كل هالورووود الي بدار سلوى ما توفي حبنا لك يا ابونا

[Marymary]

اول ما قعدت النوم بطلت الجريدة وشفت حملة مليون وردة للأسف اني ما وديت ورد لان ما كنت ادري ان امس اهوه يوم الحمله
الصراحة شفت الصور وشفت اليهال وشفتهم حوالين بابا صباح
قلت بقلبي منهو مثل الكويت ببطيبة شعبها وتواضع حكومتها ... بالله عليكم في شيخ او رئيس دولة يطلع من بيته بدون رسميات بدون رجال امن او حماة شخصيات ويسلم ويشكر شعبه الي اهدوه هالورود
احنا ندري ان ورود الدنيا ما توفي حقك يا ابونا كلنا
بس الصراحة قعدت افكر بيني وبين نفسي وانا اشوف صورة حضرية حاطه وردة وانا اشوف بدويه تعدي لبابا صباح وردتها والشيعيه والسنيه وياهم
واتذكر الي يصير في باجي الدول والثورات وطائفيه وعنصرية بهالبلدان واقووول بنفسي الحمدلله ان خلقني كويتيه عايشة. بعز ال صباح وعز بابا صباح
منهو مثل الكويت
واخيرا وليس اخرا هل يصير اودي وردة الحين ولا راحت علي ( لازم امس *

 

[مذهلة 78]

رد : كل هالورووود الي بدار سلوى ما توفي حبنا لك يا ابونا

الله يحفظ الكويت واميرها وشعبها من كل مكروه وكل الكويت سنه وشيعه وبدو وحضر​

ما نقول غير الله الوطن الامير​

لاوالله الاالفرح تو اكتمل نوره
والشعر توه يشرع للوفا بابه
والشعب من فرحته عبر عن شعوره
والشعر في مدح ابو ناصر تغنابه
شعر(ن)يشابه جميل الورد بزهوره
مشاعر(ن)صادقه ماهي بكذابه
موج الشعر تصطفق في مدحك بحوره
ياللي يمينك لفعل الطيب كسابه
كن القصايد على شرواك ماموره
قصايد(ن) تفتخر بأسمك وتزهابه
والشعر ياشيخ مثلك عارف(ن)دوره
مايكتب الا برجل(ن) مثلك أولى به
ولايجي غير حزة ضيق وضروره
والابحزة فرح يكمل بها نصابه
وانت السعد بك وفرحة نفس مسروره
ساقت لك الشعر مني قول وكتابه
تدفعني أفعال(ن) لشرواك ماثوره
ياللي قصيدي شدى بأسمك ونادابه
صباح الاحمد ياجعل اعداك مدحوره
الله يجيرك من أهل السوء واسبابه
حيت أن ياأمير مثلك تافي شبوره
وقولك الى قلت كل(ن) يحسب حسابه
لك هيبة(ن) يارفيع الشان محضوره
من يقتربها شعور الخوف ينتابه
وبسياستك يشهد التاريخ بسطوره
تاريخ مجد الوفا صيتك تعلابه
في صفحة المجد لك أسم(ن) ولك صوره
ولشعب يمناك درب الخير تسعابه
تقل المراجل على شرواك محصوره
والا الرداء مثلك يجنبه ويهابه​

 

[Marymary]

صح السانج يا عمري

 

[~MeeMa~]

رد : كل هالورووود الي بدار سلوى ما توفي حبنا لك يا ابونا

يستاهل بابا صباح :d صباح الأحمد نوور هالديره وراعيييهاااا :d الله يخليه لنا انشالله​

 

[::كيك وعسل::]

:: مافي اطيب من شيوخنا ومافي احلى من شعب الكويتي ::
:: والله يبعد عنا اهل الفتن والنفاق والسوء ويرد كيدهم في نحورهم ::
آمييييييييييييييين​

 

[KOKO_284I]

رد : كل هالورووود الي بدار سلوى ما توفي حبنا لك يا ابونا

الله يحفظ الكويت وشعبها وتمم علينا الامن والامان يارب

 

[أمـونة]

رد : كل هالورووود الي بدار سلوى ما توفي حبنا لك يا ابونا

يستاهل فوق المليون ،، ملوين ورده

وفوقهم مليونين بوسه ،، على الراس

 

[$ بنت علمي $]

اي والله

ماافي احد مثل شيخنااا {{بابا صبااح}}

نزل من السياارة وصور وبااس الجهااال وسولف معااهم

الله يخليه لنا ولعيااله لمااشفت المقطع امس

كاان ودي اكوون معااهم

بس صج صج شيخناا غير غيييييييييييييييييييييييييييييييييييييييييير الله يطووول بعمره ويخليه يااارب

ياارب اشوفه وابوس رااسه يااارب

...
اتوقع ماخلصت الحمله روحي ودي الورد مايقلووون شئ!!!

 

[خزنـة التايـــر]

رد : كل هالورووود الي بدار سلوى ما توفي حبنا لك يا ابونا

صج صج تمنيت اني أحط ورد جدآم بيت بابا صبآح .. بس للأسسسف مآ حصل ..
ان شاء الله بالمرآت الياية ..

وبابا صبآح يستآهل مليآرآت مو مليون وردة بس .. عسى الله يحفظه لنا
كلللل هذا بصوب ولما نزل من سيآرته وسلم على النآس بصوب ثآني ..
ما اقول الا عسى الله لآ يحرمني منك يا ابونا

 

[زيــــن ستايل]

رد : كل هالورووود الي بدار سلوى ما توفي حبنا لك يا ابونا

صح لسااااااااااااااااااانج

 

[كيك وحلاوة]

الله لايغير عليكم ويديم افراحكم وافراحنا

 

[المنقسي]

رد : كل هالورووود الي بدار سلوى ما توفي حبنا لك يا ابونا

يستاهل أبونا الغالي ورود العالم ما توفيه حقه الله يحفظه يارب ويحفظ ديرتنا الغالية _ الحمدلله أنا رحت مع عيالي وحطينا الورد وتشرفت بشوفة حفيدته الغالية الشيخة حصة وسلمت عليها وكانت حييييل متواضعة وصورنا معاها الله يحفظها يارب ويحفظ شيوخنا كلهم يارب :yaaaaaarb::yaaaaaarb::yaaaaaarb:

 

[أم علي الرفاعي]

اي والله
كل ورود الدنيا ما توفيه حقه



يسلموووووو حبيبتي

 

[الجفووول]

يستااااااااااااااااهل ابونا عسى ربي يحفظه


ودي ياقلبي يصير ليش لا

 

[ام عبدالمحسن]

الحمد لله الله يدوم حكمنا ويحفظ ديرتنا
وصح لسانج

 

[LAVENDER-Kw]

رد : كل هالورووود الي بدار سلوى ما توفي حبنا لك يا ابونا

بادرة طيبة من اهل الكويت
وعسى الله يحفظ ديرتنا,

 

[نور مغليها]

رد : كل هالورووود الي بدار سلوى ما توفي حبنا لك يا ابونا

صح لسآنج ....
والله يخلي لنا ابو ناصر