كل اللى سافر تركيا على الجزيره يتفضل!!!!!!!!!!!!!!

[البرنسيسه77]

السلام عليكم ورحمة الله وبركاته:68_asmilies-com:

بنااااااات ابى كل وحده سافرت على خطوط الجزيره الى تركيا تكلمنى عن مطار صبيحه اول ما وصلتوا وين اتجاهاتكم (بورصه - اسطنبول - يلوا)وكم تبعد كل منطقه عن مطار صبيحه لانى بسافر انشالله بعد يومين ومانى عارفه وين اروح ضااااااااااايعه :krkrkr: والبركه فى الكويتيات ينقذونى علشان اعرف احجز الفندق:0bee2e8d89:

 

[¤§ زيتونة §¤]

حبيبتي

ان شاءالله تروحين وتردين بالسلامة

انا رحت عن طريق طيران الجزيرة بس بالشتا مو الصيف


عموما .... مطار صبيحة حلو مجكنم صغير وتنزلين من الطيارة تركبين باص يوديج للمطار واول المدخل بتلاقين الجوازات تختمين وتطلعين حق الصالة اللي داخل ومنها تدخلين على تركيا يعني تطلعين من هناك للتكاسي والمواقف وجذيه

انا رحت حق بورصة كان ناطرنا رفيج ريلي راعي مكتب تركي خذانا سيييدة للعبارة ورحنا ليلة بورصة وردينا ثاني يوم بالليل حق اسطنبول وقعدنا ليلتين ورجعنا يعني سفرتنا اسرع سفرة هههههههههههههههههههههههه


واذا بغيتي تروحين يلوا ولا بورصة لازم تروحين بالعبارة لانه طريج السيارة 4 ساعات ولوية وتعب بس بالعبارة ساعتين الا شوي

اسطنبول مو بعيدة وايد عن مطار صبيحة بس يلوا وبورصة طريج بو ساعتين الا بالعبارة وبعدهم تقريبا ساعة وشوي ليما توصلين لهم


واختيار موفق

 

[سجى]

انا رحت على الجزيره هالشهر ونفس كلام زيتونه صغير المطار وعلى طول على الباص بعدين للمطار
ختمنا جوازاتنا وطلعنا ولقينا سايق صاحب المكتب رفيجنا ينطرنا وخذانا للعباره وعلى طووول بورصه

 

[البرنسيسه77]

مشكورين بنات على الردود بس متى اوقات العباره احنا نوصل تقريبا الساعه 11 الظهر نلاقى عباره بهالوقت ولا تكون طافتنا

 

[¤§ زيتونة §¤]

حبيبتي انتي مالها وقت معين العبارة

لا كل نص ربع ساعة اتيي وحدة مو ملتزمين بوقت معين حق العبارة


يعني متى ما طلعتي للعبارة بتمشي خلال نص ساعة


لا تحاتين حبيبتي


وبالسلامة

 

[عسولة الكويت]

تروحين وتردين بالسلامة
عاد لازم تحطين تقريرج لارجعتي ان شاء الله

 

[البرنسيسه77]

اكيييييييييييييييد انشالله ومشكوره على المشاركه والردود