كل اللي تحتاجينه بالغربه...حياكم

عيون&الريم

New member
إنضم
3 نوفمبر 2010
المشاركات
583
مستوى التفاعل
1
النقاط
0
الإقامة
USA
السلام عليكم
شلونكم..؟

انا نزلت موضوع قبل ماتزوج اسال فيه عشان الاغراض اللي احتاجها ...

والحين صارلي سنتين تقريبا ودي افيدكم ,,,,

الملابس :بنات لاتكثرون ملابس لانه اهني متوفر ويناسب جوهم اذا انتي من النوع اللي تحبين البلايز الطويله جيبي معاج مراح تلقين اللي ببالج ,,,جد لاتكثرون انا اربع اجناط اللي يشوفني يقول امريكا مافيها ملابس هههه الملافع جيبي بالهبل بس مو اوفر ترا ماكو اهني الا شالات موشي

العطرات :اهني ارخص وانواع واجد اما العطرات العربيه+البخور ماكو اذا تحبين جيبي معاج اما الفحم موجود اهني حق الشيشه جيب واحد احتياط

سالفة الصالونات :اذا تحبين الشيره اخذيها اما اذا متعوده علي الشمع ترا موووجود وانواع ارخص التشقير موجود الصالونات اهني اختلاط بعضهم مايجيهم الا الحريم وهذا احسن ويحطونج بغرفه بروج اذا متحجبه وقبل ماتروحين تاخذين موعد علئ حسب بعضهم ايام واذا زحمه اسبوع صرااااحه حدهم غالين, مرا رحت حفيت الساق والايد وصبغت شعري مع انه قصيرررررر حيل ب 500 دولار انصدمت ...وفي اسعار معقول بس تلقين رياجيل فيه بكثره اما سوالف صالون اغلبه حريم يرفعون الاسعار وفي صالون شفته بالمول هنديه تشتغل فيه تحف الحواجب بخيط ان شاءلله اروح والقئ شيره ...عالعموم ترا اسعارهم اغلئ من الكويت
مكينه الشعر والاستشوار والاستريت هذا لاتجبينه معاااج كلش انا جبت وتوهقت فيهم لانه البلاك غير عن الكويت وطاحو بجبدي اهني في محل يهبل حق اغراض الصالون اسمه ساليز sally's كل شي فيه واسعاره حلوه تلقين مكينه تشيل الشعر استشوار استريت جهاز الشمع ولصقات حق الحواجب والشوارب هههه وكلل شي بتلقين بسعار تجنن وفي سوبر ماركت اسمه ول مارت تلقيه فيه استريت واستشوار وبسعار ارخص الان ارخص من برا ..الحمام المغربي اطلبي الاغراض بالنت وانتي بامريكا وسوي لنفسج لانه ماعندهم غير السونا

اغراض المطبخ: كلها اهني بس اذا متعوده تاكلين بصحن الدائري مال العيش ترا مو موجودي جيبي معاج صحن العيش اللي تنجبين فيه وفناجيل وسكاين ومطارة قهوه وجاي وجنطه حق المطاطيرعرفتوها عشان اذا سيرتي علي رفيجاتج او قعدتي بمكان عام المطاطير فيها والسكاين ....التمر والبهارات جيبي اللي يحبه قلبج في اهني بس مو اللي متعوده عليه انا خليت خالي يجبلي بهارات الكويت الغزالي والكركم والكمون وصفار الزعفران وزنجبيل مطحون ..اهني في بقالات تجيب بس مو اللي متعوده عليه في هيل ودراسين اعواد ولومي...

ديري بالج لااااااااا تجبين لومي اسود ترا مصيبه يودونج بستين داهيه انتبهي....:rerrerek:

انا جبت معاي لومي اسود وماش طلع ممنوع تجبين لومي اسود والماش قطو بزباله وخلو زوجي يوقع تعهد ويدفع غرامه ماليه 1000 دولار ....

والعيش القئ بالبقلات العربيه والورق عنب والجبن ولبن والحمص والفحم وبهارات فيمتو وزعفران وخبز واشياء تحتاجينها....

مطاعم عربيه: ...علئ حسب ولايتج انا رحت تكساس هيوستن لقيت مطاعم لي الراس وبعض المحلات مكتوبه بالعربي وعرب واجد وفي واحد كان لابس دشداشه وغتره
ودنفر كولورادو فيها مطاعم عربيه واشنطن وكلفورنيا في مطاعم عربيه واجد وفلوردا ونيويورك وفي بكنساس هذا اللي رحت لهم ....

الاثاث :اما سالفة الاثاث لاتكثرون سرير وغنفتين وطاولة وتفي ومكتب دراسه وطاولة طعام عشان اذا انتقلتم لشقه او بيت او مكان ابعد عن مدنتكم تكون اغراضكم سهله وخفيفه

....

لاتنسين
: سجادتج ثوب صلاتج القران كتيب بالاذكار او الدعاء واشرطه قران مثل البقره تشغلينه اذا طالعه ولابتوبج معاج ترا القران بالبيت زين يطرد الشياطين انتي بغربه وماتدرين منو كان ساكن فيه قبلج القران بالبيت ضروري نصيحه مني انا لهيت بالعرس والتجهيز ونسيت اجيب سجاده وثوب وقران كرهت نفسي خاطري اقرا القران مرات بس ماعندي والابتوب يعور عيوني اذا دخلت الموقع وقرا حلاته يكون كل شي معاج
الحمدلله يوم رديت الكويت جيبت معاي كل شي والحمدلله ارتحت حيل

وجاونيه ابخر فيها البيت ومره ودوية الدوره مثل رشاد حلبه حبه بركه مردود وشغلات من الحريم حق الهو وتنظيف الرحم لاني اهملت نفسي حيل وعلينا برد وتاخرت بالحمل لانه الدم تجمع فجيبي ترا حيل بتحتاجينه وجيبي زعتر ومرمريه اذا تحبين الجاي بزعتر او مرميريه .....

واذا نفسي تحبين تحطين حنا وسدر جيبي معاج:D:D يازين ريحته الحنا تذكرني بامي:eh_s(2):

وغسول المنطقه الحساسه ترا موجود اهني ويهبل ....

والمكيااج :ترا اهني ارخص وموجود انا جبت السوق كله معاي وقعد مااستعملت اهني مايحطون الا قليل عملي ,,,,


واذا موطالبه ترا فيه تجمعات يسونها للنساء فقط ....توسعين صدرج من قعدت البيت ..


وجيبي كتب طبخ...تسلين نفسج فينهم لين تعرفين انجلش واشتري كتب طبخ بالانقلش
في قنوات تعلم الطبخ

اول ماتجين بتحسين بالغربه وصعوبتهاا وبعد سنه بتكون اسهل لاتحاتين بس نصيحه لاتضايقين نفسج ولا زوجج عيشي حياتج واستانسي والحين في فايبر وتانقو ببلاش كلمي اهلج جنهم قدامج





هذا اللي ذاكرته اذا تذكرت بعد بقولكم واي سؤال اسالوني ....

ترا تعبت وانا اكتب ردو او ارفعو الموضوع خلو الكل يستفيد ......




 

zainab.91

New member
إنضم
7 يونيو 2009
المشاركات
81
مستوى التفاعل
0
النقاط
0
الله يعطيج العافية ويهون عليج غربتج
 

xxx

عضوه موقوفة
إنضم
29 سبتمبر 2004
المشاركات
53,764
مستوى التفاعل
18
النقاط
0
العمر
43
الإقامة
♥بيــان♥
الموقع الالكتروني
www.q8yat.com
موضوع مفيد

يعطيج العافية

يستاهل التثبيت

:eh_s(15):
 

مشتطـه

New member
إنضم
13 سبتمبر 2009
المشاركات
8,205
مستوى التفاعل
0
النقاط
0
الإقامة
أستغفـر الله ^^
يعطيج العافيه يالغاليه

انا محتاجه كل هالمعلومات
انا بصرراحه مابي اشيل وياي قش وااايد
لان عندي 23 كيلو بس تخيلي
وزوجي 23
وطلبنا جنطة زياده 23 كيلو

ف ما اقدر اخم كل شي
قلت بشتري كل شي منهم

اكثر شي احاتيه الحف
شلون احف ويهي واااااااااااي


انزين بسألج عندهم نير ؟؟؟ بالجمعيات ؟
 
إنضم
9 يناير 2013
المشاركات
5
مستوى التفاعل
0
النقاط
0
الإقامة
فلسطين
يسلمو على الموضوع الروعه :)
انا من فلسطين وان شا الله لما اتزوج رح اسافر الامارات .. الله يعين الجميع على غربته
بس حابه اسأل بالنسبه للبراون لازالة الشعر والسشوار عادي اخدهم معي والا ما بمروا على المطار ؟؟؟؟؟
في ناس حكولي انه بياخدوهم أو بجمركوهم وانا اكيد ما بدي يصير معي مشاكل بسببهم
ياريت تفيدوني بهادا الموضوع خاصه المجربات السفر لأني بصراحه ما عمري سافرت :(
بدي اعرف اشتريهم من هون من فلسطين والا لأ ؟؟؟ خاصه انه بعد عرسي بأسبوعين ان شا الله رح اسافر
 

Bnt-USA

New member
إنضم
14 سبتمبر 2012
المشاركات
972
مستوى التفاعل
0
النقاط
0
الإقامة
USA - OR
ديري بال
ج لااااااااا تجبين لومي اسود ترا مصيبه يودونج بستين داهيه انتبهي....

انا جبت معاي لومي اسود وماش طلع ممنوع تجبين لومي اسود والماش قطو بزباله وخلو زوجي يوقع تعهد ويدفع غرامه ماليه 1000 دولار ....

انا خذيت معاي كل البهارات ولومي اسود كور ما قالولي شي !!
حتى غراش البهارات مغلفتهم بجرايد ! ما بطلوهم ولا شي !
مع ان دخلنا بتفتيش الاكل بس ما حسيت ان شكو فينا او شي !
 

عيون&الريم

New member
إنضم
3 نوفمبر 2010
المشاركات
583
مستوى التفاعل
1
النقاط
0
الإقامة
USA
يعطيج العافيه يالغاليه

انا محتاجه كل هالمعلومات
انا بصرراحه مابي اشيل وياي قش وااايد
لان عندي 23 كيلو بس تخيلي
وزوجي 23
وطلبنا جنطة زياده 23 كيلو

ف ما اقدر اخم كل شي
قلت بشتري كل شي منهم

اكثر شي احاتيه الحف
شلون احف ويهي واااااااااااي


انزين بسألج عندهم نير ؟؟؟ بالجمعيات ؟



اي عندهم نير ....
 

عيون&الريم

New member
إنضم
3 نوفمبر 2010
المشاركات
583
مستوى التفاعل
1
النقاط
0
الإقامة
USA
يسلمو على الموضوع الروعه :)
انا من فلسطين وان شا الله لما اتزوج رح اسافر الامارات .. الله يعين الجميع على غربته
بس حابه اسأل بالنسبه للبراون لازالة الشعر والسشوار عادي اخدهم معي والا ما بمروا على المطار ؟؟؟؟؟
في ناس حكولي انه بياخدوهم أو بجمركوهم وانا اكيد ما بدي يصير معي مشاكل بسببهم
ياريت تفيدوني بهادا الموضوع خاصه المجربات السفر لأني بصراحه ما عمري سافرت :(
بدي اعرف اشتريهم من هون من فلسطين والا لأ ؟؟؟ خاصه انه بعد عرسي بأسبوعين ان شا الله رح اسافر


اي عادي انا اخذت مكينه بروان واستشوار وماخذوهم

الله يهنيج ويتمم عليج فرحتج
 

عيون&الريم

New member
إنضم
3 نوفمبر 2010
المشاركات
583
مستوى التفاعل
1
النقاط
0
الإقامة
USA
ديري بال

انا خذيت معاي كل البهارات ولومي اسود كور ما قالولي شي !!
حتى غراش البهارات مغلفتهم بجرايد ! ما بطلوهم ولا شي !
مع ان دخلنا بتفتيش الاكل بس ما حسيت ان شكو فينا او شي !


انا البهارات ماخذو منها شي كلش ولا افتحوها بس اللومي هو اللي وهقنا

من اي مطار داشه
 

حبيبه ببي

New member
إنضم
6 مايو 2012
المشاركات
2,637
مستوى التفاعل
0
النقاط
0
بصراحه انا ماخذه شامبو 100 ملي وفوق وانابسافر امريكا ياخذونه ولا
 

عيون&الريم

New member
إنضم
3 نوفمبر 2010
المشاركات
583
مستوى التفاعل
1
النقاط
0
الإقامة
USA
بصراحه انا ماخذه شامبو 100 ملي وفوق وانابسافر امريكا ياخذونه ولا


اذا بجنطه اليد ممنوع اي شي فوق 100 مل سائل ممنوع بالطياره بس اذا داخل جنطه الشحن عادي تقدرين تاخذين اللي تبينه
 

غالية22

New member
إنضم
5 يوليو 2007
المشاركات
2,542
مستوى التفاعل
0
النقاط
0
السلام عليكم عندي استفسار بالنسبه للدراسه في بريطانيا