والله انا متوسط لكن قرات لج موضوع بنفس القسم لاخت تبي منبه مادري ينفعج ولا لا ؟؟؟
--------------------------------------------------
المنبه : لبسي بلوزه او جاكيت فوق ملابسج طبعا وكشخي فيه واستانسي وقولي هذا يديد توني شاريته عجبكم اطفال بعدين روحي صوب الباب قولي جنه صار برد (يعني سوي حركه ان الجاكيت ينشق او يطيح زرار ) وتسالين اليهال شلون وشسوي ليما يتوصلون للخياط
وخليهم يتحركون اييبون لج اظرف كل ظرف في اشياء يخيطها الخياط
وتسالينهم بعدين شنو يخيط لنا الخياط وشنو الاشياء اللي بالصف اللي من الخياط وشنو ادوات الخياط ومن مناقشه ادوات الخياط دخلي عالسلوكي سواء من قصه او شخصيه واخر شي تورينهم اللي بالبرمجيات
-------------------------------------------
طلعي قطعة خام وقوليلهم هذي هديه من امي كانت مسافره ...وقوليلهم اشحلاتها هالدراعه وفتحيها وتتفاجأين انها خام مو دراعه ؟؟ اشلون الحين شسوي بهالقطعه ؟؟؟ انا محتاجه دراعه؟؟؟؟؟
ويتوصلون للخياط....بعدين تعرضين ادواته انا لما قدمته سويت نفس شكل الابره بس أكبر من الورق المقوى وسويت فيها فتحه دخلت فيها خيط وسويت مقارنه بينها وبين الحقيقيه....ومن اهني تقدرين تدشين على السلوكي ....
--------------------------------------------
تقدرين اتحطين بطاقة دعوة عيد ميلاد في صندوق بريد اي طفل وتطلبين منه ان يحضرلج ياه وبعدين تفتحينها وتسألينهم شنو هذا ، واتقولين لهم انا معزومة بس شسوي ما عندي ملا بس حفلة جاهزة عندي هذا الخام لقيته في ركن البيت شسوي فيه ؟ منو يقدر يسويلي ياه نفنونف حلو ، وتتعرفين هلى مهنة الخياط واتكونين حاطة في ركن العلوم ادوات الخياط واتعرفينهم عليها بالصور والمحسوس ، والسلوكي سويه على مسرح العرائس ، وبعدين عرضي الفيلم ...
وجذي ااستخدمتي مصورات ومحسوسات وجهاز حاسوب ومسرح عرائس يعني استخدمتي وسائل وتقنيات متنوعه .
----------------------------------------
مووووووووووووفقة
