كلام الدكتورة حبطني :(

[ابي اصير ام :(]

سلام عليكم شلونكم

بنات عفيه بقولكم قصتي وياريت اللي مرت بنفس الحالة تطمني*

انا حامل بالشهر الاول حلو رحت قبل اسبوع للدكتورة وقالت الجيس موجود بس و ماراح يبين شي تعالي بعد اسبوعين وقالت علشان نتطمن سوي تحليل هرموني
سويته اول يوم وكانت النسبة زينه وبعد يومين عدته النسبة ما تغيرت نفس الاولى فقالت لي حمل ضعيف وقفي العلاج وخلاص راح يطيح*
بس انا ماينزل علي دم ولا شي*
انا قلت بتطمن رديت لها امس وسوت لي سونار داخلي قالت في كيس بس ماكو جنين لان توج بالشهر الاول واحتمال الحمل صار متاخر وكلامها الاخير كان تركي كل علاجج و راح ينزل الحمل وتعالي بعد اسبوع اعيد اتحليل واذا انسية نازلة اسويلج تنظيفات


*وهم في نقطة ثانية انا اخاف يكون حمل خارج الرحم اهي قالت لي لا بس انا احس بتنمل برجلي والله الوسواااس لعب فيني
بنات مادري كلامها خوفني وما في امل كلش*
يعني اترك العلاج وخلاص انطر لين يطيح
انزين مو ممكن النسبة تزيد؟؟ اووو يبين النبض لمن اكمل 6 اسابيع !!! ليش تقولي تنظيفات علطووول؟؟؟
منو كانت نفس حالتي وحملها كمل؟؟؟*
عفيه لا تخلوني * كلامي مخربط ادري بس قلت كل اللي ابقلبي

 

[آهات الليل]

رد : كلام الدكتورة حبطني

نصيحتي كملي علاجج وماعليج منها
وروحي عند دكتوره 2شوفي شتقول
شعرفها الحمل بيطيح تعلم بالغيب مثلا
ولاتكثرين السونار الداخلي
استخيري ربج وادعي انه الله يثبت حملج وتشوفين ضناج بحضنج
واللي مروا بنفس حالتج ان شالله يفيدونج

 

[ام لين3]

رد : كلام الدكتورة حبطني

ماتشوفين شر حبيبتي
بس آنه رايي تروحين حق دكتوره ثانيه احسن قبل ماتستعجلين حرام لانه يمكن اكو امل وماظن حمل خارج الرحم مادام الكيس موجود داخل

اعرف وحده بين النبض عندها متأخر بعد ماقالولها ماكوبيبي روحي مستشفى ثاني​

 

[HeSsaa]

رد : كلام الدكتورة حبطني

حبيبتي رووحي حق دكتور ثاااني احسلللج

 

[مي الحلوة]

رد : كلام الدكتورة حبطني

روحي دكتورة ثانية..والله يطمن قلبج ويمكن فعلا الحمل صار متاخر عشان جذيه ما يبين..:yaaaaaarb:

 

[TeKaNa_Girl]

الله يطمن قلبج ويثبت حملج يارب

 

[tmtmt]

شكووووو تنظيفات !!
حتى لو بطيح ماكو تنظيفات اصلا
انا اجهضت وكان لي اسابيع بروحه نزل دم وطاح ولا سويت تنظيفات

اصلا ماكو شي شتنظيفاتها لا تلعب فيج

ونطري ماعليج منها
اذا طاحاسم الله عليج ذيك الساعه وقفي العلاج

والله يثبته يارب ويتمم عليج

 

[ابي اصير ام :(]

مشكورين بنات ماقصرتوا
بس اهي قالت جذي عشان نسبة الهرمون ما تغيرت خلال يومين ظلت ثابتة
انا سوالي ممكن تتغير انسبة ويزيد؟ *في احد صارله جذي
وانا ماحس بشي لادم ولاشي تقوول مو شرط اللي بتجهض يصير دم
وبنات بلنسبة لتنميل رجلي شنو يعني

والله تعباااااانة

 

[ابي اصير ام :(]

مشكورين بنات ماقصرتوا
بس اهي قالت جذي عشان نسبة الهرمون ما تغيرت خلال يومين ظلت ثابتة
انا سوالي ممكن تتغير انسبة ويزيد؟ *في احد صارله جذي
وانا ماحس بشي لادم ولاشي تقوول مو شرط اللي بتجهض يصير دم
وبنات بلنسبة لتنميل رجلي شنو يعني

والله تعباااااانة

 

[hend6363]

الله يشفييكي
والله ما اعرف بس روحي حق دكتورة ثانية

 

[غلاي غير]

لازم هرمون الحمل يتضاعف على الاقل الضعف بعد 48 ساعه من التحليل الاول

والله يكتب اللي فيه الخير لج

عيدي مره ثانيه سوي تحليل الحمل ان شاء الله يتضاعف الذا تضاعف خير وبركه واذا لا او نقص الخيره فيما كتبه الله وان شاء الله يكتبلج حمال تام الصحه والعافيه

 

[درة أهل الطولات]

رد : كلام الدكتورة حبطني

عادي انا نفسج هذا معناه حمل ضعيف

بس ما كنت اوقف علاج

اخذ مثبت

وما سويت تنظيفات:s141:

 

[really cat]

حبيبتى ما تشوفين شر
ويارب الله سبحانه يطمن بالج وينولج الى تبين
وانا برايى روحى لدكتوره ثانيه احسلج
دكاترة هالوقت يقطون الكلام على الواحد بدون أحساس

بس انتى نبهتينى بشغله
شنو تقصدين تنميل بالرجل
لانى انا بعد احس بتنميل بالرجل 00000 شنو تقصدين ؟؟

والحمل خارج الرحم متى يبين او بأى شهر الدكتوره تعرف ؟؟

شغلتى بالى:gr4uu:
ههههههههههه

 

[باربي لكويت]

الله يتمم لج بخير اذا فيه خير لج ويعوضج خير اذا ربي ماكتبه لج حبيبتي انا بقولج شغله بس ماراح احبطج انتي واثقه ان الله اذا كتب لج شيء لو اجتمعو الدنيا كلها عشان يغيرونه ماغيروه والله كاتبه لج واذا ربي منع عنج شيء لو العالم كله يحاولون يعطونج اياه ماعطوج شيء الله مو كاتبه لج هذي المفروض قناعه عندج عشان ماينكسر خاطرج مع اني ادري اشكثر الوحده فينا اتمنى كلمه مبروك انتي حامل وانا جربت هالشيء حبيبتي دام هرمون الحمل ماتغير نطري اسبوع وبعدين روحي حللي مره ثانيه اذا زاد ربج كريم واذا نقص الله يعوضج خير قطي لحبوب بس لاتسوين تنضيفات لانه صغير حيل بينزل مثل الدوره والله يكتب اللي فيه الخير لج ياااارب ويعوضج خير فالقريب العاجل يارب وتبشرينا بضناج يارب ياكريم عسى ربي مايحرمج ولاكل من تتمنى الياهل يالله ياكريم كثري من الدعاء ياقلبي ورقي نفسج واقري سوره البقره وسوره مريم بنيه الحمل السليم والله كريم ..

 

[باربي لكويت]

وملاحظه اخيره


انا حصل معاي حمل خارج الرحم وأعراضه الم في اسفل البطن اما بجهه اليمين او اليسار وينزل علي الوحده دم بني او احمر وعوار موطبيعي وتحس الوحده جنها محسوره تبي تروح الحمام الله يعزكم ولم تروح ماكو شيء مثل هالعوار وانا ما اكتشفوه الا لمن انفجر وقعدت انزف نزيف داخلي ثلاث ايام وانتفخ بطني جني بالرابع من الدم اللي تجمع داخلي مع انه مانزل عندي ولاقطره دم غير الافرازات البنيه والحمدلله على كل حال ربي سلم راسي والا كنت بروح فيها والحين انا بانبوب واحد اللهم لك الحمد والشكر ..

 

[شيــوخه]

الله يثبت حملج يارب

احسن شي روحي لدكتور ثاني وشوي شنو يقول لج

والله يفرح قبج ويطمنه ان شاءالله :yaaaaaarb:

 

[صابرة الحمدلله]

الله يتمم عليج ويرزقج يارب

وان شالله ربي يفرح قلبج

 

[really cat]

بنات

بأي شهر من الحمل يبين الحمل خارج الرحم

والدكتوره اتعرف بأول وثاني سونار؟؟؟؟ ولا ما يبين مبجر؟؟

 

[باربي لكويت]

بنات

بأي شهر من الحمل يبين الحمل خارج الرحم

والدكتوره اتعرف بأول وثاني سونار؟؟؟؟ ولا ما يبين مبجر؟؟

حبيبتي الحمل خارج الرحم له اعراض ومن اعراضه الالم الشديد في احد الجانبين اسفل البطن الم ناتقدرين تحملينه وتنزل على الوحده دم اما احمر خفيف او بني خفيف مثل الافرازات وهمن عسر بالبول الله يعزج والسامعين ويبين بالسونار من اول شهر اذا كان سونار داخلي طبعا الدكتور الشاطر هو اللي يعرفه على طول لان انا صار معاي حمل خارج الرحم وكانت معاي الام فضيعه ريلي يشلني من البيت باسعاف تخيلي ولا حد عرف انه خارج الرحم كلهم يقولون لي زين مع انهم 9 دكاتره مو واحد واخر شيء رحت عند استشاري قال حق ريلي تدلع عليك وهذا اسمه اكتآب حمل >> حسبي الله عليه ونعم الوكيل بغيت اموت سبته والحمل كان منفجر فيني 3 ايام زين ماصكني تسمم ودمي نزل من 9 الى 7 خلال يوم 24 ساعه بس قال عادي هذا الجنين تكون كريات الدم الحمراء من دم الام هذا وهو استشاري الله لايسامحه لادنيا ولا آخره ليمن غيرت المستشفى ورحت مستشفى ثاني وسولي سونار لقو كل شيء طبعي بس حيرهم نسبه الدم شلون نزل من 9 الى 7 في يوم واحد وقالو اكيد فيه شيء داخلها ينزف وصعدو السونار على بطني وصدري ولقو دم متجمع قالو لازم نسويلها منظار علطول دخلوني غرفه العمليات وطلع حمل خارج الرحم واستأصلو الانبوب ووقف قلبي بالعمله وصل دمي 5 يعني طلعت من هذيك التجربه بمعجزه من الله سبحانه وتعالى الدكتور يقول حق ريلي مرتك بغت تموت قلبها وقف بالعمليه زوجي حلف يرفع عليهم قضيه بس صارت ضروف ونسينا السالفه والا كان ناوي على الاستشاري يوديه ورى الشمس على هالشهاده اللي مادري من وين جايبها الله لايسامحه ..


ادري طولت عليج بس حبيت افيدج وعساكم ماتمرون على هالتجربه يارب لاصاحب ولاعدو الحمدلله على كل حال

 

[really cat]

حبيبتي الحمل خارج الرحم له اعراض ومن اعراضه الالم الشديد في احد الجانبين اسفل البطن الم ناتقدرين تحملينه وتنزل على الوحده دم اما احمر خفيف او بني خفيف مثل الافرازات وهمن عسر بالبول الله يعزج والسامعين ويبين بالسونار من اول شهر اذا كان سونار داخلي طبعا الدكتور الشاطر هو اللي يعرفه على طول لان انا صار معاي حمل خارج الرحم وكانت معاي الام فضيعه ريلي يشلني من البيت باسعاف تخيلي ولا حد عرف انه خارج الرحم كلهم يقولون لي زين مع انهم 9 دكاتره مو واحد واخر شيء رحت عند استشاري قال حق ريلي تدلع عليك وهذا اسمه اكتآب حمل >> حسبي الله عليه ونعم الوكيل بغيت اموت سبته والحمل كان منفجر فيني 3 ايام زين ماصكني تسمم ودمي نزل من 9 الى 7 خلال يوم 24 ساعه بس قال عادي هذا الجنين تكون كريات الدم الحمراء من دم الام هذا وهو استشاري الله لايسامحه لادنيا ولا آخره ليمن غيرت المستشفى ورحت مستشفى ثاني وسولي سونار لقو كل شيء طبعي بس حيرهم نسبه الدم شلون نزل من 9 الى 7 في يوم واحد وقالو اكيد فيه شيء داخلها ينزف وصعدو السونار على بطني وصدري ولقو دم متجمع قالو لازم نسويلها منظار علطول دخلوني غرفه العمليات وطلع حمل خارج الرحم واستأصلو الانبوب ووقف قلبي بالعمله وصل دمي 5 يعني طلعت من هذيك التجربه بمعجزه من الله سبحانه وتعالى الدكتور يقول حق ريلي مرتك بغت تموت قلبها وقف بالعمليه زوجي حلف يرفع عليهم قضيه بس صارت ضروف ونسينا السالفه والا كان ناوي على الاستشاري يوديه ورى الشمس على هالشهاده اللي مادري من وين جايبها الله لايسامحه ..


ادري طولت عليج بس حبيت افيدج وعساكم ماتمرون على هالتجربه يارب لاصاحب ولاعدو الحمدلله على كل حال

بعد عمررررررري

جد تعبتى حبيبتى انشالله كله بأجره يا رب
وحسبي الله على هالدكاتره الى بالشينا فيهم
وانشالله بعد هالمعانااااااااة والتعب خيييييييير من ربى كثيييييير لج
امين يرزقج وتنسين الى مريتى فيه صج لانه ووووايد صعب
وان شالله ولا وحده حامل تمر فيه

ومشكوره على ردج لى يالغاليه