كل ماتحتاجينه من معلومات و فناتق لدفتر التحضير و افكار للوسائل التعليميه مع ام زنوب

[ذكريات عشاق]

اهلين ذكريات سامحيني هلمره طولت عليج لج وحشه و الله بس لهيت بالشاليه و النت هناك كلش :rerrerek:
و سامحيني لاني مو فاهمه سؤالج
انتي تقصدين الفكره الي من خلالها تدخلين عدرس ؟؟؟
هذي اسمها التقويم المبدئي و قتلج هذي تختلف في الاسم من ماده لي ماده في اقسام يسمونها تهيئه او تمهيد و هي اشون تخلين البنات يكتشفون عنوان الدرس من خلال كذا طريقه و انتي وشطارتج في ابلات يسوون طريقة الالغاز وممكن من خلال عرض فيديو او صور

و سامحيني علقصور و اذا ماكان هذا اجابة سؤالج ياريت تفهمينياه مره ثانيه و انشالله بجاوبج
:eh_s(17):

اهلين شلونج شخبارج اي والله فقدتج اهم شي استانستوا


انا قصدي ان الحين التحضير يتقسم الى
عدة اقسام الاهداف وعرفت شلون اصوغها
بعدين قلتي انه في شي اسمه موضوع الدرس خليه على صوب
وبعدين قلنا الانشطة واللي اهيا راح اكتب فيها شنو راح اسوي بالصف مثلا بوزع ورقة خريطة او شي جذي يعني الانشطة اللي بسويها بالصف وترتيب الحصة شلون وبعدها الجهد الللاصفي


انا قصدي جزء موضوع الدرس او التمهيد هل اكتب فيه اسىلة حول موضوع الدرس او اكتب اهم النقاط اللي راح اشرحها
يعني انا مو فاهمة بالجزء هذا شنو راح اكتب

 

[بنات حواء2]

ايوه هذا هو التهيئه او التقويم المبدئي
هذا تكتبين فيه اشلون راح تدخلين لموضوع الدرس وي الطالبات
مثلا لغز
او لعبه
او صور
في وايد طرق
اي طريقه تمر على بالج ممكن تسوينها دام انها تخدم درسج
و طريقت كتابته مثل الانشطه بالضبط
مثلا انا بعرض فيديو بخلي الطالبات يستنتجون من خلاله عنوان الدرس وهو الالياف الصناعيه
- عرض فيديو من قبل المعلمه يوضح كيفية تصنيع الياف النايلون و تستنج المتعلمات عنوان الدرس من خلاله .

طبعن هذا ماتحطين يمه رقم لانه ما حقق هدف هذا مجرد تمهيد
و طيعن صيغي مثل ما انتي تبين لكن امهم شي تحددين دورج و دور الطالبات و الطريقه الي بتستخدمينها

ايو الله الشاليه تغيير جو وايد حلو

 

[بنات حواء2]

ذكريات
اذا كانت عنددج اي ملاحظات او حابه انج تلخصين الدرس ممكن تسوين هلكلام بورقه خاصه فيج بحيث تكون جدامج لترتيب افكارج
ملاحظاتج تكون لج ما تنحط في التحضير
و انا اقصد بالملاحظات هي التلخيص او النقاط المهمه الي حابه تأكدين عليها

 

[ذكريات عشاق]

اهااااااا
والله مبدىيا شكل التحضير مع التعود راح يصير سهل

وااي فديتج مممششكورة وااايد وماتقصرين عطيتينا من وقتج واستفدنا وااااايد

 

[بنات حواء2]

افا عليج انا حاضر و باي وقت و اي شي يمر على بالج قولي و انشالله ماراح اقصر وياكم
التحضير سهل و لمن تمارسينه بتذكرين كلمتي

 

[مريم ص]

قوه بنات حواء 2
حبيبتي بغيت اسئلج انتي اتدرسين اي مرحلة دراسية

 

[بنات حواء2]

هلا والله حبيبتي مريم انا درست بالميداني متوسط بس انا انا توني تعيين يديد و الاسبوع الياي اعرف اي مرحله بالضبط لاكن انا ابي ثانوي

 

[بنات حواء2]

حبايبي اليوم يابتلكم بوربوينتات وايد حلوه

الاعداد من 1 الى 2
http://www.lakii.net/images/Jun07/ghadeer_0-2.zip

 

[بنات حواء2]

الأعداد 3-4-6
http://www.lakii.net/images/Jun07/ghadeer_3-4-6.zip
الأعداد 7-8-9
http://www.lakii.net/images/Jun07/ghadeer_7-8-9.zip

مراجعة الأرقام من 1 إلى 5

http://www.lakii.net/images/Jun07/ghadeer_numbers1-5.zip

 

[بنات حواء2]

مراجعة الأرقام من صفر إلى 9
http://www.lakii.net/images/Jun07/ghadeer_numbers0-9.zip


الحروف بالحركات والنطق
http://www.lakii.net/images/Jun07/ghadeer_hroof.zip
ربط الحروف بالصور
http://www.lakii.net/images/Jun07/ghadeer_Twoy45.zip
طريقة كتابة الحروف
http://www.lakii.net/images/Jun07/ghadeer_writing.zip

التصنيف على أكثر من خاصية
http://www.lakii.net/images/Jun07/ghadeer_tasnsf.zip
رمزا الجمع والطرح
http://www.lakii.net/images/Jun07/ghadeer_calculation.zip

 

[بنات حواء2]

بنات نصيحه ترى البوربوينتات الي فوق وايد حلوين حق ابلات الرياضيات و الرعبي المرحله الابتدائية

 

[ذكريات عشاق]

يعطططيييج العافية ام زنوووووب

 

[بنات حواء2]

اهلين ذكريات الله يعافيج
و مبارك عليج الشهر
و مبارك عليكم جميعا

 

[ذكريات عشاق]

علينا وعليججج وعسسسساكم من عواده يااااارب

 

[بطاطا]

يعطيج العافية أم زنوب :ggdw:

قريت الموضوع من أول صفحة لي هالصفحة و الصراحة ما حسيت بالملل و لا حسيت بالتعب

يزاج الله خير ما قصرتي و الله :eh_s(17):

أنا مدرسة ثانوي - تاريخ ,, درست الكورس الثاني كله و الحمدلله الامور كلها تمام التمام :eh_s(9):

لكن ما كنت مهتمة بدفتري التحضير يعني كان عادي جاهز و الاوراق جاهزة مافي اضافات مني انا .... و هالشي مابي اكرره بهالسنة هذي ... لاني خليت هالكورس اللي داومته بروفه لي و تدريب و فهم للوضع بشكل عام

و من بداية السنة ان شاء الله لا .. حاليا سجلت الملاحظات اللي حسيت انها تفيدني في المرحلة اللي ادرسها و راح اطبقها .. و اولها اني بسويلي دفتر تحضير خاص فيني و على ذوقي و بسوي ملف انجازات و بحطلي نوتة اسجل فيها مناسبات السنة كلها عشان اكون مستعدة لكل شي و بجهز للاجتماع الفني بعد :eh_s(15):




اختي ذكريات // صح كلام رفيجتج ... ماراح تاخذين صفوف 12 اللي اهوا التاريخ المعاصر يا تاخذين الوطن العربي يا تاخذين التاريخ الاسلامي اذا كان تخصصج تاريخ

الوطن العربي << يصقل المعلمة بشكل مو طبيعي و يخليج ملمة بكل شي .. صعب و لكنه يعلمج و يعودج على التحضير و على التنوع بمادتج :ggdw: انا ما درسته و لكني بدرسه الكورس الياي و حدي متشوقة له و خذيتلي كتاب عشان اشوفه و اتصفحه بالفراغ




بالنسبة للتحضير ما قصرت ام زنوب :: و انا بالنسبة لي ,,, ماكنا نهتم لترتيب الاهداف يعني لازم ابدا ب1 و عقبه 2 3 4 5 6 و جذي لا .. كان الضروري ان يكون في تنوع و في اهداف حركية <<< اختي ذكريات قالت يمكن ما نستخدمها بالتاريخ لا بالعكس كل درس كان في شي حركي ... مثلا تشير على الخريطة السبورية ... ترسم خريطة على السبورة ... تحدد على الخريطة السبورية موقع المعركة ... ترسم مخطط سهمي على السبورة ... ترسم رسم بياني لتعداد السكان على السبورة ... تجدول على السبورة احداث معركة حطين ...

هذي كلها نفس حركية أو مهارية لابد انها تكون موجودة بالتحضير و ام زنوب كفت و وفت :eh_s(15):​

 

[بطاطا]

اي صح .. ما دشت علي لا ناظرة و لا وكيلة ... هذا الشي الغريب شلون قيموني مادري ... ؟

بس الموجهة ياتني مرتين و رئيسة القسم كل ما فضت نورت صفي <<< احبها

 

[ذكريات عشاق]

ممممشششكورة بطاطا

 

[بنات حواء2]

بطاطا حباج الله و نورتي الموضوع و عليج بالف عافيه الي استفدتيه
و شدي حيلج هسنه تفنتقي بكلشي من الى و احنه معاج اذا احتجتي اي مساعده
و مشكووووووووره لانج فدتينه بمعلومات مهمه تخص ابلات الاجتماعيات و اولنا ذكريات
و يعطيج الف عافيه و لا تحرمينه من مرورج و افكارج

 

[بنات حواء2]

بطاطا اذا ولا احد من الاداره مرج يمكن لانه رئيسة قسمج مادحتج وايد انا اعتقد جذي بس ترقبي باي لحظه زياره فخليج جاهزه على طول و هشي يريحج و يريح طالباتج

 

[وحدة من الناس *]

بنات تقريبا متى الموجه ورئيسه القسم والناظره يدخلون على المدرسه بحصتها

باول شهر من الدوام والا بالنص والا بالاخير؟ والا من اول يوم لووول