كل وحدة تدش تقول لنا شنو دارسة وشنو وضيفتها

[Gomrhom]

السلام عليكم بنات

تقبل الله طاعتكم

حبيت اطرح موضوع عليكم عشان نستفيد من خبرات بعضنا لبعض

ياريت كل وحدة تدش تقول لنا شنو مخلصة دراسة وشنو تشتغل حالية وين وضيفتها


وشنو التخصصات الي مرغوبة وراتبها عالي بالديرة

اتمنى منكم التفاعل

طبعا انا قاعدة ادرس حاليا هندسة هذي اول سنة لي

تاخرت سنة بسبب الضروف الزواج بس ندمااااااانة حيل لاني ضيعت من عمري سنة :0bee2e8d89:

بس الحمدالله عسى تكرهو شيء واهو خيرا لكم

ناطرة مشاركتكم الحلوة_03BA:​

 

[برونزية الكويت]

اولا منا ومنج حبيبتي ثانيا انا العلوم الادارية تخصص محاسبه وخلصت دراستي بس ما توظفة ولهيت بالزواج وبس يعني للحين ما عندي الرغبه بالعمل تو الناس اخذ نفس شوي ويسلموو حبيبتي على الموضوع

 

[dam3t7zn]

خوش مووضوع والله

انا قاعدة ادرس مختبرات اول شيء كنت مو مقتنعة فية وايييد بس ماكان عندي اختيار ثاني

اول سنة لي وبالتوفيق لي ولج وكل البنات المنتدى

 

[Bamya]

موضوعج حلوو عشان نستفيد

درست جيولوجيا والحين موظفة بشركة نفط الكويت وقاعدة أكمل ماجستير



بنظري أقوى المناصب في الكويت تكون في :

-ديوان المحاسبة << يحتاج تخصص محاسبة وتخصصات إدارية واحيانا ياخذون حقوق
-وزارة الخارجية << يحتاج تخصص علوم سياسيه وشوية من علوم إدارية
-مؤسسة النفط kpc بكل قطاعاتها ( koc,knpc,kgoc,kufpec) << يحتاج تخصص هندسة (كل تخصصات الهندسة ياخذون) وجيولوجيا وتخصصات إدارية أحيانا
-الهئية العامة للصناعة << يحتاج تخصصات إدارية وياخذون هندسة صناعية

تقريبا كل اللي هالجهات يحتاجون واسطات قوية لأن رواتبهم ومناصبهم قوية ومرغوووبة

وطبعا ماكو واسطة أقوى من الله

 

[katko0ota]

اول شي منا و منج حبوبه

ثاني شي انا مجال دراستي اداب ( فرنسي و انجليزي) و بالنسبه لعلاقته مع شغلي كلش ملش ماكو علاقه (مجال الأسهم و العملات في الأسواق العالميه في بنك محلي) بس الحمدلله بالدورات و المثابره ناجحه في مجال عملي

 

[لمعة**الماسة]

انا عن نفسي درست سكرتارية بالمعهد التجاري

وأشتغل سكرتيرة

ما كنت مقتنعة وللحين مومقتنعة بس الحمدلله

 

[^_^ حوراء ^_^]

انا بالثانويه << لقااااااافه


بس ابي ادرس تربيه اساسيه


^_^

 

[amaloh]

انا كنت ادرس بالعلوم الاجتماعيه تخصص علوم سياسيه ما اعجبتني الكليه من اول ما انقبلت وبهالصيف حوولت حقوق والله يوفقنا

 

[رند]

خوش موضووع

انا معاي دبلوم اداره وموظفه
والحين اكمل بالجامعه تقنيه معلومات

وبالتوفيق لي وللجميع

 

[• قلبه نصيبي •]

انا الحيين ادرس سكرتاريه وللحين ماخلصت

 

[violet*q8]

:eh_s(6):
:ggdw:
:dddds:
مادري ليش مستانسة
اول سنة جامعة--تربية
زين ولا شرايكم؟؟؟؟
ولا احوول---------بسم الله توج دااشة :krkrkr:
شكرا

 

[لاتجرح المجروح]

انا ادرس بكليه العلوووم تخصص رياضه ماليه ثاني سنه

Bamya<< شنو يعني ديوان المحاسبه ؟؟

 

[امنيه]

دبلووم محاسبه واشتغل في وزاره التربيه

 

[RegaLoS]

علوم سياسية جامعه الكويت
موظفه باداره العلاقات العامة والاعلام بوزارة من وزاراتنا الحلوه

 

[قـہۈه فـرنسيـہ™]

شهادتي بكالريوووس تربيه ,,, والحين صار لي سنه بالتدريس ,,,

ان شاء الله بطلع ,,,لأن المعاش بصراحه شوي على الكراف اللي نكرفهـ ,,,أبي مكان يقدرووون الموظف ,,,

وان شاء الله بعد بكمل ماستر

 

[* Na3oMa *]

بالنسبه لي ,,

انا توني متخرجه من كليه التربيه الاساسيه تخصص تربيه فنيه والاسبوع الياي يقولون لنا وين حطوني بأي مدرسه

 

[سلينا]

مرحبااااااا..... انا بكلية العلوم الاجتماعية توني اول سنة والله يستر........وانا بنظري احسن مكان من حيث المعاشات الداخلية

 

[زبــــــــدة]

ادرس ادارة اعمال - نظم ادارية

وللحين ما تخرجت

مليت من الدراسه استغفر الله

 

[« لـ / غيـرگ »]

آممممممممممم


آنـآآ ادرس بكليه التربيه جامعه الكويت تخصص عربي رآبع سنه ومتآخره سنه يعني باآجي لي سنه زياده غير الجآيه


التوفيق للجميع يآرب​

 

[Spoildish]

انا درست تصميم مواقع و خذيتلي جم مادة لتصليح الكمبيوترات واسويلها فورمات يعني اخر شي اشتغلت بالداخليه قسم المخالفات واسوي كتب! شكو مادري :0bee2e8d89: