كل اتووووووهق ؟؟؟؟؟؟؟ ماعرف اتحجى ؟؟؟؟؟؟؟؟؟؟؟

[بنت متوهقه]

السلام عليكم


بنات انا باختصاااار كله متوهقه وماعرف اررررد ...؟؟؟

يعني بدوامي اذا احد سألني سؤاااال اقووول مادري ؟؟؟ مع اني اعرف ارد واعرف الاجااابه
بسسسسسسسس مادري شفيني من اروووح للدوام تنقلب شخصيتي وجهي يحمررر وماعرف اكلم البنات واحذف كلمات مو بمكااانهاااا ياربي شصااااااير فيني ؟؟؟؟؟
ودي اكون نفس وحده بدوامي شخصيتها قويه وكلاممهاااا موزووون
ليش انا وجهي يحمررررر واقعد اضحك على نفسي اذا قطيت جمله غلط
فكرت ادش دوراااات اطور من كلامي واستفيد بس ماقدر الوقت مايسمح ؟؟؟؟؟
بنات قولووولي شلون اقوي من شخصيتي واعرف ارد واعرف اجاوب واعرف اتحجى مثل الاواادم ابلييييييييز علموووووني
والله تعبت من نفسي لدرجة ارد البيت شوي ابجي
عندي طاقه ودي اشتغل ودي اتحجى بس الحيياااااا وعدم القدره على المواجهه تردني
بلييييز والله اكتب وانا ابجي
علمااا بأن انا موظفه جديده

 

[Tom ♥ Jerry]

.


دخلي دورة قوي شخصيتج !
حلو البنت تستحي يكون عندهآ حيآء بس الخجل مو زين : ) ..
اقري عن الشخصيات .. لمآ تروحين الدوآم شوي شوي
اختلطي مع البنات :* و سولفي معآهم بعدين آن شاء الله تصيرين أوكي ..
السالفه يبيلها وقت :*

 

[فاقده حنان ابوه]

حلو البنت تكون خجوله

بس يمكن انتي ماعندج ثقه بنفسج سوري عالكلمه بس صج يمكن عشان جذي

 

[بنت متوهقه]

رد : كل اتووووووهق ؟؟؟؟؟؟؟ ماعرف اتحجى ؟؟؟؟؟؟؟؟؟؟؟

قاعد اقولج ماعندي وقت للدوره
اشلون اوخر الخجل والحيااااااء ؟؟
تعبت والله تعبت ......؟؟؟

 

[بنت متوهقه]

رد : رد: كل اتووووووهق ؟؟؟؟؟؟؟ ماعرف اتحجى ؟؟؟؟؟؟؟؟؟؟؟

حلو البنت تكون خجوله

بس يمكن انتي ماعندج ثقه بنفسج سوري عالكلمه بس صج يمكن عشان جذي

توقعت هالشششششي يمكن والله ليش لاء
انزين شلون اقوي ثقتي بنفسي

 

[مفرفشه عالاخر]

رد : كل اتووووووهق ؟؟؟؟؟؟؟ ماعرف اتحجى ؟؟؟؟؟؟؟؟؟؟؟

بما انج موظفه جديده عادي هالشي محتمل يصير ... وكلنا مرينا بمراحل مانعرف فيها نرد او نتكلم او نفقتد الاسلوب

وااناا بنفسي مريت بهالشي

الطريقه سهله جدااااااااااا واسهل مما انتي اتصورين

عندج مثلا وحده شخصيتها قوية بالداوم تقمصي شخصيتها تأملي فيها ركزي بكلامها بثقتها بنفسها عيشي الدور بأحلامج وبيتحقق هالشي

واذا عالاسلوب انا مادري اذا في دورات للكلام ويليت يكون في لأن كلنااااااااااا نحتاج هالشي

وهذا موضوع كاتبه فيه تجربتي شلون تغير اسلوبي واتمنى ينفعج

http://www.q8yat.net/showthread.php?t=685398

 

[حرم يوسف بيك]

رد : كل اتووووووهق ؟؟؟؟؟؟؟ ماعرف اتحجى ؟؟؟؟؟؟؟؟؟؟؟

الحياة تعلمج اشياء وايد من ضمنها اشلون اتكلمين وتصفصفين الحجي وتكلمين بثقه خالطي الحريم الكبار بالسن وتعلمي منهم شلون يتكلمون وشلون لسانهم حلو ويجذبون الناس تسمعهم انا كنت استحي اتكلم بالمحاضرات وباليمعات لكن عقب ما تزوجت وشتغلت وخالطت اشكال واجناس ومريت بمشاكل بالدوام عرفت اشلون اتكلم وادافع عن نفسي وما اسكت عن حقي من يصدق انا كنت هاديه واستحي اتكلم الي شخصيه قويه ولساني مايسكت عن الحق ولي سولفت سالفه اتكلم بثقه واخليهم يسمعوني وبعضهم يستشيروني بحل مشاكلهم بعد خخخخ

 

[قطووه حلووه]

رد : كل اتووووووهق ؟؟؟؟؟؟؟ ماعرف اتحجى ؟؟؟؟؟؟؟؟؟؟؟

مره ببرناامج فوزيه الدرييع وحده دقت واتصاالهاااا ورد فووزيه الدريع علق برااسي

مشكلة المره هذي تقوول مااحب ولدي يطلع او يختلط بالنااس اخااف يحرجوونه اخااف يأذووونه قاالت فوزيه الدرييع شلوون تبيينه يعيييش ويتعلم لييه يطيح خليه يتعوووور عشاان يعتمد على نفسه ويصير انساان سوي

طرى على بالي المووضووع

يبييلج شوييية جريءه وكسري الحااجز انتي خاايفه من االغلط غلطي مره مرتييين لين ينكسر الحاااجز

 

[monmon12]

حبيتي

سهل واايد شوفي اول شي

فكري وياي شنو أسوأ شي ممكن يصير اذا رديتي ؟؟ الي جدامج شنو بسوي بيضحك عليج؟؟ بيطقج؟؟ بيذحج؟ ويهج بصير أحمر ؟؟ راح تعرقين؟؟ تبجين؟؟ تطيحين غشيانه ؟

فكري فيها شنو أسوأ شي اذا قلتي شي غلط؟؟ راح دشين النار ؟؟

طبعا انا ليش ابالغ عشان ابيناج سهولة الأمر

لما تقولين مادري وانتي تعرفين الاجابه لأنج حبيتي مستعيلة

عطني نفسج محال فكره اشوي لو نص دقيقه وأخذ نفس وردي

لأنه فكري مره ثانيه شنو أسوأ شي بصير؟؟

 

[طـفولية]

فكري قبل لا تتكلمين بيكون كلامج موزون ..
وهالخجل لا تعرفين من متى بدى معاج هل اهوا من زماان معاج ايام الثانوي .. الجامعة .. مع الدكاترة .. شلون وضعج !!؟
ولا بس عشان المكان يديد ؟

 

[نادره في وجودها]

حلوه هذي دورة تطوير الكلام لووووووووووووووووول

يا حلات نعمة العقل والتفكير

تعوذي من الشيطان وردي على الناس اللي تكلمج بهداوه

واخذي معلومه البنت حلوه بخجلها مو بلاقافتها وردها السريع

 

[مس كوكا]

انتي ما عندج ثقه بنفسج....

ويمكن خجوله اكثر من الازم

 

[Johnson]

يعني شلون دورة حق الشخصيه اصلا ماكووو ؟؟
وبعدين يا قلبي الدوام بروحه راح يغير شخصيتج مع الوقت صدققيني لانج بتشوفين اشكال والوان
وبتصيرلج مشاكل اكيد بالبدايه ما راح تعرفين تردين بس مع التأفلم راح تتعوديـن ,,