كل اسبوعين رجيم

[Bahrain Free]

السلام عليكم ورحمة الله وبركاته

شخباركم كويتيات :eh_s(8):

انا يديدة وياكم بالمنتدى وحبيت منتداكم وايد :eh_s(7):

الي حابه تشتركت وياي كل اسبوعين نسوي رجيم معين عشان مانتملل

كان وزني 108 وطولي 163
وزني الحالي 90 كيلو يعني نزلت 18 كيلو :eh_s(15):

انا قلت بابدي برجيم الدكتور اسامة اسبوعين واذا عجبني باكمل الشهر لانه رجيمه متنوع وحلو وشكله مو ملل

ذاك الاسبوع كنت امشي على دشتي ونزلت الحمد لله 3 كيلو في اسبوع بس ماحبيته كلش لاني حرمني من الفواكه والحليب :eh_s(1): واعلنت استسلامي طبعا

انا قلت اذا في قروب بشاركون وياي نسوي مع بعض ونشجع بعض

اقتراحات اول اسبوعين او اول شهر رجيم الدكتور اسامة

بعدين بريك يوم او يومين

بعدين رجيم عذاري او رجيم الدكتور فادي

واخر رجيم ناويه اسويه هو رجيم 12*12

عشان تكون مرحله التثبيت وراه مباشرة بنظام السعرات الحرارية
اول اسبوع 600 سعره بعدين 800 بعدين 1000 بعدين 1200 سعره

وان شاء الله اجوف تفاعلكم وياي

:eh_s(17):​

 

[متجر جنات عدن]

للررررررررررفع

 

[Bahrain Free]

Up
Up
Up​

 

[Madrideya ~]

معاج .. انا نزلت 17 كيلو ب 3 شهور بس ما كو نظام معين كل أسبوع اختار نظام أو كل جم يوم
وساعات امشي عشوائي بدون نظام .. الحين لازم استقر على نظام معين لأني أبي انزل 17 كيلو بعد عشان أوصل المثالي بس الحين أعاني من ثبوت بالوزن : (

 

[Bahrain Free]

مدريدية مبروك على النزوول

صار وزنج في السبعين من جذي النزوووول صعب

جربتي نظام 12*12 ؟؟؟


حلو يقولون وينزل بعد

يالله خل نشد الهمه انا ابي 30 ليما اوصل 60

 

[Madrideya ~]

يارب نضعف بصحه وسلامه شعور حلو لما تضعفين وملابسج توسع عليج والكل يلاحظ الضعف عليج ويشجعج تحسين انج أنجزتييي .. انا الحين وقفت الرجيم لين يوم عرفه وبعدها راح ارد لانه الله يسلمج مثل ما قلت لج وزني ثابت مؤ راضي يتحرك الميزان وإذا تحرك بالكثير
نص كيلو للأسف وايد قالولي خربطي جم يوم وردي الله وكيلج أكلت اليابس والخضر بهاليومين ورديت للرجيم ولا في فايده !! بجرب هالمره أسبوع جود ينفع

انزين انتي شنو النظام اللي راح تمشين عليه وشلون صاير نظام ١٢*١٢ !!

 

[Bahrain Free]

مدريديه
احسن تاخذين فترة بين رجيم والثاني انا اليوم ثاني يوم مفتوح وان شاء الله الجمعه بابتدي مرة ثانيه

انا اعتقد انتي ماتايدين هذي الانظمة لانها تنزل وايد :eh_s(10):

انا استعمل فيتامين HairVit وبعد واحد ثاني الدكتورة وصفتهم لي لانه عندي تساقط من قبل والحمدلله وايد زينين للي حاب يستعملهم

جوفي هذي رجيم 12*12

الثلاث الايام الأول : فقط روب وخيار كل ماجعتي

الثلاث الأيام الثانية فقط خضار مثل ماتشتهين (طازج-مسلوق-مشوي)

الثلاث الأيام الثالثة فقط فاكهه بأستثناء الممنوعات مثل الموز المنجا التين العنب التمر و الرطب

الثلاث الأيام الرابعة فقط بروتين فقط (بيض مسلوق-شرائح لحم -دجاج مشوي او مسلوق-سمك
تونه - فطر - مع شرب كمية كبيرة خلال البرنامج تحدي نفسك.


انا محتارة باي نظام ابتدي بس اغلب الضن بابتدي برجيم اسامة الكيميائي لاني ابي نزول سريع والي بوزني ينزلهم بسرعه اتوقع

لو زين في تفاعل في الموضوع جان يصير وناسه
​

 

[Madrideya ~]

امممم وايد عجبني النظام أحس بيفيدني صج انه قاسي بس مؤ مهم الأهم يتلحلح الميزان شوي
لاعت جبدي من السبعينات أبي أشوف نفسي ستينيه ... خلاص راح ابلش فيه يوم السبت شاء الله أن الله احيانا

بخصوص التفاعل ما راح تلاقين الا جم وحده ينعدون عالاصابع الشعب ثلاث أرباعه لجأ للعمليات وفكوا أعمارهم بلا رجيم بلا بطيخ والربع الباقي ما كو أراده
ههههه =) الله يعين

 

[Bahrain Free]

بل عمليات مرة وحده !!!!

:eh_s(10)::eh_s(10): الله لا يحوجنا

انا عمري ماكنت ضعيفه ههههه تصدقين عاد من يوم انا ياهل وانا دبه

خواتي كانو كله يطنزون علي يقولون لي دبه الماي فيها شربت :eh_s(16)::eh_s(16)::eh_s(16): ههههههه


من اذكر هالاشياء اضحك وبصراحه انا طول حياتي مافتكرت بالمتن والضعف معني مو واثقه من نفسي وايد عادية جدا بس دايما عندي الضعاف اهمه الاحلى وعندهم ثقه

ان شاء الله نكون متواصلين بيومياتنا ووانا راح اصور يومياتي عشان نشجع
مادري اسوي وياج هذا النظام لو اسوي مال اسامة اول !!!

محتارة حدي ​

 

[modern]

حلو النظام الراسمته

 

[((shoOoshoOo))]

مووفقه يارب

 

[Bahrain Free]

مشكورين كلهم على التشجيع


خلاص قررت اسوي نظام اسامه اول اسبوعين او اول شهر :eh_s(9)::eh_s(9)::eh_s(9):
بعدين باجوف اواصل عليه لو ارجع اغيره واخر نظام لي بكون 12*12 عشان مرة وحده وراه التثبيت باذن الله


السبت بابتدي ان شاء الله


دعواتكم ​

 

[جود2011]

موفقة خيتووو

 

[Bahrain Free]

جميعا ان شاء الله


بكرة بباتدي ان شاء الله

وبصور لكم يومياتي ان شاء الله :ggdw::ggdw:

 

[Madrideya ~]

يلا اوك انا معاج .. خربطت 3 ايام الحين لازم ارجع للدايت
راح ابلش بدايت الكورن فليكس ان شاء الله ابي انزل 2 كيلو مني للعيد :/
وراضية لو كيلو بس يتلحلح الميزان على نفسه شوي


الله يوفقنا ويارب نضعف بصحه وعافيه ..

 

[ايمان الغساني]

صباح الخير
انا حابه انضم معك
وزني 80 وهدفي الاول75
شو الرجيم اللي تستخدميه ممكن تحطيه بتفصيل
راح احاول ادش جد ما اجدر عشان نشجع بعض
اختــــك
ايمان
من سلطنه عمان

 

[Bahrain Free]

هلا بيكم

اهلا اخت ايمان،،، حياج


انا بديت اليوم هذا النظام
كانت مخليته وحدة في المنتدى تقول ان نزلها 20 كيلو في اسبوعين


بس انا ماتوقع ان ينزل هالكثر ،،،، بس بنجرب نجوف في اسبوع للعيد جم ينزلنا

الرجيم :

الأفطار ثابت طيلة الأسبوع: شاي أو قهوة بدون سكر أو ان رغبت كأسان من الماء

يومي السبت والأحد
الغذاء: قطعة لحمة بقري "ستيك" مشوية ومعاها الكثير من السلطة "الخس" وطماطم وخيار وجزر بدون زيت ولكن القليل من الملح والليمون.
العشاء صحن سلطة فقط

يومي الأثنين والثلاثاء
الغذاء: بيضتان مسلوقتان وصحن سلطة
العشاء سلطة فقط

يومي الأربعاء والخميس
الغذاء: خيارتان وعلبة صغيرة "حوالي 125 غرام" من الزبادي الخالي الدسم
العشاء خيارتان فقط

يوم الجمعة
الغذاء: تفاحة
العشاء: تفاحة



على فكرة البرنامج سهل بس يوم الجمعه صعب ،، بس بكون العيد اتوقع ههههههه :d:d

يالله وخل نكتب يومياتنا

بانتظاركم



​

 

[ايمان الغساني]

كلامك صحيح انا اليوم بلشت
نهضت وشربت كوبين ماي
والغدا اكلت سلطه وبعدها شربت كوب ماي ..
انا صعب على ادش دايما النت بسب اشغالي شورايك نسوي جروب ف الواتس اب عشان نشجع بعض ...
العصر راح اسوي رياضه واشرب شاي اخضر مع زنجبيل ومراميه اشربه ف اليوم مرتين

 

[Bahrain Free]

اهلا اخت ايمان
اناصراحه كلش ما اييد قروب الواتس اب

اذا قدرتي دخلي قولي لنا يومياتج ،،،

خسارة ماقدر انزل صور


فطوري كان شاي بدون سكر
الغدا شريحه برجر لحم

العصر اكلت فواكه

العشا سلطة ان شاء الله

رياضه ماسويت العيارة ضاربتني حدها ههههه

 

[ايمان الغساني]

تمام حبوبه احاول ادش جد ما اجدر
العصر شربت شاي وكنت ناويه اسوي رياضه بس ما قدرت شوي مريضه
العشا راح اكل سلطه