كلمة زوجي هزتني وخلتني أموت بشي اسمه قراءه .. ( ابي كتب الجريمه وغموض )

[PinkY Dreams]

السلام عليكم بنات شلونكم

بنات انا توني باديه بالقراءه قريت جزأ بسيط من كتاب الساعات الأخيره في حياتهم وزوجي شافني أقرا جان يقولي ماشاءالله مني والطريج انزلت عليج الثقافه وعاد انا جذبت عليه قلتله وييييييييييي انا من زمااااااان أقرا أصلن انا مثقفه ومن أيام الثنويه وانا أقرا
طبعا خرطي انا ماأقرا ولا شي المهم
جان اقول بقلبي مريووم أقري وبينيله انج مثقفه جان اقرا جزأ من كتاب لعثمان الخميس بس ماحبيت ماأحب أقرا كتب جذي فخليته وبعدين قمت أفكر أقول مريوم انتي شتحبين اي كتب تقرين ؟ مع العلم اني ماجربت القراءه خخخ
جان ادش كويتيات وقسم الكتاب ودشيت على موضوع وحده ينقالها diva الكتاب اسمه مغتصب منطقة روستوف وقريت مقدمة الكتاب فشدتني حييييييييييييييييييييييييييييييييل حييييييييييل وحاولت أدور هالكتاب بس مالقيته والاخت ديفا قالتلي انه هالكتاب ليلحين مانزل بالكويت عاد انا الحين اكتشفت نفسي لوول اكتشفت اني احب كتب الجريمه والغموض لا وهالكتاب مع الاسف مانزل بالكويت

ف اانا اتمنى من خواتي يساعدوني يزاكم الله خير وتعطوني اسامي كتب جريمه أو كتب فيها غموض علشان أثبت حق ريلي اني صج مثقفه لوووووووووووووووووول والله كلمته هزتني والظاهر بحب القراءه وبتولع فيها بسبت كلمته لوول

وبس شاكرتلكم وساعدوني بالكتب يزاكم الله كل خير

 

[مملوحه السهول]

رد : كلمة زوجي هزتني وخلتني أموت بشي اسمه قراءه .. ( ابي كتب الجريمه وغموض )

مآ اعرف يآ حيآتي



^،*

 

[PinkY Dreams]

وي وي وي مملوحة السهول مره وحده وييييي ياهلا ومرحبا اهلن فبنت عمي تو مانور الموضوع والله

 

[قيد الغرام]

انا قبل غرامي قصص اجاثا كريستي خيااااااااااااااااال

بس الحين اي كتاب يعجبني او احد ينصحني فيه اقراه

حلوه القراءه

 

[miss-fofo]

اذا تحبين تقرين روايات

عندج روايات الكاتبة اجاثا كريستي كلها جرايم وغموض

وحدهم يشوقون ما ودج تهدين الكتاب الا لمن تخلصينه

انصحج فيهم

تلقينهم بأغلب المكتبات مثل مكتبة جرير اللي بحولي بارك بقسم الروايات

 

[كوت وتوت]

رد : كلمة زوجي هزتني وخلتني أموت بشي اسمه قراءه .. ( ابي كتب الجريمه وغموض )

القتلة المتسلسلون فيه تشويق ومتعة

 

[منيرة خالد]

كتب الجريمه والغموض >>>>>> خوش بدايه مرعبه


من افضل من كتب عن الجريمة الغموض

اجاثا كريستي

وحاليا


دان براون >> كتبه تلقينها بمكتبة جرير

 

[غلا الكويت 2010]

رد : كلمة زوجي هزتني وخلتني أموت بشي اسمه قراءه .. ( ابي كتب الجريمه وغموض )

انا اتفق مع الخوات اجـــــــــاثـــــــــــــــــــا كريــــــــــــستـــــــــــــــــــي وبس
انا احب الروايات الرومانسية عندج روايات عبير اتوديج عالم ثاني كله رومانسيه ::edbf4317b9:

 

[الؤلؤة السوداء]

عليكم السلام

ما شاء الله انتي الظاهر نفس ذوقي أنا بعد أحب الجريمة والغموض :ggdw:

وبصراحة أكثر كاتبة مبدعة في هالسوالف هي أغاثا كريستي .. رواياتها روووووعة

وعندج بعد روايات دان براون وبالذات شيفرة دافنشي وملائكة وشياطين .. هذول أحلى روايتين عنده

وفي عندج روايات شيرلوك هولمز .. أنا ما قريتهم من قبل لكن شيرلوك معروف انه أحسن محقق مع إنه شخصية خيالية

وحتى المحقق كونان مقتبس عن شيرلوك هولمز ههههه

وإذا تحبين تقرين بالانجليزي عندج رواية Shutter Island وااايد حلوة وحتى سوو منها فيلم

وفي روايات Sidney Sheldon رووووعة .. بس عيبه الوحيد إن فيها جرأة وايد

وفي بعد روايات جيفري آرتشر وأحلى شي الإخوة الأعداء (اسمها بالانجليزي Kane & Abel)

وعنده بعد رواية ثانية حلوووة اسمها سجين بالميلاد

وإن شاء الله أكون أفدتج :eh_s(8):


​

 

[Tom ♥ Jerry]

.


آممم مآ آعرف لهالنوعيه من الكتب !
بس كتاب الآخت diva الكل يمدحه لو انا مو خوآفه جان شريته !

روحي جرير و نقيلج جم كتاب من الي يحبهم قلبج

 

[رحيل المرافيء]

رد : كلمة زوجي هزتني وخلتني أموت بشي اسمه قراءه .. ( ابي كتب الجريمه وغموض )

عندج اغاثا كريستي
شارلك هولمز
ارسين لوبين
هتشكوك

 

[غيدآء]

شي حلوو تقرين حبيبتي

واذا تبين جريمه وغموض مالج الا اجاثا كريستي وانتي مغمضه ماكو شي محدد كل رواياتهاا روووعه

وعندج سيدني شيلدون رواياته حلووه وبالخصوص رواية السماء تتهاوى

 

[Tutti-Frutti]

رد : كلمة زوجي هزتني وخلتني أموت بشي اسمه قراءه .. ( ابي كتب الجريمه وغموض )



مثل البنات
ماكو على اجاثا كريستي
قصصها عجيبه

 

[Little_Queen]

ديفا نفسها عندها كتاب عن الجريمه و الغموض غن القتله المتسلسلوووووووووون نياهاهاهاها و فيه صور

يعني من الي يحبه قلبج

و اغاثا كريستي روايات بوليسيه

و الثقافة حلوة والله حلوة .. و شي زين دام انج بديتي صج تقرين الحين بتقرين عشان تعجبين زوجج باجر زوجج بتلوع جبده لما تتعلقين بالقراءه و تكشتين فيييييييييه

 

[ام عبدالوهاب555]

وعليكم السلام


شلونك بنكية؟


انتي بامريكا المفروض تبدين تقرين انجلش
عند بوردرز وبارنز اند نوبل قسم كامل لروايات الغموض اخذي منهم وفيه حق التين تصير لغتهم سهلة وتدرجي
تقدرين تقعدين بالمكتبة وتقرين عادي لو بالساعات واخذي الكتاب الي يعجبك ، وجربي كل انواع الكتب طبخ ، تاريخ ، كل شي حلو

حرام انتي هناك وما استفدتي!!


اللؤلؤة السوداء

وينك من زمان؟
اخيرا لقيت احد قاري لجيفري ارتشر هذا كاتبي المفضل بس للاسف بالعربي بس لان بريطاني ولغته صعبة علي وقصصه تقلب الراس!!
قريت له 4 روايات عجيييبة!!

 

[Shade]

اذا تحبين حق كتاب كويتيين عندك كتب م.عبدالوهاب السيد رووووووووووووعة

وخالد النصرالله

 

[EviL^^GirL]

داون براون لا يعلى عليه بصراحه

قريتله 4 روايات ،،
الرمز المفقود
الحصن الرقمي
الملائكه والشياطين
دفنشي كود

راح يغير منظورج حق وايد اشياء ! راح يخليج تدورين وراه بقوقل لوول
واحتمال يصير فيج مثلي وتبدين تدورين كتب عن الماسونيه واصلها

 

[حرم القيصركمودس]

رد : كلمة زوجي هزتني وخلتني أموت بشي اسمه قراءه .. ( ابي كتب الجريمه وغموض )

تاريخ الاعدام بالكويت اعتقد اسمه جذي حلوو وااايد