كل ماشافتني تعايرني ب......... وتحرجني

[فرح3]

بنات والله تعبانه
وضايقه الدنيا فيني
يعني فوق المرض القى شماته من أقرب الناس لي
أنا أعاني من ريحة الفم من سنين
والله ماخليت شي الا و جربت

سواء كان طبيعي أوطبي
مستشفيات ورحت وبدون فايده
لا وبعضهم يقولو أنتي تتوهمين
كل شي فيك سليم
آه وش اقول
اللي زود عذابي أن في وحده
كل ماشافتني تعيرني وتستهزئ فيني بريحة فمي
قدام الكل
وأذا أحد مدح فيني ترجع تفتح
الموضوع عشان تقلل من ثقتي بنفسي

وانا والله ماأمدح نفسي
بس الفرق بيني وبينها مثل السما والارض أنا جدا جميله وماروح زواج الا وأنخطب
مع أني متزوجه وعندي عيال
بس أهتم بنفسي من كل النواحي
بس هالمشكله دمرتني
تعبت ماخليت علاج ولاطريقه الا وسويتها
عشان أتخلص من هالمشكله
الحين عندي بالدرج حبوب أنازول
وماودي أخذها
واتحطم كم بلعت في هالحبوب ومافاد

وكل ماشفت وصفه جربتها ولا في أمل
الحمدلله أنا واثقه بربي
وأحمده وأشكره
بس والله هالمرض متعب ومحرج
أرجوكم اللي عندها حل تساعدني
أو ترفع الموضوع بدعوه تفرح قلبي

 

[قاهره عذالي]

شكلها هالريحه مو من الاسنان اذا انتي تهتمين باسنانج

الريحه من البطن والمعده

مرات المعده تخلي ريحة الفم كريهه

اشربي زنجبيل ونعناع واكليل الجبل دااااائما

وخلي عندج علك فراوله ونعناع

واشتري غسول فم طبي من الصيدليه

انا شفت واجد حبوب بالصيدليه حق اللي نفسج

 

[حبيبه جاسم]

مآكو مشكله مآلهآ حل قلبي
روحي الطبيب وبتلقين آلحل
بس آحيآنآ فعلآ ألمعده لها دور بهآلشي
حآولي دآيمن تغسلينه بغسول النعنآع
بعد كل وجبه وبعد كل سآعه تقريبآآ
وع طول تعلجي بنكهه الفروآله او الليموون
او مصي حلآوه هوولز ..
هآذي نصآيح آي بنت بتنصج..
بس آنتي لآزم ترووحين للطبيب عشآن يحل هآلمشكله
مآيصير يعني آنتي متزوججه وآآم عيآآل مب حلووه بحقج
مدري شلون سآكته ع نفسج
وربي يسآعدج آن شآآء آلله

 

[حبيبه جاسم]

http://www.q8yat.com/t238833.html


يمكن يفيدج حبوبه

 

[مدمنة كوفي]

اختي اسمح لي انا راي مختلف عن الباقي اللي فيج وسواس لو صج فيج ريحة جان ريلج طلقج واللي يتعرفون عليج ما حبوج ولا اقعدوا ثانية معاج

انا يصير فيني جذي كله اشك ان فيني شي واقوم اتسبح اكثر من مرة وافرش اسناني اكثر من مرة واذا احد يحط يده على خشمه كله عبالي مني , وصرت معدومة الثقة وكل ما يشوفني على طول يعرف ان ما عندي ثقة من تصرفاتي

بسبب وساويس وهمية , لا تخلين كلام الناس يأثر عليج مثل ما اثر علي وليش هي تهمج اصلا من تكون عشان تهتمين لكلامها اكيد محترة منج عندج شي اهي ما تمتلكه وابسطها حب الناس اللي يحبج ما يهمه كلامها واللي ابتعد عنج وصدق اللي قالته وراح فهو انسان سطحي والواحد ما يصدق الا لما يشوف بعينه

تجنبيها ما نعرف هي تصير لج او صديقة او زميلة بس تجنبيها واذا جرحتج جرحيها ( ليش تقولين عني هالكلام محترة لان احلى منج والله اذا عاملتيها مثل ما تعاملج بتوقفينها عند حدها ) القافلة تسير والكلاب تنبح

على فكرة وايد اقابل ناس يقولوني فينا ريحة واقولهم لا بالعكس ريحتكم حلوة اغلبهم يتوهمون لا تقنعين نفسج على شي ما فيج والا بتصير صج

 

[Cute mama]

يمكن عندج مشكله بالمعده او بالمريء روحي مستشفى انترناشونال كلينك عند دكتور صقر سريع خيسويلج منظار حق معدتج ويشوف اذا المشكله منها

 

[منال $]

الله يعطيهم العافية البنات ماقصروا بالرد

 

[حبيبي مالكني]

الله يعينج حبيبتي
وهاي وحدة ما تستحي ماعليج منها

 

[سعادة قلبي وياه]

ماعندي فكره ان شاءاالله باقي البنات يفيدونج وخلي عندج الثقة بنفسج

 

[ي حليليِ]

ماقصروا البنات قالوا كل اللي بغيت اقوله


سوي منظار معده وشوفي انا اذكر

استاذتي كانت تقوللي ان اللي يعاني من ريحة الفمم

عنده مشاكل بالجهاز الهضميي



الله يسعدج ويقربلج احبابج ، اذا بس وحده اللي تقول هالشيء معناته انها مقهوره


ماعليج منهااا ،

 

[مذهلة2013]

كل شيء له حل حبيبتي

 

[الهما]

عزيزتي
كل مشكله و لها حل
بالنسبة لرائحة الفم
في علاجات والاطباء واجد و موفرين حلول دوري و ابحثي
و حاولي تاكلين الاكلات اللي تعطر الجسم و تخلي ريحتج حلوة مثل الزنجبيل و النعنا
تبتعدين عن البهارات و البصل و الثوم حتى المطبوخ
والمساله هذي يبيلها صبر من 6 شهور و فوق

اما الانسانة اللي تعايرج
فمن منطلق نفسي اللي يعاير الناس بطريقه فظه و جارحه فهو محتر منهم
هذي شايفه عندج شي و محتره منه فتحاول انها تهدم لك ثقتج بنفسك و تخليك مهزوزه جدام الناس

اذا احرجتك مره ثانيه جدام الناس و قالت فلانه ريحة فمك كريهه لازم تردي رد يسكتها
مادري شلون بس ياريت البنات يساعدونا بالردود اللي تسكت مثل هالناس الفظه

 

[جوويره]

تبين الريحة تختفي إذا فرشتي أسنانج فرشي لسانك حطي فرشة الأسنان مع المعجون على لسانك وحركي الفرشه على الخفيف تكون الريحة لازقه باللسان وعقب مرري فرشة الأسنان على اللثه بس موتعورين نفسك على خفيف وصدقيني هذا اهم جزء بالفم وان شا الله تشوفين الفرق وراح تختفي الريحة

 

[اميره بكلمتي]

يمكن الاسنان سليمه

روحي سوي سونار ومنظار ع المعده والبطن لانه مرات اهم يسببون ريحة الفم الكريهه

 

[ام فله]

أنا ولدي نفس. المشكله

وعالجت جيوبه الا نفيه

والحمد لله راحت

واذا رد الالتهاب ردت الريحه


معانا ه أنا وياه

 

[Kocheko]

انا اقولج مشكلتج فى اجيوب ..انا كنت نفسج وتعالجت والحمدالله بس اوقات يرجع المرض واتبهدل.
. .. روحي عند دكتور اذن وانف وحنجره

 

[أم علي الرفاعي]

الله يحل مشكلتج ان شالله ,,,,,,

"ما انزل الله من داء ، الا وانزل له دواء"
النبي الأكرم محمد (ص)

 

[اذوب بكلامه]

انا اتوقع انه شي نفسي والله اعلم لأنك تقولين رحتي المستشفى وقالوا لك مافيك شي!!

 

[امـ خــزامـى]

الله يششفيك ويعافيك

يمكن نفسيا مو صدق
انا اوقات اشم رواائح بنفسي واقول الا شموا يقولون مااافي

دائما اتوووهم ان فيني ريحة حلبه مع انه مااكلها ولا اشربها ولا عندي بالبيت
بس تعقدت من كثر مااشمها خصوصا بالنفاس

 

[كويتيه شماليه]

كثير شغلات تسبب ربحة بالفم
عدم تفريش الاسنان
تناول الثوم والبصل والفجل واكلات مختلفه لها ريحه تسبب خمار في البطن وتقعد ايام وتسبب ريحه بالفم هذا طبعاً على حسب الجسم وامتصاصه
حتى البلغم والتهاب الحلق والبلاعيم تسبب ريحه بالفم

في وحده اعرفها ماخلت شي ماسوته من ريحة حلجها حتى اعيالها يقولون يمه ريحة علجج ريحة حمااااااام تخيلوا
اغلست القولون قالت يمكن منه الريحه ماكو فايده
سوت تنظيف وتبييض اسنان ماكو فايده
تحاليل وفحوصات ماخلت كل شي

آخر شي شنو تتوقعون طلع وراح تنصدمون ومايخطر على بالكم



..

راحت لدكتور اسنان وفحص لها اسنانها اطلعت الريحه من حشوه ضرسها ناسين فيها قطنه متعفنه تحلف تقول طاعها الدكتور لونها اخضر من العفن
وتحلف تقول ريحتها صكت راسي وتقول انصدمت عاد اهي موظفه وتقول كنت احس بالموظفات معاي يوخرون من ريحة حلجي مع انها 24 ساعه انواع العلوج اكسترا وغيره وماكو فايده
والحين الحمدلله واثقه من نفسها حيل وارتاحت