كل وحدة تقولنا طريقتها بتصفيف جناطها - لو سمحتو

[اعييز]

هلا بخواتي وبناتي ،،


باختصار أبي حل حق جناطي !؟ غربلووني والله مادري شسوي فيهم ولا أدري وين أحطهم :eh_s(4):

إن حطيتهم بيراره ينعفلون ويخترب شكلهم يعني لازم ادحبهم عشان يردون ايتسمتون

وإن حطيتهم بسلة نفس المأساة + غبار فأحتاج أطلعهم وأنظفهم وأرد أحطهم بالسلة


اشهالحاله .. ؟ والله تلعوزت وتغربلت وتأذيت و --> بس خلصو كلمات الأذية :eh_s(3):





** ملاحظة :


الجناط اللي حق الطلعه مو جناط السفر أو الجناط الكبار .. لأن هذول بكبت خاص فيهم + فرزت الجناط يعني ماعندي جنطه مابيها وشاغله المكان :eh_s(1):

 

[هدوي]

اممممم حالي من حالج
بس انا الحمدلله عندي وسع الله يوسع علي وعليكم خخخخخخخ

يعني الجناط حاطتهم أو صافتهم وهما واقفين يم بعض يعني طابور خخخخخ

فعندي كذا كبت حق الجناط ​

 

[سمسميه]

حطيهم بارضية الكبت خوش مكان ما يتعفسون وقفيهم

 

[اعييز]

هدوي


الله يوسع عليج ياربي ويوسع علينا وياج

 

[اعييز]

سمسميه


لا الارضيه حاطه فيها جواتي تكرمين وباجي الجواتي بره الكبت---> حوووسه والله

 

[سمسميه]

اعييز الجناط اولى
طلعي الجواتي وخليهم بره

 

[اعييز]

تهقين؟ والله عاد اذا حطيتهم صج صج بتقل دثرتي ياعل عمرج طويل ياسمسميه

 

[سمسميه]

الله يسلمج
بس تبين الصج احنا دثرتنا عمرها ما تخلص وحتى اذا خلصت رحنا وشرينا دثره بدالها!!

 

[ياعنك لي لابة]

انا شارية من ايكيا الرفوف اللي من خام اللي تنعلق بالكبت .. وحاطة فيها الجناط .. والثاني للجواتي وانتم بكرامة ..


شايلين عفستي والله ..

.

.

.


مع التحية

 

[سبائك]

وي نفس حالتج يا اعييز

وانا مسويه طريقة سمسميه بس المشكله ان ايد الجنطه تتعوى وتتجفس!!!!!​

 

[زلابيا]

اي صح انا مثل سمسيه حاطتهم بارضية الكبت لان الصج دثرتنا ماتخلص لااله الا الله علينا

 

[supermarket]

حشيهم جرايد وقراطيس علشان ماتعفسون

 

[Suki_Candy]

نفس الحاله معاناه مع الجناط بس بسوي شنو اسوي اروح حق ايكيا و اييب الي تعلق داخل الكبت عند اختي وحده تهههبل و ترى تنفع عزكم الله حق الجواتي بعد


تحياتي يا حياتي

 

[اعييز]

زلابيا


اي والله دثرتنا ماتخلص خلاص بتوكل على الله وباجر يوم التسنع العالمي عندي ان شالله ^_^

 

[اعييز]

supermarket


فكرت فيها وايد بس راح اتغربل .. لأن الجرايد اتعلَم


بشوف واقولكم اشتوصلت له

 

[اعييز]

Suki_Candy


اي والله امي حبيبتي قالت لي .. والحين ثاني وحده اشوف فكرتها



الحين صارو 2 بالكبت .. 2 اللي يتعلق بالكبت .. 1 احشيهم ^_^

 

[طال السكوت]

عييز


والله والله ان احلى شي بالموضوع كله ...................

توقيعج ..وربي انه اثر فيني كثيررررررررررررررررر

عسى الله يرحمه ويبرد قبره كان يحب ارضه واهل ديرته

وتذكرت الغزو ولما سجد وحب الارض جدام الناااااااااااس كلهم

عاش غاااااااااااااااااااااااالي على قلوبنا

ومات وهو اغلى ........والله نشتاق له دايم ونطريه ونترحم على محاسنه

وجزاج الله خير على هالتوقيع اللى يذكررررررررررنا بصورته

وكلماته وطيبة قلبه

اللهم اغفر لجابر الاحمد وارحمه ونور له في قبره

وارحم اخى واغفر له ونور له في قبره

وارحمنا اذا صرنا اللى ما صاروا اليه

 

[* مـذهـلـه *]

شوفي حبيبتي انا قايله للنجار يسويلي مع الكبت مكان كامل حق الجناط مخصوص على طريقة ارفف و اوزع الجناط بالارفف و بجذي مرتاحه حيل ​

 

[عرووووس الكون]

نفس الحاله خخخخخخخخ



بس انا صافتهم يم بعض بالكبت

 

[روزالكويت]

انا شريت من مركز سلطان الارفف الخام اللي تنحط علاق بالكبت وحاطه فيها شحاطاتى الماركه ملوت الحفلات وبعض جناطى الصغار والكبار منهم موقفتهم على عدالهم بالكبت تحت الهدوم وحشيتهم جرايد عشان ماينعفس شكلهم ويختربون ويحافضون على منظرهم..

وبس موسم الشتاء اغراضه كلها تنشال معاه مثل جناطى المخمل والشامواه بالصيف اشيلهم بجياس زباله تكرمين واحشيهم جرايد بعد واحطهم بالمخزن دار بروحها حق الكنابل والهدوم الشتويه والمواسم وهالسوالف اكيد عندكم في بيتكم مكان جذى..