كلي عشم فيكم

[ام ساره&ابراهيم]

السلام عليكم ياامهات اشلونكم
أنا اليوم عندي موضوعين وكلي عشم فيكم تتجاوبون معاي
الاول أنا صارلي 21 يوم من ولدت بس صار لي اسبوع مو قاعده اشفط الحليب من صدري ماادري اشفيني مره وحده قطعت وأعطيه حليب ابتاميل مع ان حليب صدري لحد الحين يدر وحااااااسه بتأنيب ضمير والله وصدقوني مو قاعده اشفط الحليب جدام احد اللي عشان اقول انها عين بنات تكفوووون نصحوني
الموضوع الثاني ان ولدي منتشل ومايقدر ينام عدل والسبع خشمه امصكر وحطيت لها البخاخ لمده 5 ايام وماكو فايده والحين قاعده استخدم له قطرة المستوصف ماي وملح العاديه وماكو فايده اشتنصحوني فيه:0bee2e8d89:​

 

[..’’ياقلبـك الخوّاف’’..]

حبيبتي اكلي زين وكثري حليب وتغذيي عدل ..اساس الرضاعه التغذية الجيده..وحاولي هو اللي يرضع مو انتي تشفطين..



والنشله يمكن انتي شاربه ماي بارد ورضعتيه وانتشل..لان اي شي تشربينه ياثر عالبيبي على طوووووووووووووووووووووووووول

 

[eman84]

الحمدلله عالسلامة ويتربى بعزكم ان شاءالله

الرضاعه صج متعبه واذا توفر الحليب الصناعي خلاص تروحين حق الاسهل والاسرع ,, بس انتي لما تقولين ما اشفط له حليب يعني السبب انج بتوقفين الرضاعه ؟ والا مالج خلق ؟ والا تكونين مشغوله !؟يعني مافهمت بالضبط السبب ؟

واذا بس جذي فجأه ماتبين انا مريت بالشي نفسه لان النفاس بروحه كآبة وملل و تحسين مالج خلق انا وقفتها بالاربعين بعد

والنشله عادي توه صغيرون اخذيله اوشن سبراي (ماي وملح وبس) واذا كلش مايقدر وديه الطبيب يمكن يوصف له كمام

 

[ام ساره&ابراهيم]

رد : كلي عشم فيكم

مشكورين حبايبي على ردودكم السريعه بس بالنسبه ليش أني اشفط له وليش مايرضع مني على طول لان حلمتة صدري صغيره ومايقدر يمسكها ونفس المشكله كانت مع بنتي الكبيره
ومعاج حق يا اختي فترة الاربعين حد الكآبه فيمكن هاذا سبب اللي يخليني مااشفط له
والنشله اللي معاه أنا مو قاعده اشرب شي بارد كلش
أنا كل خوفي لا تتم معاه النشله ليه بعد الاربعين

 

[مناير خزنة التاير]

تدرين شتسوين
عطيه رضعه و ترك
رضعة طبيعي و رضعة صناعي
حرام دام فيج حليب خلي الياهل يستفيد منه

والنشلة ترى اهي اطول يعني احنا الكبار نتأذى شلون الياهل

 

[ام مريووومة]

اي والله النشلة اطول تخيلوا من يوم ولدت بنتي واهي منشولة الظاهر من لم سبحوها المستشفى حاشها برد وانتشلت وصار عمرها الحين 3 شهور وليلحين منشولة وقطرة المستوصف ما سوت شي