كل إللي جربــت الإبرة التحضيرية وأطفال الأنابيب تدخل بسرررعة

[حروف الأمل]

السلام عليكم ورحمة الله وبركاته

كيفكم حبايبي ؟

انا ان شاء الله ولأول مرة راح اقدم على عملية اطفال الأنابيب طبعا مايحتاج أقولكم عن القلق النفسي فأحتاج جدا لدعواااتكم واللي يعافيكم بنات ادعووولي :eh_s(2):

وعندي سؤال .. أخذت الإبرة التحضيرية ثالث يوم الدورة قبل اسبوعين وموعدي يوم 21 من الدورة يعني بعد أسبوووع عشان يبدؤوا تنشيط أعتقد مااعرف
المهم انه بعد ماخذيت الابرة التحضيرية عقبها بأسبوع وينزل علي أكرمكم الله دم خفيف مرات احمر ومرات بني ولي اسبوع تقريبا على هالحال ومو راضي يوقف
بصراحة كل يوم اقول بكرة يوقف ومنحرجة اسألكم لكن ماااوقف ..! طبعا انا اخذته في حكم الاستحاضة لأنه نزل بعد الدورة بخمس ايام ولا زال مستمررر حتى الآن

يابنات هل حصل معكم هالشي ومتى يوووقف ؟؟؟

الله يسعدكم والله ماتتصوروا قد ايش محتاجة للإجابة لأني ماراح اخبر ولا شخص من الأهل ولا الأصدقاء عن هالخطوة لما ربي يتمم بخير ان شاء الله ولو مو محتاجة لكم كان ماسألت أو تعبتكم معي !!!!

هل فيه مأكولات ممنوعة للمقبلين على الأنابيب ؟؟ وش نصائحكم ؟؟

أي معلومة تعرفونها لاتبخلون علي خواااتي

السنييين تمضضي وبسبب هالموضوع شكلي ظاهريا كبرت زيادة على عمري عشررين سنة واكثر

رغم انني مؤمنة بقضاء الله وقدره لكن كلام الأهل والناس يسبب القلق ويفقد الشخص عقله قبل صبره

الحمدلله على كل حال

الحمد لله رب العاااالمين

ربي اكرمني وكل المتأخرات بالذرية الصالحة السليمة المعافاة التي ليس في خلقههاا لازيادة ولانقصان يارب العالمين

 

[الطربوش]

حبيبتي الدم الي ينزل معاج يكون بعد الجماع

 

[ماي الورد]

اللف يفرح قلبج ما عندي فكر ة بس حبيت ادعي لج

 

[هيبة ملك]

أنا سويتها قبل لكن مانزل على الدم أنت روحي للدكتور يشوفج
والأكلات الدكتور راح يعطيج قائمة بالممنوعات

وعسى الله يرزقح

 

[حروف الأمل]

عزيزتي الطربوش ,

لأ اختي من غير جماع ولا اي شي اصلا ماصار جماع

انا لما اعطتني الممرضة الابرة قالت يمكن بعد اسبوع ينزل عليك اشوي دم بني عادي لاتخافي

لكن المشكلة انه طووول الحين اسبوع ينزل كل يوم اشوي شنووو هذا ؟؟؟



اختي ماي الورد تسلمين قلبي

اختي هيبة ملك مشكوورة قلبي ان شاء الله بسأل الدكتور


ياليت اللي عندها افادة او حصل معاها نفس الشي اطمني لسة باقي على موعدي كمان اسبووووع

واللي يخليكم بناااااااات

 

[شقرا كويتيه]

عسى الله يرزقج ماعندي فكره اسالي دكتور افضل

 

[دلع أميرة]

يمكن معك سدد والأبر ساعدت ونزلته <<<والله مدري
بس لازم تسألين الطبيب أفضل
والله يكتب لك الحمل السليم المعافي إنتي وكل من تتمنى الذرية

 

[مربى و قيمر]

اختى اسال الله الكريم الوهاب ان يرزقك الذريه الطيبه عاجلا غير اجلا يارب العالميين
احسن شئ ان لاتعلمين احد على عمليه طفل الانبوب تعاونوا على قضاء حوائجكم بالكتمان
وبنسبه للدم لازم تسالين الدكتور احسن
واهم شي الراحه التامه بعد العمليه
والله كريم

 

[حروف الأمل]

أختي شقرا مشكورة عيوني

اختي دلع ان شاء الله يكون كلامك صحيح وألف شكر

عزيزتي مربى وقيمر اكيد انا ان شاء الله ماراح اخبر ولا اي احد عشان محد ياكل همي وربي يسهلها ان شاء الله

واليوم اتصلت على المستشفى وقالوا طبيعي ناس ينزل معهم يوم وناس خمسة وناس اسبوع لكن ملييييت شنو هذا اليوم وقف واتحممت وفرحت و رجعت بعد ساعة او اقل للحمام الله يكرمكم ولقيت نزل اشوي من جديييد ااااه المشكلة بس اشوي ينزل كل يوم اشوي جنني

دعواااتكم بنات