كلمتها كسسسسسرتني

[هونك على خافقي]

مرحبا
يمكن كلامي يكون ملخبط بس والله ماعاد فيني استحمل
تعبت حييييييييييييييييييييييل
انا كتبت عن مشكلتي مع الي احبه
هذا الرابط للي ماتعرف
http://www.q8yat.com/t842746.html

الوضع على حاله وانا صابره
بس يابنات ابغى افرح باي شي عايشه حزن بحزن
امي تقط علي كلام يجرحني
هذاغير الي حواليني والكلام
بسسسسس الصدمه اعز انسسسانه عندي تعايرني بشي مو ذنبي
تبغون تعرفون في ايش؟

انا وانا صغيره صار لي حادث ورجلي صار فيها جروح وشكلها واضح
للان حييييل متشوووهه حقيقه لازم اقر فيها
كنا نتكلم على الزواج قالت
ليش دايم ترفضين؟
قلتلها ابغى اكمل دراستي
قالت تحمدي ربك ان فيه احد يخطبك؟؟
انا وجهي صار كذا :eh_s(10):
سالتها ليش ايش قاصرني؟؟
الحمدلله بشهاده الكل جميله ونظيفه ومتعلمه ومو قاصرني شي
اعتفس وجهها وقالت ها وحسيت انها تفشلت
قالت بصراحه لاتزعلين مو كل رجال بيرضى فيك بعد التشوه الي برجلك
الرجال يدورون على الكمال !!
انا سكت وحلفتني اني ما ازعل وقلتلها مازعلت
مع انها كم مره تتكلم احسها تعايرني دايم بهاذا الشي
يوم البس قصير تجلس تطالعني
وكم مره تتقرف تعرفون النظره الي يكون متقرف من شي
اه يابنات
ما اقدر اوصف لكم احساسي
انكسسسسسسسسسسرت من داخل
ثقتي اهتزت
ليش طيب ؟؟ انا مالي يد بالي صار ربي كتب
واي وحده لو بيدها مايصيبها لامرض ولاشي
انا الحمدلله مايعيبني شي الا هذا الموضوع
كنت ناسيه
كنت واثقه من نفسي وعايشه حياتي ومرتاحه
لان الناس الي حواليني ماعمرهم تكلمو او عابو علي
لكن كلمتها كسسرتني
وشوفو مين الي قالها لي اعز انسسسسانه ماتوقعتها منها
وحتىلو كلامها صحيح والرجال يبغون الكمال
ليش تقول لي كذا؟
خلتني افقد الثقه؟؟
صرت افكر ان اهل الي احبه رافضيني عشان السبب هذا :eh_s(2):
ليش طيب
انا ايش ذنبي ؟؟
اخلاقي عاليه ومحترمه مع الكل ولاعمري عيبت على احد ولاتطمشت على احد
انا مجروووحه وتعبانه من كلمتها مو قادره انسى
وصرت ما البس عدل ولا اهتم بشكلي مثل قبل
نفسسسيتي صفر
كيف ارجع ثقتي لنفسي؟؟
ملاحظه عملت اكثر من عمليه وبعضها فشل وبعضها نجح
واخر مره رحت لدكتور قال مايمكن نعمل لك عمليه لاسبااب خاصه فيني
يعني حتى العمليه ما اقدر اعملها
يارب الصبر بس
دعواتكم

 

[نهى الأحمد]

حبيبتي


لا تتضايقين


والزواج قسمة ونصيب


واذا لج نصيب بشخص رح تاخذينه مهما كانت ظروفج


والشي اللي فيج ماهو سبب قوي حتى يمنعج عن الارتباط بأحد


قولي الحمدالله على كل حال

واذا ودج تعيشين حياتج مرتاحه وسعيدة

طوفي على قد ما تقدرين

وعسى ربي يوفقج

 

[عالمي انا غير]

بصراحة ماحبيتها هل الانسانه غيورة لا تهتز ثقتج فيها وخلج اقوى من هشئ وتذكري الزواج قسمه ونصيب

 

[ام زهقانه]

اعرف بنت محترقه ايدها واعرست وبنت ثانيه محترقه رجولها واعرست ولا سووه عمليه ولا شي نصيحه لا تتلبسين قصيير ولا شي اولا حرام وموحلو اصلا علي الوحده لا تتهميييييين بكلام احد

 

[نفهمها صح]

لاتحكمين علي ناس من نضرت وحده متدري انه الله قاد علي كل شي
لكن ناسس متخاف الله وخلي ثقةبالله قبل اي شي
ومالها داعي العمليات عمرج الزم

 

[pearls_q8]

حبيبتي الله يعينج
الزواج والحب ما يمنعه جرح والا اثر
واذا شخص حبج يحبج بكل شي فيج مو كل الناس تفكيرها مثل رفيجتج هذي
بعدين اهي غلطانه على اي اسـاس تعـمم ان كل الشباب يدورون كمال
لا تهتمين لحجي احد اهم شي تكونين واثقه من نفسج

 

[*الشيـــهـانـة*]

حسبي الله ونعم الوكيل
ماحب الناس اللي جذي اللي قلبها اسود وكله حقد وكراهيه
حبيبتي وكلي امرج لله وادعيه دايما وتصدقي وكثري استغفار وراح تتيسر اموووورج بإذن الله

 

[الغلا كله لبوي]

خلي ثقتج بنفسج قويه ومو اي واحده تتأثرين بكلامها واذا على الزواج قسمه ونصيب بنات وصلن للاربعين متزوجن جمال
ومو ناقصهن شي وبالعكس انا اشوف الي فيج مايمنع من زواج
والله يكتب الي فيه الخير لج

 

[عاشقة هواك]

الي قالت عنج مشوهه ترى محتره منج مالج شغل فيها عطيها طاااااااف

استغفري كل يوم وداعي الله واقري سورة البقرة كثر ما تقدرين حتى لو مو كاملة تقرينها قسميها اجزاء

كل يوم جزء ومتى ما فضيتي اقري جزء والله راح يرزقج الي ابالج

ونصيحة مالج شغل بكلام الناس الي لا يودي ولا يييب خلج واثقة من نفسج وما يهزج ريح

 

[قفشـه]

شوفي في ناس تحط النقص اللي فيها فيج

يعني تحب تتشفى بغيرها واطلع عيوبهم عشان ترتاح وتحس نفسها كامله

مرض اعوذ بالله وهالمرض منتشر اكثر شي في الحريم ..مو الرسول صلى الله عليه وسلم قال انه اكثر اهل النار حريم ..!!

يقولج محد يقدر يدوسك الا اذا دنقت راسك وانتي خلي راسج دايما فوق ..ممكن نعطيج حجي حلوو لين باجر بس محد راح يعالجج الا انتي .الا اذا اقتنعتي فعلا انج انسانه رائعه انسانه تستحقين الافضل ..التشويه بريلج مو بعقلج مثلها اهيا عندها تشويه اخلاقي محتاجه تصلحه اما انتي الحمدالله تقدرين تمشين غيرج مايقدر تقدرين تاكلين غيرج مايقدر ..كافي انج تقومين وانتي حاسه بامان..نظره بسيطه لضحايا اجرام سوريا راح تحسين انج عايشه بجنه

لاتخلين الشيطان يوسوس فيج ترا الشيطان لي لقى نقطه ضعف بالانسان كبرها وعظمها عشان يتعسه ويتعس حياته


كلما طرتلج السوالف هذي تعوذي من الشيطان الرجيم لين يختفي هالشعور ترا الاستيعاذ من الشيطان يصغره ويبطل عمله

واهم شي عيشي سعيده وقتج هذا راح تتحسفين عليه لي كبرتي

 

[سراب كذاب]

ماعليج منها وهذي ميته من القهر واكيد تعرف انه في شخص يحبج شلون تقول زين في احد رضي فيج واجه واخطبج يعني هي تبي تفهم نفسها انه انتي محد يبيج والعكس صحيح .. حبيبتي انا قريت رابط الموضوع الاول تمسكي فيه دامه يبيج وانسي اهله وكل شي والله يوفقج يارب وين بهالزمن الاغبر تلاقين واحد جذي؟؟ الله يهنيج حبيبتي ومالج شغل بهذي واشكالها ميته من القهر .. وعلي الجرج الي بريلج ضامنه هيه ما يصير لها حادث ويروح ويها كله؟؟ اشغلي نفسج بدراستج لين الله يرزق الولد بوظيفه زينه والله يهدي اهلج واهله واتم الفرحه يارب .

 

[عبير العنزي]

شوفي حبيبتي انتي قلتي عنها من اعز الناس؟؟

يعني هالانسانه اكيد تعزج لكن للاسف اسلوبها جذي

فهي بغباءها تبي تنصحج بس مو عارفه شلون تبيج تتزوجين وماتبيج ترفضين اللي يخطبونج

فقالت الكلمه اللي انجرحتي منها واهي فعلا كلمة تجرح

اذكر بنت خالتي حيل قصيره يعني ينقال عنها قزمه واهي بدون فخطبها واحد كويتي

واهي كانت ماتبيه فقالو لها امها وخواتها ليش رافضه الريال وين تلاقين مثله وانتي بهالطول منو بياخذج

يعني قصدهم يبونها ترضا مادرو بهالكلام انهم اجرحوها واقعدت تبجي

المهم حياتي خلج واثقه بنفسج انا صراحه ماحب البس قصير كلش كلش

يمكن عشان لون الركبه لوول وماعليج من احد

والزوج اللي يرفض بنت جميله وخلوقه ومن عايله محترمه عشان تشوه بريلها هذا اصلا جاهل ومتخلف

واهي المفروض ترفضه

لاحياتي مافي احد كامل لان الكمال لله عز وجل وكلنا فينا عيوب

وكل بنت تاخذ نصيبها ولايهمج كلام احد

انتي بس حساسه شوي الظاهر

بالتوفيق حياتي وطنش تعش تنتعش

 

[قطرة من سحاب]

من ناحية وضعج مع حبيبج شوفي ردي لوحده من العضوات
http://www.q8yat.com/t884968.html

وبالنسبة للبنت اللي كسرتج كلمتها بأقول لج خليها تولي
عامليها بحسن نيه ولااااااتتحسسين من كلمتها
انا حاسه فيج لأنج بظروف شينه فأي كلمة تضايقج وتتحسسين منها
لكن لو كل واحد قال كلمة وانجرحنا عز الله وقفنا الدنيا عنده
الله يوفقج

 

[قاهره عذالي]

يا حياتي انا مراة خالي
فيها اثار حريق برجلها
وتزوجت خالي وعازها ورازها وماكلته اكل
ومو مقصر معاها
مثل الخاتم باصبعها
حتى شكلها الخارجي عادي
ولا متعلمه ولاشي
فمو قاعده ولا شرط

 

[عاشقة الاسلام]

شوفي حبيبتي شكلها ميته قهرا منج ودليل كلامه لج
وعشان تبي تهز ثقتك بنفسج
حبيبتي طنشي ولا تفكرين بالموضوع ورديلها الصاع صاعين وعيشي حياتج

 

[(حكاية قلب )]

هي تبي مصلحتج حبيبتي

أنا تقريبا مثلك

 

[شذى2007]

بصرااااحــــــــــــه والله قهرتني مره اقووولج لاتفكريــــــن بكلامها من قاااال والله النصيب اذا جاء مايرده شي يبه بناااات لك الحمد يارب مورجلهم فيها تشووه لالا والله مافيهم جمااال واجسامهم والله كلش كلش لك الحمد على خلقه ربي والله ماعيب الخلقه بس اقووولج والله تزوجو والحمدالله يعني انتي شنو برجلج انتي لاتحطين الكلمه في بالج وانسيها الله يووفقج يارب

 

[هديتني يازمن]

الله يعييج حياااااااااااااااااااااااااااااتي

 

[xprincessx]

ما عندج سالفة
عطيتيها اللي تبيه و خليتيها تضايقج
خلج واثقة و لبسي اللي تلبسينه و ان كان مو عاجبها عندها اقرب طوفة ترقع راسها فيها
وقحه و ما تحب لج الخير و تغار منج

 

[بنوتة طموحة]

هذي رجلج وتقولين جذي

شلون اللي الحادث صار بوجهها

الله المستعان