[~الامبراطـورة~]

: من هنا نتحكم بالنغمات وتخصيص نغمة للمكالمات و الرسائل القصيره ورسائل الوسائط والبلاك بيري ماسنجر , وجميع البرامج اللي فيها تنبيه صوتي .

Screen/Keyboard: من هنا نقدر نعدل الخط وحجمه ونتحكم بوقت اطفاء ضوء الشاشه وتشغيل او تعطيل نغمة للمفاتيح وتخصيص مفاتيح الاختصار اللي على جنبي الجهاز وسرعة الماوس والتحكم بصوتها الخ من الخيارات, بس في خيار حلو وفادني شخصياً اللي هو Key Rate انا خليته Fast وهالخيار يخليك لما تكتب او تمسح يصير اسرع من الوضع العادي .

Security Options: اعدادات حماية الجهاز ( لاحد يلعب او يغير فيها شي

).

SMS: اعدادات الرسائل القصيره وتغير رقم مركز الرسائل وجميع الخيارات المتخصصه بالرسائل القصيره.

Spell Check: التحكم بخيارات مصحح الكلمات باللغه الانجليزيه.

Status: هالخيار يخليك تعرف الــ PIN والـ IMEI للجهاز وكم باقي من البطاريه ومعلومات اخرى ولمعرفة نفس المعلومات بشكل سريع ALT+SHIFT+H.

Theme: التحكم بالثيم المختار للجهاز ومن هنا نلقى الثيمات اللي ثبتناها بالجهاز.

Voice Dialing: التحكم بخيارات الاتصال عبر الصوت او ايقافه تماماً.

Wi-Fi Connections: التحكم بشبكات الوايرليس وخصائصها واضافه شبكة اتصال جديده.

لحين خلصنا وعرفنا كيف نتحكم باعدادات الجهاز, الحين راح اتكلم عن بعض النقاط عن البلاك بيري والمشاكل اللي تواجه الكثير من المستخدمين.

- Browser (كيف اعرف اذا انا اتصفح باستخدام الخدمه او الوايرليس؟ )

ندخل على البراوزر ونضغط حرف S وبعدين نختار الخيار الثاني, اذا نبي نتصفح عن طريق الوايرليس نختار Hotspot واذا من الخدمه نختار الخيار الثاني ( يختلف اسم الخيار على حسب مزود الخدمه)

- Phone Call Logs (كيف اعرف كم مره دق علي هالرقم ؟)

نضغط السماعه الخضراء وبيطلعلنا سجل المكالمات,نأشر على الرقم اللي نبي نعرف معلومات عنه ونضغط زر البلاك بيري ونختار View History

ـ Notes ( وين القى المذكرات اللي ارسلتها للجهاز؟ )

نروح للـ Media ونختار Explore بتطلعلنا ملفات الجهاز نروح لذاكرة الهاتف او الميموري كارد وندخل ملف ********s ونلقاها هناك ان شاء الله

 

[~الامبراطـورة~]

واي 16 مشاهدة ومحد رد >>خسارة والله انزل الموضوع

 

[فخامه كبريائي]

حبيت اشكرج ...و ما قصرتي ..
اخيرا عرفت شلون اطلع الرقم جم مرا دق علي..p:

 

[Ashley Dolls]

مشكوووووووووووووره حبيبتي ع الموضوع

والله يعطيك العافيه ...:hjy5jewf:

 

[نـس ـونئ غ ـلآهـم]

يعطيييج العافييه

 

[frawlah_83]

رد : كـيـف تـتـعامـل مـع اعـدادات البلاك بيري BlackBerry

مشكووره واايد على هالموضوع ...

والله انا قاعده افكر اخذلي بلاك بيري بس متردده شوي اخاف يطلع معقد وماعرفله وهم ماادري جنه راحت هبة البلاك بيري ولاشرايكم ؟؟

 

[CAT]

رد: رد : كـيـف تـتـعامـل مـع اعـدادات البلاك بيري BlackBerry

يعطيج العافية ع المجهود والموضوع ...~.
تقبلي مروري

 

[روح بحرينية]

فديتج والله ريييييييييييييييحتيييييييني وااااااااااااايد:33_1185028183:

 

[بنت السليل]

اخاف يطلع معقد ما شريت

 

[ChocoLaTe Pie]

مشكووووووره حبي بالعكس انا وحده استفدت واايد و طريقتج حييل واضحه مشاءالله

عندي جم استفسار ؟

حبي انا مو مشغله الخدمه و مو قاعد تطلعلي صور الظرف عشان يوصلي الايميلات هل في علاقه ؟

و ما فهمت على سالفه اللغه الي نختار بين العربيه و الانقلش ؟

و انا لما اوصل الوصله عالاب بس يطلعولي الي عالميموري شلون اقدر اطلع الي عالجهاز بعد ؟

و لما ابي ادز بووتووث حث الاب ما يطلعلي اسم الاب ليش ؟

 

[حلاو بو طابوقه]

رد : كـيـف تـتـعامـل مـع اعـدادات البلاك بيري BlackBerry

يعطيج الف عافيه ما قصرتي..

 

[aṕriliå]

رد : كـيـف تـتـعامـل مـع اعـدادات البلاك بيري BlackBerry

يعطيج العافية

 

[fo0o$hy]

رد : كـيـف تـتـعامـل مـع اعـدادات البلاك بيري BlackBerry

يسلموا حياتي

 

[fo0o$hy]

رد : كـيـف تـتـعامـل مـع اعـدادات البلاك بيري BlackBerry

 

[ChocoLaTe Pie]

up up

 

[هديــــــ الكويت ــــل]

أشـــكرج وااااااايد لان صج استفدت من موضوعج

 

[ChocoLaTe Pie]

up up up