مرحبا بنات
أول شي أدري ان وايد بيعصبون على موضوعي هذا ويقولون مو على كيفج تحكمين وتعممين
المهم انا اللي فبالي بقوله
والله يعلم ان موقصدي شي غير النصيحه لوجه الله بس:eh_s(7):
بنات انا شفت قصص ومشاكل بالزواج وايد من ناس يصيرولي ودار مداري وأشياء غريبه خصوصا ان خواتي وايد ماشاء الله فوالله ثم والله اللي بقوله جد
وهالشي مو ملاحظه عابره هالشي لاحظته على سنين بس يمكن الاغلبيه ما لاحظوه ولا يه فبالهم
بنات والله ان جدامي بعضهم تصرخ على أمها وابوها وتعصب ولا تسد التلفون فوييهم وبعدين تقول مع السوالف ريلي عصبي وريلي يقولي وريلي يصارخ وريلي مايتفاهم وريلي وريلي
انزين انتي كنتي تسوين جذي ويه امج!
بس تذكرت هالايه: وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ [الشورى:30]
سبحان الله!
خالتي كانت كله تشتكي لأمي قبل ان بنتها ماتبي تطلع وياها تقول ودي نطلع مره نتريق ونتمشى تقول البنت فشله أطلع ويه أمي بروحنا وطبعا كله ويه رفيجاتها
البنت تزوجت الحين تتمنى زوجها يطلع وياها كله ويه ربعه وهي تصيرلي وقايلتلي بعظمة لسانها!
كله يقولون مثل ماتعاملين أمج وأبوج عيالج بيعاملونج نفس الشي بالضبط .. انا اقولج عيالج وريلج بعد! بر الوالدين سبب التوفيق بالدنيا هذي كلها وعقوقهم عقابه فالدنيا قبل الاخره
ياما حريم منفسه على أمها وأبوها ماتحب السوالف وياهم الحين زوجها سوالف مع البنات بالتلفون وهي تطلع الكلمه منه بالغصب لما يكون عندها
وحده بنات أكثر من قريبه مني شخصيتها قويه على أمها شاطره بس على أمها الحين زوجها ماتطلع شخصيته إلا عليها
وحده تعامل الناس كلها زين إلا أمها موريتها الويل الحين زوجها موريها الويل
وحده بجت أمها وابوها ونزلت منهم دموع الحين زوجها منزل منها الدموع
وحده مخليه حياة أمها جحيم الزواج خله حياتها جحيم
وحده تصبر على زوجها مهما يسوي وتتحمل طبعه وتكتم غضبها جدامه بس عشان رضاه وامها بدون شي تعصب عليها وماتصبر عليها وتشوف ان طبعها ماينعاش وياه
والله يشهد علي ان هالأمثله مرت علي شخصيا والقصه دارت جدامي عالسنين
لاتستغربون لأن فيه وايد بنات توصل فيهم تمشي وتقول لكل الناس أكره أمي
للأسف نشوف حريم همهم ليل نهار شلون ترضي زوجها وهي نايمه وهي قاعده بس تفكر ترضي زوجها وتخليه يحبها ويرضى عليها وبالمقابل ولا عمرها فكرت أمها أو أبوها راضين عليها ولا لا؟؟ مع ان هالريال اللي ماخذ عقلها ماعطاها ربع اللي عطوها ومايعطي إلا يبي مقابل
أوكي أرضيه بس عملي حسابج اي شي سويتيه أو قلتيه لأمج وابوج الله يعاقبج بريلج وعيالج.
صح رضى الزوج مهم بس لاتنسين ان رضى الرب من رضى الوالدين.. واذا الله رضى عنج بتوفقين فكل شى!!!
اكيد وايد منكم بتقولي انا باره بوالديني فعشان محد يفهمني غلط أقولكم المصايب بالدنيا نوعين: ابتلاء وعقاب
يمكن انتي اللي تمرين فيه ابتلاء من الله اذا كنتي مؤمنه (اذا أحب الله عبدا ابتلاه) وزياده في الأجر انشاءالله
بس شنو اللي يضمنلنا بعد هالايه ان اللي قاعد يصير فينا مو عقاب؟
وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ [الشورى:30]
بنات بس كل اللي أقصده نصيحه ان بر الوالدين سبب التوفيق بالدنيا وفتح أبواب وايد وتوفيق مع العيال والزوج اول شي
ومثل ماعاملتيهم بيعاملونج عيالج وريلج قبل عيالج
عشان جذي خلونا نغير من معاملتنا لأمنا وأبونا وانا ما أمدح نفسي انا بعد وياكم
اذا كنتي متزوجه أرضي امج وأبوج راح يرضى عليج ريلج
والمومتزوجات من الحين خل نبدي عشان نتوفق بالزواج بعدين
واللي امها او أبوها متوفين في طرق وايد لبر الوالدين بعد الموت مثل العمره والصدقه لهم والدعاء لهم
خلونا نطبق (واخفض لهما جناح الذل من الرحمة) عشان نتوفق
:eh_s(7):
نصيحه واللي موعاجبتها لاتسويها:eh_s(7):
تصبحون على خير:eh_s(7):
أول شي أدري ان وايد بيعصبون على موضوعي هذا ويقولون مو على كيفج تحكمين وتعممين
المهم انا اللي فبالي بقوله
والله يعلم ان موقصدي شي غير النصيحه لوجه الله بس:eh_s(7):
بنات انا شفت قصص ومشاكل بالزواج وايد من ناس يصيرولي ودار مداري وأشياء غريبه خصوصا ان خواتي وايد ماشاء الله فوالله ثم والله اللي بقوله جد
وهالشي مو ملاحظه عابره هالشي لاحظته على سنين بس يمكن الاغلبيه ما لاحظوه ولا يه فبالهم
بنات والله ان جدامي بعضهم تصرخ على أمها وابوها وتعصب ولا تسد التلفون فوييهم وبعدين تقول مع السوالف ريلي عصبي وريلي يقولي وريلي يصارخ وريلي مايتفاهم وريلي وريلي
انزين انتي كنتي تسوين جذي ويه امج!
بس تذكرت هالايه: وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ [الشورى:30]
سبحان الله!
خالتي كانت كله تشتكي لأمي قبل ان بنتها ماتبي تطلع وياها تقول ودي نطلع مره نتريق ونتمشى تقول البنت فشله أطلع ويه أمي بروحنا وطبعا كله ويه رفيجاتها
البنت تزوجت الحين تتمنى زوجها يطلع وياها كله ويه ربعه وهي تصيرلي وقايلتلي بعظمة لسانها!
كله يقولون مثل ماتعاملين أمج وأبوج عيالج بيعاملونج نفس الشي بالضبط .. انا اقولج عيالج وريلج بعد! بر الوالدين سبب التوفيق بالدنيا هذي كلها وعقوقهم عقابه فالدنيا قبل الاخره
ياما حريم منفسه على أمها وأبوها ماتحب السوالف وياهم الحين زوجها سوالف مع البنات بالتلفون وهي تطلع الكلمه منه بالغصب لما يكون عندها
وحده بنات أكثر من قريبه مني شخصيتها قويه على أمها شاطره بس على أمها الحين زوجها ماتطلع شخصيته إلا عليها
وحده تعامل الناس كلها زين إلا أمها موريتها الويل الحين زوجها موريها الويل
وحده بجت أمها وابوها ونزلت منهم دموع الحين زوجها منزل منها الدموع
وحده مخليه حياة أمها جحيم الزواج خله حياتها جحيم
وحده تصبر على زوجها مهما يسوي وتتحمل طبعه وتكتم غضبها جدامه بس عشان رضاه وامها بدون شي تعصب عليها وماتصبر عليها وتشوف ان طبعها ماينعاش وياه
والله يشهد علي ان هالأمثله مرت علي شخصيا والقصه دارت جدامي عالسنين
لاتستغربون لأن فيه وايد بنات توصل فيهم تمشي وتقول لكل الناس أكره أمي
للأسف نشوف حريم همهم ليل نهار شلون ترضي زوجها وهي نايمه وهي قاعده بس تفكر ترضي زوجها وتخليه يحبها ويرضى عليها وبالمقابل ولا عمرها فكرت أمها أو أبوها راضين عليها ولا لا؟؟ مع ان هالريال اللي ماخذ عقلها ماعطاها ربع اللي عطوها ومايعطي إلا يبي مقابل
أوكي أرضيه بس عملي حسابج اي شي سويتيه أو قلتيه لأمج وابوج الله يعاقبج بريلج وعيالج.
صح رضى الزوج مهم بس لاتنسين ان رضى الرب من رضى الوالدين.. واذا الله رضى عنج بتوفقين فكل شى!!!
اكيد وايد منكم بتقولي انا باره بوالديني فعشان محد يفهمني غلط أقولكم المصايب بالدنيا نوعين: ابتلاء وعقاب
يمكن انتي اللي تمرين فيه ابتلاء من الله اذا كنتي مؤمنه (اذا أحب الله عبدا ابتلاه) وزياده في الأجر انشاءالله
بس شنو اللي يضمنلنا بعد هالايه ان اللي قاعد يصير فينا مو عقاب؟
وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ [الشورى:30]
بنات بس كل اللي أقصده نصيحه ان بر الوالدين سبب التوفيق بالدنيا وفتح أبواب وايد وتوفيق مع العيال والزوج اول شي
ومثل ماعاملتيهم بيعاملونج عيالج وريلج قبل عيالج
عشان جذي خلونا نغير من معاملتنا لأمنا وأبونا وانا ما أمدح نفسي انا بعد وياكم
اذا كنتي متزوجه أرضي امج وأبوج راح يرضى عليج ريلج
والمومتزوجات من الحين خل نبدي عشان نتوفق بالزواج بعدين
واللي امها او أبوها متوفين في طرق وايد لبر الوالدين بعد الموت مثل العمره والصدقه لهم والدعاء لهم
خلونا نطبق (واخفض لهما جناح الذل من الرحمة) عشان نتوفق
:eh_s(7):
نصيحه واللي موعاجبتها لاتسويها:eh_s(7):
تصبحون على خير:eh_s(7):