كل وحدة تقول اهي بأي روضة..واشلون ادارتها

[الوردة^البيضاء]

اشلونكم ابلات الرياض
حبيت اطرح هالموضوع عليكم ..بس ماني عارفة اذا احد كاتبة قبلي ..:eh_s(6)
انا ابلة بروضة بيان..وحابة انقل عالسنة اليديدة روضة ثانية ..الصراحة الناظرة و الوكيلة يهبلووون ..بس حابة انقل لاسباب شخصية:eh_s(22):
كل ابلة اذا تتفضل تقولنا اهي بأي روضة ..واذا ماتحب تقول بأي روضة بالتحديد..
تقولنا بأي منطقة..واشلون ادارتها ..
وتعم الفايدة عالجميع...واكون شاكرة تعاونكم معاي:eh_s(17):

 

[مشغوله و محتاسه]

حبوبه اذا الناظره والوكيله يهبلون مثل ما تقولين ... حااولي تتمسكين بروضتج قد ما تقدرين .. ترا مو سهل تحصلين روضه زينه ..
يعني صج انتي قلتي اسباب شخصيه .. بس نصيحتي لج .. عيدي النظر ..
ان شاء الله البنات يفيدونج ..



<---- وحده مدرستها تلوع الجبد بس متمسكه فيها لان الاداره ممتازه

 

[abla_momaiza]

صاجه محتاسه طالما ادارتج زينه ما عندج سالفه تنتقلين واي شي يهون انا اعرف وحده بيتها بالجابريه وروضتها بهديه بس مرتاحه آخر راحه شنو يعني بعد المكان صدقيني اهم شي في عملنا الاداره . للأسف انا مو مرتاحه بالروضه والسبب المشرفه الكل بالكل لاغيه الناظره وهي الآمر الناهي بالروضه والسبب شخصيه الناظره المهزوزه قاعده بالروضه لاني صعب اتاقلم في مكان ثاني والله المستعان

 

[ejtma3ia]

وناااسه أبي أيي بيان (اهي ببيان صح)؟؟
انا روضتي بالسالمية .. والادارة حدها أوكي .. بس ما أضمن انهم اضلون لي السنة الياية
هذا اللي محيرني ومخليني وددي انقل
بس قرب وبعد الروضه مو أهم من ادارة زينه ترتاحين فيها
الله يعين الجميع

 

[الوردة^البيضاء]

مشكورييين خواتي علردود
بس شلفايدة اذا الناظرة و الوكيلة يهبلون والمشرفة حاطتهم مثل الخاتم بصبعها ..
واهي حاطة علي انا بالذات حطة ,,لاني قعدت مع الابلات للي اهي ماتحبهم,,تخيلو حطتني مع ابلة متعينة شهر 9..وانا بعد يديدة ..بصف واحد...
اذا سلمت ماترد السلام
ويوم داومت عندهم بعد اجازة الامومة قالتلي :
رديتيي..مو قلتي بتنتقلين,,غريبة العادة ما يردون المدرسة نفس الروضة للي كانت فيها..
تخيلو بطت جبدي..هلكلام بس هلجم يوم للي داومتهم بعد الاجازه..:eh_s(14): الله يعيني عليها الكورس الياي..
وبنقل عالسنة اليديدة..بس ابي روضة ادارتها زينة

 

[مشغوله و محتاسه]

اممممممم

مشكله والله ..

اهو النقل مو اكيد يكون للروضه اللي تطلبينها عرفتي ؟
يعني مشكله من كل الجهات ..

بس ما فهمت .. منو اللي ما ترد السلام ؟؟ المشرفه ؟؟

ما عليج منها .. تعاوني مع زميلتج و اسئلي عن اللي ما تعرفينه .. سواء زميلاتج بالروضه او هني بالمنتدى .. البنات ما شاء الله ما يقصروون والله ..

و دوري عاللي يريحج و الله يوفقج

 

[الوردة^البيضاء]

هلا مشغولة وحتاسة
انا اقصد المشرفة. ..ماااتحبني ..عساها بهالحالة وردة..مو هامتني كلش بس لان بيدها كل شي ...تخيلو تقؤيبا 7 ابلات ومنهم اداريات انتقلو من هالروضة بسبتها..ومنهم امومة بعد يصيرون 8..
بس تحب ربعها..انا لاني قعدت عللآخر السنة مع الابلات للي ينتقلون...للي ماتحبهم ...فانا علي x الحين..
وهذي كل السالفة

 

[أمواج البحر]

انزين ما قلتي اي روضة؟؟؟

انا عيالي بروضة في بيان بس اي وحدة فيهم بالضبط يمكن اعرفج

وحدة داشة عرض خخخخخخ ​

 

[حمامة سلام]

اهم شي الاداره صدقيني

انا مو بروضه ولكن .. اشتغل بمدرسة مشتركه

والله يعينج

 

[قايد الغزلان]

انا في ام الهيمان والحمدلله ادارتي زينه .. والله يعينج عالكورس الجاي ويوفقج بروضه احسن ترتاحين فيها يااارب

 

[julanar]

أبلات .. من منطقة لي منطقة .. يفرقون اليهال وأولياء الأمور ولا نفس الشي ؟

 

[الحياة]

انا بروضة بالسالمية وادارتنا ولله الحمد واايد زينة بس على السنة الياية بتغير الوكيلة والناظرة .. بس الادارة الحين اوكي
ومشالله بعد الأبلات اللي وياي يهبلون يعني الحمدلله ستاااف كامل والكامل الله اللي حابة تنقل حياها عندنا بعد

 

[كبرت وراحت على]

انا بروضه بالفروانيه

اخرطى بخرطي

احنا الامرين الناهين

بس المشرفه والموجهه قشر

 

[عهود الحب]

انا بمنطقة الفروانية التعليمية
كنت بروضة زينه بس انحشت منها بسبب القيل والقال
والحش والنميمة وشخصية الناظرة حشا صدام موناظرة
والمشرفة كرهتني بسبب شنو مادري
والوكيلة عصبية وموصاحية وبسرعه تقلب عليج
والابلات ماشين معاهم على طريقة نافق تعيش
ماقدرت انافق واسوي مثلهم
وتعرضت لاستفزازات شديدة من الادارة
وبعدين قررت انتقل
والله ماتحسفت يوم واحد عليهم
جان زين ناقلة من زمان
الحمدلله انا الحين احسن حالتي بواجد
واتمنى انج تروحين لروضة زينه
موفقة ياقلبي

 

[الوردة^البيضاء]

مشكورييين حبايبي
عهد الحب زين سويتي انتقلتي روضة ثانية
وعندنا وعندج خييير
انا بنقل السبةالمشرفة والقيل والقال......
والفتن بعد
بس انا ودي انقل رميثية او مشرف او سلوى
اتمنى انقل روضة ارتاح فيها
لان دوامتج يأثر على نفسيتج
وتعاملج مع زوجج وعيالج واهلج
عدل كلامي يا ابلات

 

[الحياة]

عدل كلامج يالوردة

 

[الزين يفرض نفسه]

بسم الله خرررعتوووووووووووووني انا توني تربيه عمليه هالكووورس :eh_s(1):



؟؟؟؟؟

 

[لوميه]

انا بصراحه اللي يهمني المعلمه اللي معاي بس والا الاداره والمشرفه عادي ما هموني كلش والشخصيه اهي اللي تفرض نفسها على الاداره والكلمه الطيبه والابتسامه ...

الحمد الله على كل حال ...

 

[PINK CHEEKS]

احب اقول لكم ان مشكلة وظيفتنا لها اكثر من جانب مثلا اذاارتحتي من الادارة شلتي هم المشرفة اذا ارتحتي من الوكيلة شلتى هم المدرسة اللي معاج اذا اتساعد ولامطنشة وبايعتها وتغيب ومايهمها الامتياز تاخذه وغير هذا عندك الهم الاكبر الموجهة اذا عجبتيها ولا لا وانا بالنسبة لي كل سنة عندي علة من هالعلل

 

[الجميرا]

انا كنت كاتبة نقل بس هونت :eh_s(17):

اهم شي الناظرة و المدرسات بالنسبة لي انا مدرسة جديدة المشرفة قايلة لي ماتصلحين مدرسة لازم احولج إدارية ماادري وزارة ابوها مع ان الموجهه يوم دخلت علي مامسكت عليا ولا نقد الا الوقت وكانت تمدح فيني بالاطفال وضبطهم وحبهم لي قاعدة :eh_s(3): على قلبها:eh_s(3): اهم شي الناظرة واشلون اكسبها