كل واحدة تقولي طريقتها مع خدامتها /خدمها من ناحية الاكل .....؟

[Venice]

السلام عليكم شلوونكم بنات

ابي اعرف كل واحده منكم وطريقتها ...

الخدم ياكلون بروحهم وبعدكم؟

الاكل جدامهم واللي يبون ياخذونه ولا في حدود واستئذان؟

اذا طلعتوا تعملون حسابهم كل مره؟

يعني بشكل عام​

 

[ام فجور 2008]

الخدم ياكلون بروحهم وبعدكم؟ اي بعدنا واكيد بروحهم

الاكل جدامهم واللي يبون ياخذونه ولا في حدود واستئذان؟ اي والله جدامهم حرام بعد نفس ويشتهون الا في اشياء اشتريها اخليها واقولها هذا حقي مثل كاكاو ريدبل

اذا طلعتوا تعملون حسابهم كل مره؟
اذا هم كانو معاي وانا باكل جدامهم اكيد بشتري لهم اما اذا انا طالعه وهو في البيت لا

 

[ام فجور 2008]

وحتى اذا كنت في البيت وبطلب ما اطلب لهم معاي
عندهم الثلاجة ويسوون الي يبونه

 

[ام فجور 2008]

والنتيجة كانت شنو



















بعد اسبوعين مانلاقي شي بالثلاجه
فاحسن حلل لا تحطين الاكل كل جدامهم خصصي لهم كبت وثلاجة صغيرة اغراضكم بروح واغراضهم بروح

 

[bnt_kwt]

انا مثل ام فجور
بالضبط
وترا حتى الكاكاو والعصير اشتري لها واقولها هذا حقج
وهذا حقنا

بما انه عندي ثلاجه صغيره بغرفتي النوم فأحط فيها العصاير والبيبسي وهالسوالف

بس للامانه اي شي اخذه حقنا اخذ لها منه لنها بشر مثلنا

اكلها مو معانا عقبنا وتاكل على كيفها واذا ما نبي ناكل مثلا كيفها اهي تسوي لها اكلها اللي تبيه الثلاجه تحت ايدها
والمطبخ تحت امرها وبالنسبه للمطاعم اذا معاي بالسياره اكيد اشتري لها
بس اذا بالبيت ساعات وساعات واهي اصلا اتموت على شي اسمه عيش ومرق لووووووووووول
غدا وعشا اكلها المفضل

 

[غير كل الناس]

لا والله علي كيفهم ياكلون اللي ياكلونه بس اذكرهم اذا رحت الشبره بفلفل علوب واذا رحت الجمعيه عدس وهالشغلات اللي يحبونها واذا شريت حق عيالي حتي لوبرد اذكرهم حرام بعد نفس

 

[Venice]

حياكم الله بنات وبانتظار باجي الخوات

 

[عجينه]

عندهم المطبخ والثلاجه اللي يشتهونه ايسوونه بالريوق والعشا اما الغدا معانا نفس غدانا بس عاد بعدنا وبروحهم وتعالي شوفي التفنن بالمعبوووج عاد انا اخذ منهم لووووول واما اذا انا طالعه برا البيت اطلبلهم معاي انا واليهال اما اذا بالبيت اطلب بس حقي اهم مايحبون اكل المطاعم عندج ميري اذا ماطبخت العيش والمعبوووج تموت هههههههههه

 

[ذكريات]

اذا بنحط الغدا مشلا نحط لهم يعني ياكلون بنفس الوقت

و قبل كنا نخليهم ياكلون على كييفهم قام يخلص عصير المدرسة بسرعة .. بس العصييييير

عاد العصييييير بس باستئذان لووووووووووووووووول

 

[Venice]

صح في ناس عادي وفي يفضلون الاستئذان لانه عندهم انهم ماينعطون ويه

 

[أسـيـل]

طبعا الخدم ياكلون بروحهم ومثل اكلنا وزياده ومشاءالله ياكلون اكثر منا وعمري ماحرمتهم من شي كل شي آكله اجيبلهم مثله حتى خرابيط اليهال اجيبلهم علشان ماتصير عيونهم باليهال وطبعا ماتلاقين شي بالثلاجه

 

[نورالعين]

ننجب لها معنا في الوقت ونحط غدانا وهي غداها بالمطبخ

ونتغداء بنفس الوقت احنا بروح واهيابروح

 

[##بسايم##]

انا بالنسبه لي خدامتي القديمه زين ما تاكلني كانت حيل شهيتها مفتوحه ماشاءالله وكانت عشتوا لها طلبات اوقات تشتهي رهش بعز الصيف واجيبلها واذا رحنا بيت حمولتي انتغدى اتفشلني تاخذ وياها مطبقها وتعبيه حق العشا بس اشوى راحت اما خدامتي الجديده كلش ما تاكل وانا اشجعها بس ماكو اشوي واحلف عليها طبعها حيل تستحي بس انا اخليها اتريق على راحتها واهي من النوع اللي ما ياكلون لحم فاذا كان طباخنا لحم اقولها سوي اللي تشتهينه وعشاها على كيفها ما اتقيد فينا واذا بالمطعم اكيد اطلب لها واذا في البيت نبي نطلب اسالها اذا تبي اوقات تقول ابي واوقات كثيره تقول لا بسويلي عيش والله الصراحه انا ارحمهم كفايه عايشه بغربة وبعيد عن اهلها وفقر الله يرحم حالهم

 

[*ملكة*]

عادى ويانا
ان طبخنا خليت لها الاكل بالمطبخ متى ما تبي اكلت .. وبرمضان احيانا احط لها الفطورقبلنا واحيانا واحنا نتفطر اتنقص لها وتاخذه وتصعد غرفتها ومتى ما تفطرت نزلت ونظفت
اما الريوق والعشا الماجله وحده وما خصصت لها شي اكلنا وااحد

 

[قلوووب]

والله انا بصراحه ما احب واحد يطالع ابحلجي شاكل احب انهم ياكلون مثل ما انااكل وهمن اعيالي
بالنسبه للغذا احطلهم النجبه الأولى لهم عقب احنه ناكل من الجدر..
والعشا اذا اهم مو معاي بره عاد اتعشه مو شرط اقولهم..بس اذا كنت بالبيت..ههههه بصراحه حسب الميزانيه اذا معاي اسألها واذا لا استعبط او اطلب لمن ينامون
واهم اللي عندي اندونيسيات قللليل اكلهم الله يرزقني نفس معدتهم ههههه
الهنديه اشوي اكوله ماشاء الله مثل خدامت بنت عمي وجها منجب..تقول بنت عمي اذا ناسين انحطله شي من الأشيه اللي بالسفره تجيب صحنها تحط لها واحنه قاعدين بدون اذن وتروح
بوووفيه مفتوح هههه
انا الثلاجه اقولهم اللي تبونه اخذوه..بس عجبتني سالفة اقراضنا وأقراضكم..جني بسويه
اهو يستحوون مرات ايمدون ايده
وانشالله حير

 

[alothoob]

احنا الغداء في نفس الوقت نحط لها ولنا

وام الكاكاو لا اقول هذا حقي لا تجينه وبس اشتري لهم مع عيالي ياكلون معهم

واما الثلاجه والمطبخ لهم ماشاء الله ما يحتاج اول باول يخلص
واذا لب بلبيت احيانا اطاب واحيانا لا ما اطلب لهم لانهم يصيرون متعشين وخالصين واذا معاي برى اكييييييييييد بطلب لهم معاي

وسلامتكم

 

[ريماا]

الهنديه اشوي اكوله ماشاء الله مثل خدامت بنت عمي وجها منجب..تقول بنت عمي اذا ناسين انحطله شي من الأشيه اللي بالسفره تجيب صحنها تحط لها واحنه قاعدين بدون اذن وتروح
بوووفيه مفتوح هههه

لووووووووووووووووووووووووووووول حيل ذربة
اممم انا اذا شريت لعيالى خرابيط برد وككاو وبطاط للعصارى لازم اعطيهم اخاف على عيالى من عيونهم
طبعا الثلاجة مفتوووحة شنو مايبون كيفهم بس اذا خلصت الماجلة بسرعة اتعمد مااشترى جم يوم عقااب ههههههه
وكل شى اشترى لمدة اسبوع فقط توست وصمون وحلوم واجبان وزيتون وبيض وغيرهم كلة عينات لوبتكفى بتكفى اسبوع اذا اخلصت قبل مااشترى ابداا لحد مايمر اسبوع
اهم اكثر شى يستهلكونة العيش والعدس وطبعا خداهم مثلنا انا انجب لى ولعيالى ولزوجى وانجب للخدامات والسايق بنفس لوقت واقولهم اكلو انا احب اودى السفر بنفسى وارتبها بنفسى
ككاواتى وبساكيتى والكيك والشبس والعصاير والحليب بانواعة بثلاجتى الخاصة او بدولابى الخاص

 

[جدة الحلوين]

انا بعد عندهم الثلاجة ياكلون اللى يبون والشى اللى ابى اقول لهم هذا حقى اوحق بابا مايجيسونة وباالنسبة حق العيش يحبون الجاول
ويسوون معاة اى نوع مرق اوحمسة يحبونها واجيب لهم عيش التموين حرام اللة يحاسبنها عليهم

 

[ام فهدان الكويتيه]

لا والله انا اعطيهم اللي يبونه بعد خو اهمه مو شايفين خير
واقولهم اي شي تبون اكلو لا تستاذنون والله كل شي جدامهم
واذا على الاكل اهم ينطرون لين نخلص
عشان الحبايب يقعدون على الراحه
مايحبون احد يناديهم وهم ياكلون

 

[شكليطه]

والله بالنسبه للريوق.....اهما يسوون اللي يبونه كيفهم

والغدا قبل لا ينجبون لنا يعزلون لهم.....ويتغدون بنفس وقتنا او عقبنا كيفهم لكن ما نجبرهم

واذا كنا طالعين واهما مو معانا قلنا لهم سووا لكم عشا اللي تبون

واذا كانوا طالعين اكيد نطلب لهم بعد حرام تصير عيونهم بالاكل ولا ياكلون


وبين فتره وفتره نوديهم الجمعيه يشترون اللي يبونه وخصوصا اذا كان عليه عروض

يعني كانت عندنا خدامه تموت على نسكافيه 3×1 .......ووحدة ثانيه تموت على البيبسي فقامت تشتري بو200 وتخليه عندها بالدار
متى مابغت شربت


وحتى ساعات نوديهم مركز سلطان والا لولو هايبر والا كارفور عشان يشترون اكلاتهم وخضرتهم اللي يبونها