كل عام وانا عمري لأجل *غيري متىً يجي العام وعمري لي أنا*

[ياليتهم يشعرون]

شلونكم بنات
اليوم انا فاصله ياتهاوشوني ياتدعوليً بالهدايه لان عارفه الحجي الي بتشوفونه بتعصبون بس للعلم تعتبر احلام وبعيده عن الواقع شوفوا حلمي الي محتاجته وادعوليً من كل قلبكم لان فيني قهر مايعلم في غير. ربي








حلمي اني اتطلق واعيش حياتي طول بعرض وأبعد عن كل الي يستعبدوني ويحددون مصير عيشتي الي بس انا مفروض احددها مؤ غيري وطبعا بس اتطلق يصير قصه حب بحياتي وابدأ أنسى معاه كل لحظه حزن مرت بحياتي واعيش أحلى لحظات الغرام والشوق والرومنسيه ياليت هالشي حلال ?
الموهم وأصير شي كبير بالمجتمع مثلا دكتوره او مهندسه ااااخ بس ع مااخلص دراسه الا عمري أربعين ويني وين الدكتوره مالت
تدرون انا ليش اقول جذي لان عمري يمشي واهو بعده بملك شخص مايرحم امس كان عيد ميلادي وكان مفروض أعيش اسعد وقت بس للأسف مع رنت عقارب الساعة والا الوقت 12بدت اول مشكله بيني وبين زوجي بعمر 23 وااااه ع عمري
صج صج بناات ودي زوجي يموت بس بشرط يكون عندي كل شي املكه عشان اسعد نفسي. مؤ ميت وانا حالي نفس مااهو يحكموني أهله وأهلي ?


والحين خلص الحلم
انتظر ردودكم انشاءالله فهمتوا ع وضعي ومأساتي وتدعووون لي والله اني أحبكم
[font=.helvetica neueui]
[/font]

 

[شادن33]

لا اتقولين هالكلام حرام ليش تدعين على ريلج في لحظه قهر الله لايقول
ياعمري انا ماادري شنو نوع التحكم اللي تتكلمين عنه
بس ابيدج انتي اتونسين نفسج بنفسج لا تنتظرين السعاده من احد سواء ريلج ولا اهلج
انتي اخلقي السعاده لنفسج
وانشالله يتحقق حلمج وتصيرين دكتوره ولامهندسه. هههههه بعيد عن موت ريلج بسم الله
الله ايسر امورج*

 

[ياليتهم يشعرون]

شادن ياحلو مرورج بس صعب اشرح معاناتي لأي احد ويفهمها يبيلها انسان عايش معاي عشان يشوف وضعي عدل ع العموم مجرد حلم ��

 

[شادن33]

حبيبتي مهما كان وضعج لاتياسين ترا الحياه حلوه
وابيايدنا لو انغير شي بسيط عشان تمشي الحياه
شوفي بلاوي الناس بتهون عليج بلوتج
الصحه ثم الصحه والايمان هاي اهم شي للسعاده

 

[الشهد كله]

المشكلة يعني لا من أهلج ولا من أهله ولا منه

أتوقع العيب فيج :eh_s(16)::eh_s(16)::eh_s(16):

حبيبتي بدال ما تدعين عليه تطلقي وخليه لناس تبيه وتغليه

دام انتي ما تبينه ، في ناس تحبه وتبيه

ادعي له بالهداية والصلاح

ولا تتخلين الكماليات تطغي بحياتج

شنو يعني عيد ميلاد ولا غيره يأثر على حياتج

المشكلة موجودة بغض النظر عن عيد ميلادج

اذكري ربج واستغفريه

وربج ييسر لج أمورج​

 

[وتين قلبـي]

حبيبتي ليييش هالتفكير السلبي

وترا الدنيا بدوون رجال وحب والله ماتسوى
الدنيا ماتسووى تبهذلنا جدي بس حنا نتقوى بالحب والموده ونحب بعضناا
ليش تكررهين اللي حووالييج

حاوولي تعايشين معاهم زووجج واهله ترا الدنياا يبيلهاا صبر وطوله باااااال

ونصيحتي انسي الهم والغم والمشاكل وابدي من اليووم تحبين نفسج واللي حوواليج والضحكه الضحكه لاتفااارقج تراها تسعد وتزيل الهم

 

[مضاويـ]

خلي تفكيرج ايجابي و حبي نفسج

 

[G!RLooNa]

شهالكلام اعوذ بالله

على حجيج توقعت عمرج كبير طلعتي توج ٢٣ ليش هالنظره السوده :|

 

[Gifts&Occaions]

خلج متفائلة بمستقبل افضل

 

[!الجادل الصعب!]

كملي دراستج اذا ما تدرسين
وحلي مشاكلج مع زوجج وعيشي معاه احلا لحظات
الحب ..
كل شي ينحل ليش مكتئبه ومكبره الموضوضه حيل !!*

 

[رق رق]

الله يعينج ، اذا وصلتي انج تتمنين الموت له او الطلاق يعني وصلتي حدج ،
اكيد عديتي سنه من زواجج ، ومافي اي تطورات ، بس يأمر قعدي ولا اتروحين وليش وهالشي اهوه الي رفع ظغطج وتبين الحريه وطلعه وسفر وحب ورومانسيه ، وهوه مو عارف يعطيج ، او يعبر عن حبه لج .
انقهرت ابعيد ميلادج كنتي متوقعه شي ويمكن صارلج شهر وانتي اتعدين الايام وناطره هاليوم اكيد متوعقه سفره او حجز فندق او ليله حلوه ، بس اتوقعتي العكس للاسف .
والله يهديه وان شاء الله يعرف قدرج ويغير معاملته وهالشي ابايدج بس يبيله صبر منج .
ويسعد ايامكم ياااااااااااااااارب ...

 

[أميره الدوسري]

.
,

السعآآده م راح تحصلينهآ بحلمك هذآ

وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا

الله يشرح صدرك لطاعته :eh_s(17):

 

[Sara988]

لا يأس مع الحياة ولا حياة مع اليأس

 

[tbola]

تعوذي من بليسسسسسس

هل افكار هذي بتخليج تكرهين عمرج حاولي انتي تونسين عمرج

 

[بنت النور 88]

أنا مثلج فكره الطلاق كانت تجئ على بالي اول سنه زواج مع ان ريلي طيب بس وووووووايد حكره

بس قمت اطالع الاشيا الإيجابيه فيه ومع الايام الحمد لله بدا يطخ والله يطخخه زايده لووووووول

والحياه مشت والحين عندي ولد وبنت والحمد لله

 

[ياليتهم يشعرون]

الي يدري يدري والي مايدري ينام بدريبعطيكم مثل صغنون وياليت تفهمون ولاتقولون يائسة وماعرف ايش
شايفين الورده لمن تذبل شلون تصير هذي انا وانا مؤ مجبوره افهم لصبح عن وضعي عشان أبرر كلامي
انتم الله يهنيكم مامريتوا بمعاناتيً عشان جذي ع بالكم ان مشكلتي صغيره ودي بس تقعدون يوم واحد بالبيت من غير طلعه شيصير فيكم فمابالكم بوحده شبه توقفت حياتها كلشي ممنوع هذا الي اقدر اقوله

 

[Beyoncee]

طولى بالج
الله بيحاسبج ع كلامج حرام لا تدعين عليه ادعى له بالهدايه
منو قالج الزواج كله وناسه وطلعات وفنادق
مثل ماتبين الشي الحلو لازم تتقبلين الايام الحزينه والكئيبه بكل الاوضاع
هاذي حياتج انتى تسيطرين عليها وهذا واقعج تتكيفين معاه
كلنا لنا الحق نحلم
بس بالمسايس والاقناع كلميه انج تكملين دراسه
اتعبي على زواجج وعطيه من نفسج عشان ترتاحين

 

[ياليتهم يشعرون]

بيونسيه ودي ابجي ������������

 

[قلبـــهـ]

ضاقت فلما استحكمت حلقاتها ، فرجت وكنت أظنها لا تفرجو ,، .. .


مو محتاجه حلول ، لان مافي مشكله انعرضت غير مشاعر وافكار طرحتيها بهالمساحة الصغيره ،
محتاجه بس طريقة تعيدلج تفكيرج السليم وقلب شرح ، بس يبيلج تاخذين نفس وتهدين شوي ..

زحمه الأفكار شيليها عنج ، فكري بشي واحد بس ،
مثل ما حياتج تغيرت مره ومرتين وثلاث ، بترد تتغير ان شاء الله وباذن الله للاحسن ،
محد بيعاونج كثرج ، خلج سند لنفسج اختي ..

كثري من الاستغفار والله بترتاحين ، بتصير افكارج نظيفة ومشاعرج واضحه ،
بعد كل صلاة لا تقومين الا وانتي مستغفره اميه مره ، واقري قرآن كل يوم ، وادعي ربج باللي خاطرج فيه ..

عقب ما تهدا نفسج ويرد قلبج يصفا ، ابدي بالخطوه الثانيه وهي انج تبادرين شوي شوي تشغلين نفسج ، بشنو ؟
بأي شي يناسب وضعج وبنفس الوقت يشغلج عن اللي حولج ، والخيارات وايد أيا كانت ظروفج ،

شغلات تكون لج !





كل الناس عندهم مشاكلهم ، بس مو كلنا يتصرف صح ،
ونحن كـ بشر تحكمنا أفكارنا ومشاعرنا ، فخلج سند لنفسج لا تضرينها :eh_s(17): ..

 

[ام الدرر]

اسم الله عليج
توج قبل يومين حاطة موضوعكم بالمستشفى شزينكم
حبوبة
نصيحة وحطيها دايما على بالج
مافي حزن دايم ولا سعادة دائمة
زوجج لو مافي حسنات ما قعدتي يوم واحد معاه
كل انسان له مساوئ مافي احد كامل
ترى الطلعة والروحة مو كل شي
اذا زوجج يمنع عنج رفاهيات
لاتجادلين اغلب الرياييل يموتون بالعناد
واذا جادلتي وناقشتي يزيد العيار
طنشي وادعي ربج يهديه
واصبري
((انما يوفى الصابرون اجرهم بغير حساب ))
عسى الله يمسح على قلبج ويفرج همج
ويهدي ريلج ويسخره لج​