كل شي يخص التوظيف بجامعة الكويت ;)

[C'est La Vie]

انزين ماكو بعثات ماجستير؟
واذا مثلا اشتغلت وانا بكالوريوس
هل يعطوني بعثة ماجستير ودكتوراه؟؟

 

[مليكة الدنيا]

للرفع

 

[لـ LoOola ـولا]

هدهد الكويت : لازم تاخذين الآي سي دي ال
اللي تخصصهم IT اهما الوحيدين بس اللي مايطالبونهم فيها


ياربي سكثر أعاني اي هذا رقم الجامعه
اي رقم يبلش ب2498 الجامعه
ردي دقي عليهم

موفقه يارب



زهرات حبيبتي مافي مجال لمن تقدمين انتي تختارين وين تبين
بس صدقيني كل مكان بالجامعه حلو ، ماراح تتحسفين على مكان
اذا دقو عليج اي مكان بالجامعه لاترفضين .. داومي وبعدين نقل داخلي للمكان اللي يعجبج
النقل الداخلي اسهل من تعيين يديد




العفو مكسيكيه واحلى-قطوه تسلمون لي يالغلا





شموخ آنثى الله يعافيج حبيبتي وجازج الله خير
سؤالج مجاوبه عليه بالموضوع الاساسي
نطري الاعلان وقدمي بالخالديه مافيه صعوبه




C'est La Vie ما ادري حياتي ما اقدر افيدج

 

[قلب عشتار]

كم يوصل معاش الدرجه الثانيه ؟؟؟
وهل صعبه يقبلونهم (يعنى صعبه يعينونهم مومثل الرابعه والثالثه )
متى ينزل اعلان الجامعه ؟
ومشكوره يالولاه حبى والله

 

[لـ LoOola ـولا]

والله بالضبط جم ما ادري
اللي اعرفه الدرجه الثانيه كادرهم ما بين 360 - 410 على حسب سنين الخبره
والعلاوه الاجتماعيه 222 وللمتزوجين 315

وان شاء الله مافي شي صعب
على احتياجاتهم يقبلون
وعلى اساس المقابله يقررون
مرات اذا صار العمر وايد كبير يخافون يوظفون ويتقاعدون

و الاعلان بالضبط متى مو متأكده حبيبتي
بس ينزل ابلغكم ان شاء الله

اهم شي الicdl تكون معاكم

 

[مليكة الدنيا]

لولا مارديتي على سؤالي

 

[لـ LoOola ـولا]

السمووووحه حبيبتي اعذريني
ما شاء الله مو ملحقه :eh_s(6):
موقصدي اطوف سؤال احد ^_^


رديت عليج بالخاص

لولا مارديتي على سؤالي

 

[ياربي سكثر أعاني]

مشكوووووووووره وايد طلعت علووم آدارية ... شرايج بالمكان !! قالولي فني لان انا دبلوم هندسة كمبيوتر

.. ادري تعبناج بالأسأله وانتي ماااتقصرين عسا الله يوفقج ويحققلج اللي تتمنينه :*

 

[تحدي الحياة]

أختي لولا شكلج على أسئلتنا بتستخفين باالنهاية !, حبيت أسأل في مجال وظايف بالجامعة لخريجين كلية التربية , تخصص لغة عربية و المعاش أعلى من المدرسة ؟ و ألف شكر لج و ما قصرتي

 

[$pinky$]

حبيبتي انا تخصصي دبلوم تغذيه؟؟؟؟
اعتقد ماايمشي

 

[مليكة الدنيا]

لولا تسلمين حبيبتي ما قصرتي
عسى الله يوفقج في الدنيا والآخرة
وكله ان شاء الله بميزان حسناتج

 

[قلب عشتار]

لوووولا تصبحين على خير (ماكوسؤال)

 

[" غـادهـ "]

حبيبتي السموحه أدري دودهنااااااااج بأسألتناااااا ....



بس ياااااااااليت تردين علي ..,




وشاااااكرتلج سعت صدرج على أسألتناااااااااااا !؟

 

[نانيـة]

لولا الله يفرجها عليك ..و يجزاج الجنة ..

انا مضايقة من وضعي بالتربية (( السقيمة ))
و حتى رفيجتي نفس وضعي ..
و انا تخصصي خدمة اجتماعية .. وين تنصحيني اروووح .. ! ؟
هل تنصحيني اتخصص باحث اجتماعي او ادارية ؟؟
و هل فعلا لازم انجح باختبار انجليزي ؟؟

رفيجتي منقبـة .. هل في جامعة البنات في العديليه موظفين رجال ..
و هل يسمحون للمنقبات ؟

تحياتي لج

 

[لـ LoOola ـولا]

ياربي سكثر أعاني الفنيين رواتبهم اكثر من الاداريين
بس بي بسيط .. بالضبط اشكثر ما ادري
علوم اداريه مكانهم حلو .. من الدورات اللي الجامعه رشحتني لهم كان في بعضها بالعلوم الاداريه
مبناهم يديد ويساعد عالشغل
الله يوفقج ان شاء الله حبيبتي .. خووش وظيفه بتكون ان شاء الله ^_^



تحدي الحياة اهو من ناحية بستخف انا استخفيت وخلصت ههههههههه
لا لا اتغشمر ولوووووووو .. تستاهلون والله ، بس اهم شي تعذروني اذا اشوي طولت بالرد ، لان ماشاء الله غير الاسئله اهني بالخاص مشخوووله شخال :eh_s(6):
تستاهلون والله كل خير واتمنى الخير لكل وحده فيكم ولو الود ودي اوظفكم كلهم بس ماباليد حيله

عادي حبيبتي في مجال ان شاء الله .. لان قاعد يتوظفون عندنا مدرسات كانوا بالتربيه
يعني ان شاء الله يكون سهالات .. وبالنسبه للراتب يمكن يكون نفسه لأن احنا كادرنا حلو قوي
رواتب الجامعه مو نفس الوزارات .. بس بالنهايه بالجامعه راح ترتاحين اكثر من التدريس حتى لو يكون اقل راح يكون بشي بسييط ثقي وتأكدي انج راح ترتاحين بالجامعه اكثر من التربيه






$pinky$ لا ان شاء الله يمشي دبلوم التغذيه ليش لا
عندنا اداره كامله اسمها ادارة التغذيه
وغير هذا ترا بالجامعه في مجال تتوظفون بغير تخصصكم اذا تبون
بس بنفس مسمى دبلوم التغذيه
يعني يقولون لج انتي مكلفه بالقيام بأعمال السكرتاريه مثلا
او اي شي ثاني مو شرط سكرتاريه
بس كمثال







مليكة الدنيا الله يسلمج حبيبتي واجمعين ان شاء الله ويوفقنا اجمعييييييييين يارب





قلب عشتار والله حدج ضحكتيني :eh_s(6): الظاهر حاسه فيني عدل خخخخخخخخخخخ
بعد عمري ان شاء الله كل يوم تصبحين على خير :eh_s(6):









بنت السيالات من عيوووووووني ان شاء الله برد عالكل
بس حبيبتي ما سألتي !! :eh_s(6):
شنو السؤال اللي تبين له اجابه ؟؟ حاااضر من عيوني آمري ^_^







نانيـة الله يفرجها عليج ان شاء الله انتي ورفيجتج
وان شاء الله يتحسن وضعكم
عادي يوظفون منقبات .. بالعماده عندي في وده يديده توه موظفينها منقبه

وما في اختبار انجليزي خيتووو !! .. يمكن بعض الادارات يقولون اختبار بس ترا مايعتمدون عليه اعتماد كلي
اذا كنتي شي اجتماعي ماعتقد يحتاجون الانجليزي
وبالحالتين اعتقد تقديمهم بنفس المكان
بس شنو تختارين ما اقدر افيدج والله
لاني ما اعرف شنو الفرق بينهم :/

وعلى فكره كل الكليات فيها رياييل بس غالبا المكاتب يكون الحريم بروح والرياييل بروح
وعلى فكره غالبية الموظفين مالهم شغل بالطلبه .. يعني بعيييد عن حوسة الطلبة
الا عاد اللي يوظفونهم عشان الطلبه .. يعني مثلا بالقبول والتسجيل او توجيه وارشاد
ومو الكل بعد
لان مرات منهم يكون بعيد عن الطلبه
بس كموظفين اكيد اي فيه .. لكن غرف الحريم غالبا غير عن غرف الرياييل

 

[$ فراولة $]

يعني شنو وظيفة فني مختبرات او مختبرات؟
شنو طبيعة عملهم ؟

 

[monaaaay]

يا حياتي ما قصرتي توني اسووولف مع اختي اقوولها جان زين اروح الجامعة لأن عندي مشاكل بالدوام

ربي يفتحها بوجهج قولي آمين

 

[تحدي الحياة]

مشكورة حبيتي لولا و ان شاء الله ياااارب يحتسب لك الأجر في ميزان أعمالك و ما قصرتي ,,

 

[.. مـــلاكـ ..]

يعطيج العافية على هالمجهود

 

[" غـادهـ "]

وااااااااي مشكـــــوووووووووووووووره الله يجزااااااج ..




خير وربي من زماااان محتاااجه هالمعلواااات ..




كفيتي و وفيتي عساااج عالقوه ..




بس عندي سوأل .. إلي عندهم شهادة علم نفس بكالوريوس يكون تابع لإي قسم ؟؟

8

8

8

8


هذاااااا أهو سوألي موجود بصفحه 3 !!