كل اللي مسوين خشومهم تعالوا

[فريـــــده]

صباح الخيرات

شلونكم شحالكم عساكم بخير

الحمدلله سويت عمليتي بالخشم <<
ويارب لا تخيب تعبي وجهدي ويطلع مثل ماابي

المهم
لي 4 ايام من سويتها وبديت اسجد في الصلاه عادي ؟!! لاني بصراحه ماادري ليش مانعين السجود وايش تأثيره عالعمليه ؟ << اسجد مو على خشمي لا بس شبه سجود يعني شوي واصقع بالارض

قولوا لي اكمل صلاتي على هالشكل والا ابطل مااسجد


ادعولي :yaaaaaarb:

 

[caramil]

نصيحتي التزمي بكلام الدكتور..المقصود بعدم السجود مو انج ماتحطين خشمج ع الارض
لا ...لازم ماتجندسين نهائياُ...( تجندسين = تخفضين مستوى الراس مسافه لي تحت )
ماتسوى عليج تعرضتي لبنج وشق وجرح و دم و دفعتي فلوس وبالنهايه ماتلتزمين بالتعليمات

وانا عن نفسي تميت شهرين ما اسجد او يمكن شهر ونص مو بس ما اسجد..ما كنت انزل راسي لي تحت
كلشششش الا بالضروره القصوى وبسرعه

والحمدلله ع السلامه

 

[فريـــــده]

وااااااااااااااء اجل جبت العيد وخرب خشمييييييييي
طيب وش ضرره ؟!!
خلاص ببطل اسجد .. اكون لحقت على عمري والا خلاص خربت؟!!!!!!!!!!

 

[wahaj]

لآااااااا يااآحلــوهـ لاتسجدين حرررام لاتخربين عمليتج

انا نفسج صارلي خمس ايام واصلي عادي اوقف واحط كرسي او ع حافة السرير اذا كنت بداري قعدي بس حركي جسمج شوي جدام يعني مو اكثر من زاوية ٤٥ اتمنئ فهمتيني >>> ادري لوعت جبدج بالشرح لوول

شووفي الدكتور قال ممنوع تنزلين راسج تحت اذا بتاخذين شي من الارض يعني نزلي وخلي راسج مرفوع وقال ان اول اسبوع طول الوقت رفعي راسج وانتي قاعده واذا نمتي مايصير ع مخده وحده لازم اكثرر عشان لايتورم حيل ويخف بسرعه

ادرري ازعجتج بقرقتي لوول بس واللع قلبي عليج نفس وضعي انتي حااسه فيج 

 

[غاده بنت وليد]

..~

ما علا قلبك شر

انتي سويتها عند الحارثى..
ولا وين؟؟

 

[فريـــــده]

مشكورين بنات بس خلاص فات الفوت وكملت سجود لان الدكتور قال اسجدي على راحتك بس خشمك لا يصك بالارض ... غاده يس سويتها عند الحارثي ب16750 وسوا زي مابي بس انا الهبلا ماطلبت ارنبه مرفوعه وباين علشان كذا بعد اسبوع من العمليه كان خشمي بطللللللل الحين مدري هي نزلت والا خشمي رجع زي ماكان والا هذي نوبات بعد العمليه من انتفاخ وتورم وقلة حيا .. ادعولي بليز مرررره بصيح

 

[غاده بنت وليد]

ههههههههه حلوه تورم وقله حياااااااااا

يالله يارب يطلع مثل ما تبين
طيب تنصحيني لروح له،،
يعني لو اقوله ابي كذا يوسيها نفسهااا،،

بس بم ان خشمك لسى وارم
تري ما راح يبااان ابدااااااااااا،،

ياربي يا ارنبه خشمي ابيها عنووووووووونووووووووو
الله كريم​

 

[بنوتة صلالة]

يابطه شنو تسجديين انا 15 يووم ماسجت تقريباا بعد 15 يووم اسجد بشوش مااسجد كامل

 

[غاده بنت وليد]

انا والله ما سجدت
الا بعد شهربن بالضبط..
يعني كنت متخوفه مررررررررره
الله يسهل للجميع​