كل شي عن أختبار القدرات ؟؟؟؟ مهم جدا

[لذة شقاوه]

السلام عليكم و رحمة الله و بركاته
انا في بنات شكثرررر يسألون عن امتحان القدرات

فقلت احط الاجابه اهني عشان افيدكم بعد

اللي لاااااازم تعرفينه اول شي انه امتحان القدرات اهو امتحان بدونه تكون فرصتج في دخولج الجامعة 0.001 % اذا كنتي جايبه بالثانوي 100 %

لأن حق قبول الجامعة ياخذون 65 % من نسبة الثنوي و 35% من نسبة القدرات اللي راح يدخلون كليات علميه مثل طب بانواعه و صيدله و العلوم و تربيه ( تخصصات علميه ) و هندسه و علوم اداريه

بالنسبة حق طلبة العلمي يكون الامتحان في 3 مواد انجليزي ورياضيات و كيمياء بس مو شرط تاخذهم كلهم على حسب التخصص الي تبيه

بالنسبة حق مدةالامتحان فتكون ساعة لكل مادة لكنها مو كافية الا بامتحان الكيمياء



امتحان الانجليزي يكون 85 سؤال



الرياضيات 20 سؤال بس حيل صعبين و يبيلهم حل طويل و فكرراقي

الكيمياء 25 سؤال سهلين ( تقديرا لأول امتحان هذي السنة)


الامتحان انتي و حظج مرات تجي الأسئلة من المذكرة بالضبط و مرات تجي شقاقية محد يدري

و الأسئلة تكون عامة في هذي المناهج مووو شرط انهم يسألونج في اللي ماخذته بالمدرسة


* و الاسئلة كلها اجبارية لكنها اختيار من متعدد ( يعني كلللها اخيااااااااري )

اذا دشيتي الامتحان يعطونج نوته مدبسه اللي اهي الامتحان + ورقة

الاجابه عن الاسئلة و اللي يكونون طابعين فيها اسمج و بياناتج

و تلقون نموذج لها موجود بالكتاب اللي خذيته بيوم التسجيل اللي تدرسين منه للامتحان


* المستندات المطلوبة:


البطاقة المدنية الأصلية أو بطاقة الطالب الجامعي


صورة شخصية حديثة (4×6) مالت الجواز


مبلغ و قدره خمسة 5 د.ك لكلإختبار يعني لكل ماده 5 (و اذا المواد كلهم ثلاثتهم تبينهم بـ 15)


عشرة 10 د.ك لكل إختبار للتسجيل المتأخر



الامتحان مو سهل يعني لازم تدرسيله عدل وبالنسبة للكيميا والرياضيات اغلب الاسئلة من منهج 12 و الانقلش طويل وصعب شوي ... نصيحة تدربوا على نماذج اذا لقيتوا وطريقة كتابةاسمج والبيانات حتى لا يروح الوقت بكتابة الاسم :

وقدموا على اكثرمن اختبار لأنهم راح ياخذون الدرجة الاحسن لج. ولا تتهاونين فيه لأنج اذا ما جبتي درجة زينة راح تنخفس نسبتج بالثانوية حتى لو كانت زينة لأن مثل ما تعرفين ياخذونا لمعدل المكافئ للقبول بالكليات.



و اذا تبون النوته اللي تذاكرون منها عندكم طريقتين بس مالهم ثالث


* الطريقة الاولى هي انكم تروحين جامعة الكويت (الشويخ ) و تروحون عند قسم التسجيل ( المبنى اللي علية شعار شركة الاتصالات زين ) ولما تدخلون تسألونهم عن مذكرة أسئلة امتحان القدرات ( فيها كل أسئلة الامتحانات الثلاثة انجليزي و رياضيات و كيمياء)



بس لازم تروحون هناك بأسرع وقت لان الكمية محدودة و المذكرة هذي توزع ببلاش يعنيfree :rerrerek:



* الطريقة الثانية هي انكم تدخلون الدورات اللي تسويها جامعة الكويت حق امتحان القدرات



اتمنى اني عطيتكم معلومات مفيده ..... و مرةثانية اكرر اهم شي المذكرة مالت الأسئلة



و ترى ما فيه فرق بالمذكرة


خضرا حمرا صفرا بنفسجية فسفوري:lolo: ....لان اللون حاطينة بس غلاف يختلف من سنه الى سنه ثانية



اما المسائل اللي في المذكرة هي نفس الأسئلة مالت السنة اللي فاتت و اللي قبلها واللي قبلها



و بالنسبه للكليات اللي تحتاج اختبار قدرات بجميع المواد اهي اللي كتبتها فوووق بس العلوم الاداريه تبي انقلش و رياضيات بس


اما الكليات الادبيه (التربيه ^ تخصصات ادبيه ^ - الشريعه – الاداب – العلوم الاجتماعيه ) تحتاج بس امتحان انقلش


و بالنسبه اذا سقطتي باختبار القدرات لا قدر الله تاخذين تمهيدي فيه اول كورس بس بالكليات الادبيه و العلوم الادرايه و العلوم اما الكليات العلميه الثانيه انسي لانها محتاجه نسبه عاااااااليه و اكيد ما تقبل فيج دامج فشلتي بالقدرات



و نصيييييييييييييحه مني لكم اختبار القدرات حراااام لااا يتطووووووووف لان اذا سقطتي فيه بتندمين على كل لحظه ما قدمتي فيها القدرات نفس اغلب البنات اللي اشووفهم الله يعينهم ..


و حاولي كثرررر ما تقدرين تاخذينه اكثر من مره احسن عشان كل ما تكون درجتج عاليه كل ما تكونين مرتااااحه نفسيتج و اهم شي تضمنين دخولج للكليه اللي تبينها بدون تمهيدي و ملاقه خصوصا للي بيوون كليات علميه


و اذا تبين تعرفين درجتج بالامتحان و النتيجه

http://cmtd.kuniv.edu.kw/



و هاذي العماده فيها كل شي عن نظام التسجيل الجديد بالجامعه و نسب القبول و كل شي


http://reg.kuniv.edu.kw/



و شدوا حيلكم بالامتحاناتو موفين خير :eh_s(8):




بس لا تنسوون بدعواتكم لي بالتوفيق و الفلاح و التيسير و بالدنيا و الاخره << مثل ما ساعدتكم سآعدوني بالدعاء

منقول للامانه ودعواتكم لي اني اييب نسبه حلوه واي سؤال بتسؤولنه سؤلوا لا تستحون

 

[Dlol elhbla]

يعطيج العافيه و عسى الله يوفقج و تييبين النسبه =) ​

 

[Dlol elhbla]

و يشرفني اني اكون اول وحده ترد ع موضوعج =)

 

[قمر ونجمه]

يعطيج العافيه ما قصرتي ...~

 

[ماكنتووشه]

حيااااتي مشكووره ما قصرتي
والله يوفقج ويرزقج من خير الدنيا والاخره
بس حبيبتي بغيت اسالج انا عندي النوته مالت 2010 هل نفس المحتوى والاسئله ولا تختلف ؟؟
وانا الحين رايحه 11 علمي ما تدرين متا موعد اول اختبار ؟؟
وجزااج الله الف خير

 

[al_sheikha]

مشكووورة حبيبتي

ونصيحه لكل البناات ب١١ و ١٢

يقدموون كل امتحاان قدراات لا يندمون مثلي
لاني قدمته مرره وحده وسقطت فيه ومااقبلوني بالجامعه لو اني نااجحه يمكن قبلوني

والحين انطرر الكورس الثااني لاني بقدم امتحان قدراات


بغيت اساألكم بنااات تدرون متاا امتحاان القدراات ؟؟؟ *

 

[abo0ra]

بصراحه الموضوع وايد حلو و مفيد
بس بغيت استفسر عن شي
انا جني سمعت انه كليه طب مساعد ما يحتاج لها قدرات
صج و لا لا ؟
انزين اذا كانت تحتاج شنو المواد اللي تحتاجهم

 

[7lawah]

يعطيج آلف عآفيه ، و مآ قصرتي ..

و أنا بصرآحة تحسفت حييل و ندمت إني مآ قدمت آلقدرآت بـ 11 ..

بس إن شآء آلله آقدم هآلسنة ، .

و آلله يوفقج إن شآء آلله دنيآ و آخره ، و ييسر آمرج و تآخذين آلنسبة آللي ترفعين رآس آهلج فيهآ ..

جزآج آلجنة


’

 

[lolo_88]

مشكوورة حبيبتي

موفقه

 

[اموووله96]

انشااء تخرجين و تجيبين نسبه ترفع الراس و نلحقج :d

 

[ورده حنونه]

موفقه يارب

 

[مـنـو قـدي]

مشكوره والله يرزقج بلي تبينه ..
​

 

[Prience]

جزاج الله خير

 

[لذة شقاوه]

ماكنتوشه والله مادري بس اتوقع نفسها وموعد الامتحان القدرات اكتبي بقوقل موعد امتحان قدرات جامعة الكويت

 

[لذة شقاوه]

دلول حياتي انا بعد اتشرف انج رديتي اول وحده عالموضوع

 

[لذة شقاوه]

التسجيل يتم في صالة القبول والتسجيل بمبنى الجامعه بشويخ ..

و لازم يكون معاك :

= البطاقة المدنية الاصليه


= رسم الاختبار ( يعني فلوس يكون معاك 5 دنانير لكل امتحان بالنسبه للتسجيل العادي اما المتأخر لازم يكون معاك 10 دنانير لكل ماده )



= صوره شخصيه ملونه (4×6)


= ولي امرك يقدر يسجلك


= ما راح يسجلونك اذا خلص الموعد للتسجيل ( ترا زحمه الحق على عمرك و سجل مبجر )



= فلوسك ما تنرد لك حتى لو ما قدمت الاختبار ^^



= كل امتحان مدته بس ساعه يعطونك مثل مذكره فيها 3 الوان ابيض و ازرق واصفر ... اول فصل الابيض هذا امتحان الانجليزي تمتحنه بساعه و الانجليزي الامتحان ينقسم ل قواعد و كلمات و 3 فقرات و عليهااسئله و الازرق رياضيات ما يصير تفتح على الرياضيات حتى لو خلصت الانجليزي مبجر و ما يصير ترد على الانجليزي اذا خلص الوقت .. و الاخير كيميا ^^





= الامتحان انت تختار اللغه عربي او انجليزي لما تروح تعبي اسمارة التسجيل ..^^
( نصيحه اطبع الاستماره هاذي واكتب عليها وروح قدمها لهم لانه زحمه ويالله تخلص عمرك ^^)


وهاذي الاستماره

http://cmtd.kuniv.edu.kw/






= الامتحان تقدر تقدمه اكثر من مره و ياخذون اعلى درجه يبتها





= نصيحه يا حادي عشر اخذوا كل الفرص ترا غيركم وااايد ندموا كلمت جم طالب وطالبه قدموا بس 12 وما يابوا زين يقولون ليتنا خذينا 11






= بالنسبه للامتحانات المدرسيه لا تخافون في قرار من الوزاره انه امتحان القدرات لازم ما يكون قبل امتحان مدرسه رسمي (( اما القصيره ما ادري اتوقع ما يشملها القرار ^^





= الامتحانات تصير بكلية الشريعه او الاداب او الهندسه ^^ .. يعني لو تبي تسجل مع رفيجك خل واحد منكم يسجل للثاني لانهم يطشرونكم ^^





= بالرياضيات ممنوع استخدام اله حاسبه بالكيميا عادي و الموبايلات مسموحه بس تطفيه لما تدخل الامتحان





= يكون معاك قلم رصاص HB أو رقم 2 و برايه ومحايه و ممنوع الحبر السائل او الجاف بكل الوانه





= لما تروح صالة الامتحان لازم تكون هناك الساعه 8.30 عقبها ما راح يدخلون الامتحان يبدي الساعه 9 و يخلص الساعه 12 ..







= الامتحان يصلحه الكمبيوتر فلما تجاوب بورقة الاجابات ( راح يعطونك مذكرة الامتحان و ورقة الاجابات تجاوب بالورقه مو بالمذكره المذكره راح تنقط بس الورقه تدخل بالكمبيوتر ) لازم تغمج الدوائر و تلونها تلوين كامل مثل الصوره



طرق الدراسه للقدرات :




من خلال محادثاتي مع جم طالبه وطالب من الجامعه عن شلون نجحوا بالقدرات في طرق عديده صراحه
وبحطها لكم


1) الدورات اللي تقدمها الجامعه و هي دورات انجليزي و رياضيات و كيميا .. يقولون الرياضيات الدوره ما تفيد واايد والكميا يقولون تضمن لك فوق ال90 انشالله والانجليزي يعطونك الكلمات اللي ممكن تدش بالامتحان ^^ كل دوره مدتها 5 ايام .. بالنسبه للرسوم والجدول بحاول ايبهم انشالله ^^





2) في بعض الطلاب اعتمدوا على مدرسين خصوصين خاصه بالرياضيات ..

و هذا موقع تشكر عليه M.M.M لانها دلتني عليه لارقام مدرسين يدرسون قدرات ^^

http://www.q8tutors.com/modareseen-math.php


3) هاذي الطريقة واايد ناس استعملوها خاصه للكيميا راحوا يابوا الكتب القديمه ودرسوا منها


وبالنسبه للي بيدرسون الكيميا من الكتب نطروا ردي بالنسبه لتلاخيص الكيميا بعطيكم تقسيمه حلوه ^^




وبجذي اخلص او جزء من القدرات و اللي ما يعرفون شنو القدرات ^^ هذا الموضوع مفتوح اللي عنده شي يا ريت يضيفه للقدرات .. اي سؤال بالنسبه للقدرات لا تترددون .. ^^ وانشالله بنحاول نفيدكم ^^


و انا ما ابي شي من هالموضوع الا تدعولي ^^ و تدعون لكل واحد راح يضيف معلومه بهالموضوع ^^


منقول للأمانه

 

[لذة شقاوه]

ومشكوورات بنات على دعواتكم الحلوه واتمنى اني فدتكم

والطب المساعد والله مادري عنه

 

[عسوله زوغه]

حياتي جم نسبة قبول جامعه الكويت ><يعني لو بغيت اصير مدرسه بس بالجامعه ><؟؟

 

[ya al3rosa]

انزين حبوبة بس حبيت اسالج امتحان القدرااات كلة اختيااارى كللة كل المواااد اختيارى ولا لا

 

[nicegirl94]

مشكورة و يعطيج العافيه الله يوفقج و تييبين النسبة اللي ترفع الراس و تدخلج الكلية اللي تبينها