كل وحدة تكتب أعراض الحمل اللي صادها قبل موعد دورتها

[Luna]

مرحبا امهات وشابات

انه بغيت افتح هالموضوع لأنه كل أمرأه تختلف معاها الأعراض وفي ناس سبحان الله مايحسون بشيء

وفي ناس على قولتهم احساسهم مرهف يمكن يحسون بالحمل من الأسبوع الأول



انه بنات شاكة اني حامل .. بس ما ابي أحط أمل وايد


عندي شوي أعراض

انه موعد دورتي الشهر اللي طاف كانت 9 ديسمبر ومدة دورتي 31 والحمدلله منتظمة زي الفل

يعني موعدها المرة الياية المفروض 8 يناير او بالكثير 9


بس قبل اسبوع تقريبا بتاريخ 26 حسيت بألام فضيعة أسفل البطن ووخزات في أسفل الظهر

واستمر الألم لمدة أيام .. لهذه اللحظة يجيني ألم أسفل بطني بس على فترات متقطعة وخصوصا إذا تحركت فجأة

الآلام كأنه شي يتقطع داخلي

وقبل يومين قام يجيني آلام اسفل الصدر مباشر او أعلى البطن

وأمس صادني رشح واليون ارتفعت درجة حرارتي وصداع خفيف

وأحس بجفاف في حلقي ولوعة خفييييفة غير ملحوظة

فسينو رايكم بنات .. هل انطر لموعد دورتي واسوي تحليل .. او يصير ألحين



بنات عفية مو تنسون كل وحدة تكتب الأعراض اللي صادتها بلييز

 

[Eng.Kokoro]

انا صاادني هم نشلة كاان بيوووم ويروووح وبعد فتره يرجع يتم يووم ويروووح

وحراره جسمي ترتفع بس مو دايماا

و حاسه الشم تقوىىىىىى

والصدر حلمات تتغير لونهم وكنت اشوف عروق الدم

وكله انااااااااام

هذا صار بالشهر الي ماتوقعته أني حامل خخخخخ توني استوعب انه كان في ااعراض

وأي نسيت شكل الجسم يقولون يتغير بصراحه ماادري شلون حمولتي شكو فيني حامل قبل لا أحلل من جسمي 

ولا تحللين الحين ونطري الموعد اذا تأخرت بوووم حللي

والله يرزقج ويرزق كل محرووووومه الذريه الصالحه ويحفظ مافي بطووونا

 

[Luna]

انا صاادني هم نشلة كاان بيوووم ويروووح وبعد فتره يرجع يتم يووم ويروووح

وحراره جسمي ترتفع بس مو دايماا

و حاسه الشم تقوىىىىىى

والصدر حلمات تتغير لونهم وكنت اشوف عروق الدم

وكله انااااااااام

هذا صار بالشهر الي ماتوقعته أني حامل خخخخخ توني استوعب انه كان في ااعراض

وأي نسيت شكل الجسم يقولون يتغير بصراحه ماادري شلون حمولتي شكو فيني حامل قبل لا أحلل من جسمي 

ولا تحللين الحين ونطري الموعد اذا تأخرت بوووم حللي

والله يرزقج ويرزق كل محرووووومه الذريه الصالحه ويحفظ مافي بطووونا

مشكورة حياتي الله يسمع منج

والله يتمم لج حملج ان شاءالله ويبلغج مناج وتقومين بالسلامة ان شاءالله

 

[أم عزيـز]

انا اصير عصبيه حيل وما اتحمل شي

والله يعزج روحه البول عندي تصير قويه مميزه قبل موعد الدوره بجم يوم
وعواار ظهر

 

[فتون777]

دوخه وغثيان خفيف
وبعد ما عدا موعد الدوره اختفى
وكنت اروح الحمام عشان البول كثيييييير
وحاشني الم في مبايضي
وسخونه
وصداع عنيف
وانا كنت متأكده انه حمل
نطرت الدوره بيومها وماجات
اشتريت تحليل منزلي طلع سالب
عاد انا حملت قبل شلون يضحك علي هالتحليل
واجيب كشاف ههههه تعرفينه مصباح يعني
واتأكد ان ماكو خط ثاني
وجبت نوع ثاني وطلعلي خطين الحمدلله

 

[om 7sony]

قبل لا ادري اني حامل
حسيت صدري فجاة كبر ،،، بدون مقدمات
وانا كنت متعوده ان قبل موعد الدوره باسبوع او خمس ايام عالاقل ييني الم مثل الم الدوره ،، مقدمات يعني
بس هذاك الشهر ما ياني ،،، ياني الالم يوم الدوره بس ما نزل شي تكرمون،،،، معني كنت احس بنفس اعراض الدوره بالضبط واحس ان في شي تكرمون ينزل بس لم اروح اشوف ما القى شي

وحللت بعدها والحمدلله طلعت حامل ،، ربي لك الحمد ولك الشكر يا الله

 

[Miss trfa]

الشي الوحيد اللي لاحظته قبل الدوره اني صرت عصبيه وبسرعه اتنرفز على اتفه الاسباب
يعني لو اثنين يسولفون عندي اتنرفز


حللت منزلي بعد موعدها ب ثلاث ايام منزلي وطلع خط خفييييييف رحت حللت دم وبين معاي الحمد لله

عقب موعدها بيومين احس بالم اسفل بطني

اما لوعه ودوخه كلش ماحسيت للحين
انا اقول نطري موعدها وحللي

*و بشرينا

 

[رووح ابووها]

ااااب

 

[-فلانة-]

انا حسيت بأعراض الدورة العادية،،
مغص بالبطن و عوار ظهر وعوار صدر والنفسية إكس طبعا،،
بس في وحدة شافتني قبل موعد دورتي بأسبوعين وسألتني إنتي حامل؟؟؟ ويهج متغير و عيونج ذبلانة بس ما أدري آنا ما كنت ملاحظة شي على نفسي غير الأعراض العادية،، وكنت متوقعة الدورة تنزل بأي وقت بس طلعت حامل ربي لك الحمد..
إنشالله ياااااااااارب يرزقج الحمل السليم المعافى..​

 

[Model Look]

انا كله دايخه وتعبانه ومالي خلق وعوار بالصدر (صدري صار متفوخ ويعورني)

وظهري عوااااار مو طبيعي

وشكو اني حامل ي صاير اصفر ويتني دووووخه كنت اميل بسبتها ويختل توازني احس بطيح

انا شكيت بعد لاني احس نفسي مو مثل كل مره وحللت بيوم الدوره طلع واضح

 

[Luna]

مشكورين يا بنات على الردود

سوري بنات ما اقدر ارد عليكم وحدة وحدة لأنه السخونة ذابحتني مو راضية تفج عني

مع اني ماعندي إلتهاب ولا شي

ومانفع معاي لا بندول ولا شي

مو قادرة انطر زيادة بروح اشوف شسالفة السخونة

ادعوا لي يا بنات

 

[زين ودلال]

لوعه

وروحة الحمام تكرمون تكثر

 

[Q 8 Y A t]

الله يسلمج انا صارت معاي اكثر من شغله

صدااااااااااااااااااع

لوعة استمرت ايام


ظهري يعورني كأنه عوار دورة


نزل دم بس اشوية انا احسب انها دورتي ووقفت الصلاة يومين

احترت


كلمت رفيجتي قالت لي انطري موعد الدورة وحللي

وحللت

طلعت حااامل

والحمدلله

 

[نونه الزعفرانه]

انا نفس اعراض الدوره بالضبط
مغص الدوره
صداع
وبسرعه اتنرفز


ماكو شي تغير معاي لما حملت

 

[tbola]

انا كانت نفس اعراااض الدوووووره

 

[حرم_الغلا]

أعراااض الدوره؟: لدرجه كنت أكل مسكن وأحس أنها نزلت ولما أروح الحمام عزكم الله أشوف أفراازات شفاافه:: تأخرت يومين حللت طلع خطين الحمدالله؟!

وتو النااس لاتحليلين: وأذا مستعجله أشري الديجتال يبين معااج لان العادي ماراح يبين والله يرزقج

 

[Luna]

آب

بنات الي تلاحظ تغير في لون البول الله يعزكم

يكون لونه غامج على طول ولا بس لما تصحى من النوم؟

 

[Luna]

إيي قالت ليي الدكتورة مايصير أسوي فحص ألحين ماببين لازم بعد أسبوع

مافيني حيل أصبر شسوي :'(

 

['Basma']

نغزات عند الصدر والمبايض وعواار بالصدر
والم بالبطن مثل الدورة بالضبط

 

[om 3azooz]

كنت احس باعراض الدوره يعني جنه بتنزل وكنت كل اشوي اروح الحمام احسبها نازله و انا طبعا الدوره لازم اجدم بايام وكنت احس بثل وما اقدر اجندس ولما صارلي شهر من عقب الدوره ورحت المختبر والحمدلله طلعت حامل والله رزقني بعزوزي حبيبي الله يحميه ويحفظه من كل شر ياااا رب العالمين