اليوم قررت ان اعيش معاكم عالم من خيالي ... عالم القصص ... انا لا استطيع تقييم نفسي واترك التقييم لكم بعد قرائة اول جزء لي اضعه هنا بين ايديكم في منتداي الغالي منتدي كويتيات*
نبدأ باسم الله بأول جزء ...
من قصتي ....
(((((كل شي له نهايه الا...انت)))))))
*سارا بنت عمرها سبعتعش سنه انسانه *ملامحها*عاديه جدا ...حنطاوية وقصيرره عيونها صغار وخشمها طويل ولكن فيها ملح وقبله وسماحة وجه .. مو متفوقه بدراستها لكنها تضغط على نفسها بس عشان تنجح من ثالثة ثانوي علمي ...*
سارا وحيدة امها من الخوات ماعندها خوات ... عندها اخو واحد اسمه علي وعمره 24*
علي حلو ماشاءالله طويل وعريض شكله اكبر حيل من عمره ويشتغل مدرس العاب ..بس علي في طبع وهو النفسيه والعصبية ...حيل شديد وجاف بالتعامل مع اخته ..
ابو سارا توفى وهي عمرها شهور بحادث سيارة الله يرحمه .. و امها حيل حنونه وطيبه وتنحط ع الجرح يبرا..وتحب عيالها لدرجة لاتوصف وعيالها يحبونها حيل ولو بس تقول اه يركضون لها يدورون رضاها ...
تعيش سارا واخوها علي وامها وضحة ام علي في بيت بسيط جدا ..عباره عن دور ارضي وحوش عربي ..واثاث ناعم وبسيط ...
هذي نبذه بسيطه وسريعه عن حياة سارا .. * والحين ندخل بتفاصيل حياة هالانسانه لنعيش معاها كل لحظه بحياتها وكل تجربه حلوة ومرة عاشت فيها .. ونتعمق اكثر بتفاصيلها ونعرف اكثر عن شخصيتها وعالمها الخاص ...
الام قاعده ع الغنفه وعباتها يمها *: ساراااا سارراااااا
تجي سارا وهي تلف ملفعها : هلا يمه كاني جيت ..يمه ضروري كل خميس نروح ؟؟ترا والله مليت بقعد بالبيت*
الام توقف تلبس عباتها :تقعدين بالبيت بروحج شتسوين ...اقول امشي لايروح علي ويخلينا (وتنادي الخدامه وهي ماشية طالعه من الباب ). يالله ياسوما جيبي جنطة الشاي والقهوه وتعالي للسياره بسرعه*
تركب الام قدام وتركب سارا وسوما بالسياره من ورا ..*
سارا بملل :يمه والله زهقه هناك*
الام :يمج انا اخاف اخليج بروحج ..وهناك بنات خالج اونسلج*
سارا وفيها البجيه :جان خليتيني انا وسوما بالبيت
علي بعصبية :خلاص عاد ..بسج حنه ..رحتي وخلصتي سكري حلجج ..في وحده ماتحب تروح بيت خالها*
سارا بينها وبين نفسها واهي تعض اسنانها :اي انا*
وصلو عند بيت الخال ...
الام : يمه سارون .. قولي لخالتج لطيفه تطلع*
سارا وهي نازله : ان شاءالله*
قعدت سارا مع بنات خالها وراحت لطيفه اخت ام سارا للطبيب يزورون امهم .. اللي لها سنتين بغيبوبه .
لطيفة خالة سارا عمرها 33 سنه مدرسة علوم ابتدائي ماكتبلها الله الزواج وتعيش في بيت ابوها المتوفي هي وامها قبل تطيح بالمستشفى واخوها راشد ابو دانه .. مطلق مرته المصريه وما تزوج عقب ماطلقها *.. عنده خمس بنات واربع صبيان (((( دانه 16 سنه ..... عبير 14 سنه ..... نورة 13 سنه.... غانم 10 سنين *.... فاطمة *ثمان سنين ... ....راضي سبع سنين ...اسماء6سنوات .. والتوم حسين و محسن خمس سنين .. ))) واللي تشرف عليهم عمتهم لطيفه ..
دانه *بنت خال سارا16 سنه : اقول سارون تعرفين دلال فهد اللي برابعه ادبي*
سارا بدون نفس : لا مااعرف بنات رابعه*
دانه بدهشه :في احد مايعرفها*
سارا: اي واجد اللي اسمهم دلال*
دانه : ههههه هذي اللي اقولج عنها البويه اللي كل المدرسه متحطمه فيها*
سارا : اي عرفتها شفيها*
دانه : فصلوها ثلاث ايام*
سارا : ليش
دانه : صايدينها تشرب زقاير بالحمام*
سارا رافعه حواجبها بدهشه : امبييييه هذي من صجها ؟؟؟ الحمدلله والشكر الله يشافيها مو صاحيه*
دانه : اي والله اللهم لاشماته*
وتقعد سارون تقرق مع دانو بنت خالها عن احداث المدرسه والبنات والابلات وووو
وصار بالليل وطلبو عشا من كنتاكي ...
اقول سارون تكفين تكفين نامي عندنا اليوم*
*سارا وهي تلبس عباتها : لامستحييييل انام ... انتي امشي نامي عندنا .. اخوانج مزعجين وانا متعوده ع الهدوء
دانه بنص عين : اقول طيري زين ياام الهدوء
سارا : لا والله مقدر علي واجبات وامتحان فيزيا الاحد
دانه: الله يوفقج .. روحي طق هرن المعلم لايروح ويخليج*
يوم الجمعه من شهر 11
10 صباحا*
تمشي سارا وبيدها صينية الريوق .. رايحه صوب امها واخوها باحد اركان الحوش ويمهم قفص الطيور الاخظر الكبير المليان بكل انواع الطيور...
سارا وهي تحط الصينيه قدامهم وتبتسم : انا بفهم شلون تسولفون بهالازعاج*
علي يسكر الجريده ويطالعها بطرف عين : صبيلي شاي*
سارا : ان شاءالله*
علي يعدل قعدته ويحط الجريده يمه : بعدين هذا يسمونه تغريد بلابل مو ازعاج
سارا تمد الكوب : ادري بس ازعاج
الام بابتسامه : تريقو تريقو*
يروح علي لصلاة الجمعه وتدش الام للمطبخ تسوي الغدا وتروح سارا تاخذ جنطة المدرسه وتفرش كتبها بدار التلفزيون وتقعد تحل بهالواجبات وتسمع خطبة الجمعه ...*
يدش علي عقب الصلاة*
علي :قومي شيلي كتبج وروحي للمطبخ عند امي جيبي الغدا*
سارا : سوما معاها*
علي بعصبيه : قلتلج قووومي*
سارا : اف زين
نبدأ باسم الله بأول جزء ...
من قصتي ....
(((((كل شي له نهايه الا...انت)))))))
*سارا بنت عمرها سبعتعش سنه انسانه *ملامحها*عاديه جدا ...حنطاوية وقصيرره عيونها صغار وخشمها طويل ولكن فيها ملح وقبله وسماحة وجه .. مو متفوقه بدراستها لكنها تضغط على نفسها بس عشان تنجح من ثالثة ثانوي علمي ...*
سارا وحيدة امها من الخوات ماعندها خوات ... عندها اخو واحد اسمه علي وعمره 24*
علي حلو ماشاءالله طويل وعريض شكله اكبر حيل من عمره ويشتغل مدرس العاب ..بس علي في طبع وهو النفسيه والعصبية ...حيل شديد وجاف بالتعامل مع اخته ..
ابو سارا توفى وهي عمرها شهور بحادث سيارة الله يرحمه .. و امها حيل حنونه وطيبه وتنحط ع الجرح يبرا..وتحب عيالها لدرجة لاتوصف وعيالها يحبونها حيل ولو بس تقول اه يركضون لها يدورون رضاها ...
تعيش سارا واخوها علي وامها وضحة ام علي في بيت بسيط جدا ..عباره عن دور ارضي وحوش عربي ..واثاث ناعم وبسيط ...
هذي نبذه بسيطه وسريعه عن حياة سارا .. * والحين ندخل بتفاصيل حياة هالانسانه لنعيش معاها كل لحظه بحياتها وكل تجربه حلوة ومرة عاشت فيها .. ونتعمق اكثر بتفاصيلها ونعرف اكثر عن شخصيتها وعالمها الخاص ...
الام قاعده ع الغنفه وعباتها يمها *: ساراااا سارراااااا
تجي سارا وهي تلف ملفعها : هلا يمه كاني جيت ..يمه ضروري كل خميس نروح ؟؟ترا والله مليت بقعد بالبيت*
الام توقف تلبس عباتها :تقعدين بالبيت بروحج شتسوين ...اقول امشي لايروح علي ويخلينا (وتنادي الخدامه وهي ماشية طالعه من الباب ). يالله ياسوما جيبي جنطة الشاي والقهوه وتعالي للسياره بسرعه*
تركب الام قدام وتركب سارا وسوما بالسياره من ورا ..*
سارا بملل :يمه والله زهقه هناك*
الام :يمج انا اخاف اخليج بروحج ..وهناك بنات خالج اونسلج*
سارا وفيها البجيه :جان خليتيني انا وسوما بالبيت
علي بعصبية :خلاص عاد ..بسج حنه ..رحتي وخلصتي سكري حلجج ..في وحده ماتحب تروح بيت خالها*
سارا بينها وبين نفسها واهي تعض اسنانها :اي انا*
وصلو عند بيت الخال ...
الام : يمه سارون .. قولي لخالتج لطيفه تطلع*
سارا وهي نازله : ان شاءالله*
قعدت سارا مع بنات خالها وراحت لطيفه اخت ام سارا للطبيب يزورون امهم .. اللي لها سنتين بغيبوبه .
لطيفة خالة سارا عمرها 33 سنه مدرسة علوم ابتدائي ماكتبلها الله الزواج وتعيش في بيت ابوها المتوفي هي وامها قبل تطيح بالمستشفى واخوها راشد ابو دانه .. مطلق مرته المصريه وما تزوج عقب ماطلقها *.. عنده خمس بنات واربع صبيان (((( دانه 16 سنه ..... عبير 14 سنه ..... نورة 13 سنه.... غانم 10 سنين *.... فاطمة *ثمان سنين ... ....راضي سبع سنين ...اسماء6سنوات .. والتوم حسين و محسن خمس سنين .. ))) واللي تشرف عليهم عمتهم لطيفه ..
دانه *بنت خال سارا16 سنه : اقول سارون تعرفين دلال فهد اللي برابعه ادبي*
سارا بدون نفس : لا مااعرف بنات رابعه*
دانه بدهشه :في احد مايعرفها*
سارا: اي واجد اللي اسمهم دلال*
دانه : ههههه هذي اللي اقولج عنها البويه اللي كل المدرسه متحطمه فيها*
سارا : اي عرفتها شفيها*
دانه : فصلوها ثلاث ايام*
سارا : ليش
دانه : صايدينها تشرب زقاير بالحمام*
سارا رافعه حواجبها بدهشه : امبييييه هذي من صجها ؟؟؟ الحمدلله والشكر الله يشافيها مو صاحيه*
دانه : اي والله اللهم لاشماته*
وتقعد سارون تقرق مع دانو بنت خالها عن احداث المدرسه والبنات والابلات وووو
وصار بالليل وطلبو عشا من كنتاكي ...
اقول سارون تكفين تكفين نامي عندنا اليوم*
*سارا وهي تلبس عباتها : لامستحييييل انام ... انتي امشي نامي عندنا .. اخوانج مزعجين وانا متعوده ع الهدوء
دانه بنص عين : اقول طيري زين ياام الهدوء
سارا : لا والله مقدر علي واجبات وامتحان فيزيا الاحد
دانه: الله يوفقج .. روحي طق هرن المعلم لايروح ويخليج*
يوم الجمعه من شهر 11
10 صباحا*
تمشي سارا وبيدها صينية الريوق .. رايحه صوب امها واخوها باحد اركان الحوش ويمهم قفص الطيور الاخظر الكبير المليان بكل انواع الطيور...
سارا وهي تحط الصينيه قدامهم وتبتسم : انا بفهم شلون تسولفون بهالازعاج*
علي يسكر الجريده ويطالعها بطرف عين : صبيلي شاي*
سارا : ان شاءالله*
علي يعدل قعدته ويحط الجريده يمه : بعدين هذا يسمونه تغريد بلابل مو ازعاج
سارا تمد الكوب : ادري بس ازعاج
الام بابتسامه : تريقو تريقو*
يروح علي لصلاة الجمعه وتدش الام للمطبخ تسوي الغدا وتروح سارا تاخذ جنطة المدرسه وتفرش كتبها بدار التلفزيون وتقعد تحل بهالواجبات وتسمع خطبة الجمعه ...*
يدش علي عقب الصلاة*
علي :قومي شيلي كتبج وروحي للمطبخ عند امي جيبي الغدا*
سارا : سوما معاها*
علي بعصبيه : قلتلج قووومي*
سارا : اف زين
