كل شخص يلخص ما تعلمه من حياتة

[نعنوعة]

كل شخص يلخص ماتعلمه في حياته في نقاط حتى تفيد وتستفيد(ادخل بسرعه)


حبايبى اتمنى نتعاون ونساعد بعض وكل شخص يلخص اشياء تعلمها من تجاربه في الحياه... هذي فكره ممكن تفيد فيها غيرك
وتنوره ولو في شخص اخطئ لانكون هجوميين فردودنا... احنا بشر ولازم نغلط عشان نتعلم
لانه في اغلب المنتديات بقرأ ردود جارحه ويضيع الموضوع بدون فايده
-------------------

اللي تعلمته انا:

1-طبعا اهم نقطه عارفينها اشغل نفسك بطاعة الله والصلاه اهم شي وطاعه الوالدين ربنا يحميك من كل شي ويسهل امرك
2-اهتم بمستقبلك خلي هذا اساس حياتك لانه محد راح يفيدك او يوقف جنبك.
3-وثالث اهم نقطه لاتحاول تدخل نفسك في مشكلات غيرك او تحاول تصلح لانها راح تجي على راسك. خليك بعيد.
4-خليك مجاااااااااامل على قد ماتقدر ...الناس يحبوا يسمعوا كلمه مغلفه بالشوكولا والبومبوني عشان ياكلوها وتنهضم
5-السكوت يوصلك لبر الامان ...بعض الكلام ممكن يخلي القريب عدو ليك
6-سرك ملكك غير كذا حيستخدم ضدك
7-القريب شره اكثر من الغريب وهذي عن تجربه.
8-الصبر اييب نتيجة لو بعد مدة0

انشاء الله تستفيدون واللي بعدي يكمل000000

 

[روح مطير]

نفعك الله بما تعلمتي وزادك علماً وفيرا ً

انا تعلمت ان احتفقظت لنفسي بما تعملته <<< نذلة

هههههههههه

لا والله صج تعلمت اني اتعلم من اللي حولي واستفيد من تجاربهم قبل ان اقع بالمحظور <<< إكفينا شرج

وتعلمت إن التسرع في إتخاذ القرار ممكن يجعلني اندم وإن التأني والتفكير أخير لي واظمن لتحقيق ما اصبو إليه

تعلمت ان القلب متى ما كان ملكاً لصاحبة كان طريقة آمن وسالك <<< إبعدي والله

وتعلمت ان الحب ضروري حتى نرا بوضوح ونحسن التعامل مع الناس بطريقة تجلعنا نأخذ حيزاً في قلوبهم



ويسلمو يالغلا ع الموضوع الطيب كتبت ردي على عجالة لي عودة إن شاء الله

 

[atooma]

مشكورة

 

[انا والدنيا]

مرحبا
يا كثر ما نتعلم من الحياة دروس يقولون الي ما يعرف تعلمها الدنيا
الصراحه انا تعلمت انه لا تحب احد اكثر من نفسك ولا تفضل احد على نفسك
تعلمت وللاسف ان الحياة ما تمشي غير بالمجامله لازم تجامل كل الناس وتبدي شي مو في نفسك على شان يرضون عنك
تعلمت انه مهما كان الشخص منك قريب لا تخبره بشي فيه مصلحه لك الى ان تتم مصلحتك لان عينه قد تصيبك مهما كان يحبك
تعلمت انه لا تعطي كل شي دع شي لنفسك انفع نفسك قبل الكل (وكل هذا عن تجربه )

 

[مهاوي البحرين]

انا تعلمت والحين قاعده اطبق هالقاعده

1- عامل كما تعامل

 

[مزاجية حدي]

سلمت ايديكم وخصوصا بنت العم روح امطير

 

[MISS GUCCI]

اي والله عامل كما تعامل هذا احسن شيــــــــــــ

 

[حرم عبدالله]

كلامكم كله حكم .....

وانا احب اقول اني تعلمت

#اني ما اتسرع ولا اعطي احد اكثر من قدره لان نادر نادر اللي يستاهل ....

#وسري احتفظ فيه لنفسي ومااثق في احد وسري ماقوله غير حق (أميمتــــــــــي وأختــــــــــــي)

 

[!!الشوق ذباح!!]

#وسري احتفظ فيه لنفسي ومااثق في احد وسري ماقوله غير حق (أميمتــــــــــي وأختــــــــــــي)

الصراحه صاجه حرام عبدالله بهذى النقطه ..........لان هذى الدنيا فى قلة من الاصدقاء اللى يكون فى محل ثقة ........... اهم شى عندى الثقه لانى عانيت فيها وايد؟؟؟؟؟؟

 

[هوى الدار]

موضوع رائع
*تعلمت ان الله حق وان الانسان مهما كبر يظل صغير واضعف مما يتصور
* تعلمت ان ما اعطي اي احد اكبر من حجمه الا بعد ما عرفه عدل
* مهما كنت طيب وقلبك ابيض في ناس يشوفونك اخبث مخلوق على وجه الارض
*اعمل معروف وارمه بالبحر لا تنطر الرد لان ممكن تنصدم
*توقع الغير متوقع بهالدنيا
*ان اعطي لنفسي الاولويه وما اظلمها علشان اجامل غيري

شكثر شغلات تعلمتها بس هذا المختصر والي اتذكره الحين

 

[MISS^^CHANEL]

ويييييييييييييييييييييييييييه ياكثر مانقول تعلمنا وبالمواقف ننسى اللي تعلمناه

انا تعلمت وايد اشياء
1-تبين تسوين شي لاتعتمدين على احد سويه بنفسج ولا منة احد

2-لاتثقين باحد اكثر من 30% سواء بنتا و ريال

3- (قرصه) البنت للبنت تذبح اكثر من (قرصه) الولد للبنت لان كل اسرارج عندها

4- الريال يوقف مع البنت بالمواقف احسن من البنات مع البنات

5- لاتعطين سرج لاحد اببببببببببببببببببببببببببببببببد كلش كلش لاختج الكبيره و( بس)

5 - اذا صرتي طيبه ضاع حقج واذا صرتي ملسونه ونسره اخذتي حقج كامل

6 - لاتزعلين اهلج علشان منو ماكان لان مردج حق اهلج لو شنو سواج الغير (يادهينه لاتنكتين )

7-القريب اهو اللي يتحجى ويفضح فيج لان الغريب مايدري عن اخبارج وعلومج

8-سوي بدنياج بس علشان تالي تنقال كلمه ( اي والله الله يذكرها بالخير):27d66a9c24b146327bf

9- حبي الناس بيحبونج :eh_s(17):

10-اذا بخاطرج شي بتقولينه وخايفه يزعلون اللي جدامج قوليه بغشمره بيسمعون وجهه نظرج وبدون لا يزعلون:fun22:

11- حبي نفسج لان الزمن صار اللهم نفسي وبس :jumpon:

12-سمعي اكثر مما تسولفين علشان لاتصيرلج سوالف

13-عاملي الناس مثل مايعاملونج

14-غلي نفسج تصيرين غاليه , ترخصين نفسج تصيرين رخيصه

ادري قرقت بس الدنيا وااااايد علمتني شغلات واكبر شغله تعلمي ماتغلطين نفس الغلط مرتين تعلمي من الغلط اللي تغلطينه ولاتسوين شي تتحسفين عليه وان سويتي شي وتحسين انج تحسفتي قولي هذا درس علشان مره ثانيه ما اسوي جذي

وقلللللللللللللللللللللللللللبج لاترخصينه حق احد ابدااااااا لان عندج قلب واحد بس خليه للي يستاهل حبه مو سبيل :fun:

عمري 24 بس الدنيه شبعت تلطم فيني

 

[طوق البنفسج]

تعلمت احسن الظن بالناس .. و التمس لهم العذر .. "التمس الاخيك سبعين عذر و عذر "

تعلمت اني ما ادخل بشؤون الناس ..

تعلمت اني الحق احلامي و امنياتي و احققها و ابذل كل الي بوسعي بسبيلها .. عشان ما اي يوم و اندم اني ما بذلت اقصى شي عندي ..

تعلمت اني ما اندم على شيئ الا ذنوبي الي بحق ربي .. و اي شي غيرها اعتبره درس و تجربه اتفيدني بحياتي ..

تعلمت انه اصفي نيتي مع الناس عشان ربي يوفقني " انما الاعمال بالنيات و لكل امرا مانوى"

تعلمت انه اهلي اهم شي بالدنيا و محد يسد مكانهم ..

تعلمت انه يكون لي راي و كلمه .. و اني ما اتنازل عن قيمي و مبادئي عشان ارضي الناس

تعلمت انه الكويت ماتساويها بلد ..

و تعلمت انه كويتيات احلى المنتديات .. و صحبه البنات الي فيه تنشرى بالملاين

وتعلمت من هالموضوع .. اني تعلمت اكثر مما اتوقع

 

[eastfem]

تعلمت من الحياة
اني اكون مثل البحر ..
قادره استوعب اسرار البشر
لكن .. ما أعطي سري لأحد ..

__________

تعلمت ان الحياة ماتعطي الانسان كل شي بهالدنيا واذا خذت منه شي لابد الله يعوضه بشيء افضل بس لازم على المؤمن انه ماييأس من رحمة ربه ويكون متفائل على طول

__________

تعلمت من الحياة اني اكون ماسكه ارضي عشان مايكون في مجال اطيح ..
في حال طحت وعرفت اني برد واقوم
راح اطيح وانا مبتسمه
وراح انهزم وانا مبتسمه
وراح استسلم وانا مبتسمه

ــــــــــــــــــــــــ

 

[حبيبه حمد]

الاشياء اللي تعلمتها

1- ابتعد عن تصديق كل ما ينقال لي وانغر باللي جدامي
2- امشي على نيتي
3- الصببببببببببببببببببببببببر وايد وايد تعلمته
4- المواجهه اذا في شي سمعته او حسيته اواجه ما اسكت احس بالمواجهه قوه


مشكوره حبيبتي وصج يستاهل التثبيت

 

[ميرا ميرال]

شفت اشياء ما احد يصدقها وربي وما راح يكفيها المنتدى

لكن تاكدو اني ما استفدت اي شي :eh_s(6):

ولا تعلمت ارجع...
واصدق ...
واثق....
واحب...
...الخ


علم بالمتبلم يصبح ناسي

وكافي صدمه

وش الحل ؟؟؟؟؟

 

[بنت الكوت]

تعلمت أني أنسى وأتناسى وأقول في كل يوم جديد الله كريم

 

[عصامية]

تعلمت من هذه الدنيا أنك... لا تجربين شي تعرفين عواقبه

 

[عصامية]

كما تعلمت .. لا تبدي رأيك طالما لم يطلب منك .
و تعلمت .. أن كثرة السؤال في أشياء لا تخصك تنفر الناس منك .
و تعلمت ... الشكوى لغير الله .. مذلة

 

[زوجي غرامي]

ماهمني زماني لو كشر لي انيابه:eh_s(14):الله يخلي لدمعاتي مناديلي

 

[عذوب الشلاحي]

تعلمت ان الفرح ماايدووووووووم.....مثل الحزن....​