PRADA
New member
- إنضم
- 21 أكتوبر 2008
- المشاركات
- 200
- مستوى التفاعل
- 0
- النقاط
- 0
ابنة المغفور له بإذن الله الشيخ جابر الأحمد الصباح تتذكر ابيها بكلمات بسيطه تجعلنا نزداد حبا لأمير قلوبنا بابا جابر
اترككم مع المقاله...:33_1185028183:
ذكريات في حب أمير القلوب للكويت وشعبها
نعم... لقد مرت اربع سنوات على وفاتك يا أغلى انسان يسكن في قلبي ومازالت دموعي تنحدر لم تجف لحظه واحده عن ذكراك أو مجرد رؤية صورتك على سيارات أبنائك الكويتيين في الشارع وما أكثرهم ... نعم يا والدي أتذكر عندما أقول لك يبه ليش ما تمنع الإحتفال بالعيد الوطني صوب قصر دسمان لانك تنام باكرا فقد يزعجونك بهرنات السيارات والموسيقى العاليه والألعاب الناريه بجوار الأبراج فأنت تحب الهدوء عند النوم....فإذا بك تنذرني وتغضب علي وتقول كلها يوم واحد خلي شعبي يستانس... ما أروعك...أتذكر عندما آتي من المدرسه وأذهب إليك للغداء وأقول ..( وااااااي يبه حر مووت شنو هذا ) .. كنت تنظر إلي وتقول ( حر .. مووت .. أحسن من الزلازل والفياضانات وانتي شدعوه سرج مقطوووع بسويسرا !!) .. أو عندما يصير غيم ومطر والجوو حلو أقولك يبه (توني جايه من الكافيه وماكو اليوم أحد مداوم كله براا تصدق جنك مو بالكويت من الغيم والبراد .. ) هم تعصب وتقول ( شنو يعني جنك مو بالكويت !!انتي وين عيل؟ الحمدلله والشكر.. شنو موديج القهوه ؟ وين دوامج ؟) فأسكت وأطالعه وأقول ( شفيك يبه ما تحب احد يقول شي عن الكويت بعد هذا الصج ديرتك حاره وشعبك ما يداوم كله براا الدوام اذا صار الجو حلو ..) كنت تعصب علي عندما اتكلم عن الكويت او شعبها ما احلى عصبيتك ولهت عليها ...او بالصيف العالم كلها تسافر وانت في الكويت لاتفارقها ولما آتي من السفر واقووولك ( واي يبه حر فلندن هالسنه بقيت اموت ورجعت بسرعه ماقدرت أكمل من الحر ) كنت تضحك وتقول ( ابرد ديره في العالم بالصيف هي الكويت كل شي فيها مكيف...) من حبك للكويت وشعبها...علمتني حب الكويت وحب شعب الكويت لأني رأيت هذا الحب بعيون الشعب بعد وفاتك رحمك الله وأسكنك فسيح جناته وبمناسبة كأس الخليج عندما كنت صغيره لا أفهم شي بالكره ولكن أرى والدي وعمي الشهيد فهد عندما كان يغادر البلاد يذهب ليسلم على أخيه وأكون موجوده يقول له ( إرجع الكويت جايب الكاس معاك ) كان يقول له ( إن شاء الله طال عمرك بس ياخوي دعواتك ) ..وأرى الحب في نظراتك وانت تطلب من رب العالمين التوفيق له ولأبنائك اللاعبين وإذا لعب الأزرق كنت تجابل التلفزيون وتقول شوفوا كل هدف يحطه الأزرق لكم عشر دنانير يا حياتي .. كان مبلغ كبير في ذيك الأيام....وعند هجوم الأزرق إذا كنت قاعد وقفت معانا وتهتف عن إدخال الهدف ... ما أحلى وطنيتك فقد تعلمت الوقوف وراء الأزرق سواء ربح أو خسر فالكره بالنهايه مدوره والمثل يقول يوم لك ويوم عليك كفاك الله شره....
رحمك الله .... لقد كنت على خلق.. وحفظ الله الكويت وشعبها واميرها وولي عهدها الأمين من كل مكرووه.
..
اترككم مع المقاله...:33_1185028183:
ذكريات في حب أمير القلوب للكويت وشعبها
نعم... لقد مرت اربع سنوات على وفاتك يا أغلى انسان يسكن في قلبي ومازالت دموعي تنحدر لم تجف لحظه واحده عن ذكراك أو مجرد رؤية صورتك على سيارات أبنائك الكويتيين في الشارع وما أكثرهم ... نعم يا والدي أتذكر عندما أقول لك يبه ليش ما تمنع الإحتفال بالعيد الوطني صوب قصر دسمان لانك تنام باكرا فقد يزعجونك بهرنات السيارات والموسيقى العاليه والألعاب الناريه بجوار الأبراج فأنت تحب الهدوء عند النوم....فإذا بك تنذرني وتغضب علي وتقول كلها يوم واحد خلي شعبي يستانس... ما أروعك...أتذكر عندما آتي من المدرسه وأذهب إليك للغداء وأقول ..( وااااااي يبه حر مووت شنو هذا ) .. كنت تنظر إلي وتقول ( حر .. مووت .. أحسن من الزلازل والفياضانات وانتي شدعوه سرج مقطوووع بسويسرا !!) .. أو عندما يصير غيم ومطر والجوو حلو أقولك يبه (توني جايه من الكافيه وماكو اليوم أحد مداوم كله براا تصدق جنك مو بالكويت من الغيم والبراد .. ) هم تعصب وتقول ( شنو يعني جنك مو بالكويت !!انتي وين عيل؟ الحمدلله والشكر.. شنو موديج القهوه ؟ وين دوامج ؟) فأسكت وأطالعه وأقول ( شفيك يبه ما تحب احد يقول شي عن الكويت بعد هذا الصج ديرتك حاره وشعبك ما يداوم كله براا الدوام اذا صار الجو حلو ..) كنت تعصب علي عندما اتكلم عن الكويت او شعبها ما احلى عصبيتك ولهت عليها ...او بالصيف العالم كلها تسافر وانت في الكويت لاتفارقها ولما آتي من السفر واقووولك ( واي يبه حر فلندن هالسنه بقيت اموت ورجعت بسرعه ماقدرت أكمل من الحر ) كنت تضحك وتقول ( ابرد ديره في العالم بالصيف هي الكويت كل شي فيها مكيف...) من حبك للكويت وشعبها...علمتني حب الكويت وحب شعب الكويت لأني رأيت هذا الحب بعيون الشعب بعد وفاتك رحمك الله وأسكنك فسيح جناته وبمناسبة كأس الخليج عندما كنت صغيره لا أفهم شي بالكره ولكن أرى والدي وعمي الشهيد فهد عندما كان يغادر البلاد يذهب ليسلم على أخيه وأكون موجوده يقول له ( إرجع الكويت جايب الكاس معاك ) كان يقول له ( إن شاء الله طال عمرك بس ياخوي دعواتك ) ..وأرى الحب في نظراتك وانت تطلب من رب العالمين التوفيق له ولأبنائك اللاعبين وإذا لعب الأزرق كنت تجابل التلفزيون وتقول شوفوا كل هدف يحطه الأزرق لكم عشر دنانير يا حياتي .. كان مبلغ كبير في ذيك الأيام....وعند هجوم الأزرق إذا كنت قاعد وقفت معانا وتهتف عن إدخال الهدف ... ما أحلى وطنيتك فقد تعلمت الوقوف وراء الأزرق سواء ربح أو خسر فالكره بالنهايه مدوره والمثل يقول يوم لك ويوم عليك كفاك الله شره....
رحمك الله .... لقد كنت على خلق.. وحفظ الله الكويت وشعبها واميرها وولي عهدها الأمين من كل مكرووه.
..
منقول
