كل وحدة متعلقة بأمها تجاوبني بصراحة بليز

[~انحناءات أنثى~]

وااااااااااي بتخليني ابجي الحيين لان امي وايد حنونه علي و على اخواني...
احبها لانها دايما تقصر على روحها و تشتريلي الي نفسها تكون فيه..
احبها لانها تشتريلي ملابس بالهبل.. كل دخلة سوق حتى لو انا مو معاها تشتريلي..
احبها لانها ما تنزل اللقمه الا و عازمتني على اكلها..
احبها لانها تخاف علي وايدو ما تبي اي شي ياذيني...
احبها لانها كل ما تضايقت او بجيت اتيي و تلمني حييييل و تقول خلاص انا راضيه ليش تكدرين خاطرج...
احبها لانها و ايد تتناجر مع ابوي عشاني..
احبها لانها كل يوم اتقعدني من النوم بحنان و برقه..
احبها لانها كل تدعيلي بصوت عالي.. احبها لانها كله تقول ما تبي شي من الدنيا الا انها تشوفنا مستانسين...
احبها لانها كله تخليني اصير مثل الاميره في اي حفله او عرس.. احبها لانها تحس فيني وتعرف الي بداخلي قبل لا اتحجى..
احبها لانها تطبخلنا كل يوم احلى اكل.. احبها لانها اي شي يعجبني تشتريلي اياه..
احبها لاني لما اعصب و اتنرفز عليها ما تزعل مني.. بس تنطرني لين اهدى واعتذر..
احبها لاني كل ما اشتري لها هديه تتضايق وتقول ليش كلفتي على روحج استانسي بفلوسج..
و الكلام يطووول بس باختصاااار هذي امي.. الله يخليها لي و امهاتكم آمييييييين..

 

[مالي غير الله]

شوفي اختي هذي امج يعني مافي احد بالدنيا اهم منها وهي تعاملج بهالطريقة لأنها في يوم من الأيام كانت امها تعاملها بنفس الأسلوب وانا اشوف ان امج مالقت الحنان والحب من امها فحاولي انتي انج تعوضينها حسسيها دايما انها اهم وحده عندج ودايما احرصي على رضاها مهما عاملتج بقسوه،وفي شغله مهمة لاتنسينها دايما ادعي ربج ان يحنن قلبها عليج
وبالنسبة لي انا تعلقت بأمي لأنها امي جنتي وناري وحتى لما تقسى على اخذ القسوه هاذي بشكل ايجابي واكون متأكده انها ماقست علي الا لأنها تحبني وتبي مصلحتي

 

[بنت العميد]

ما ادري شنو السبب بالضبط بس انا اذا قعدت من النوم يوم ومالقيتها يمي ازعل و اتكدر طول اليوم
حتى لو اهيا عندها دوام وانا لأ تقعدني علشان اشوفها قبل لا تروح

 

[sozeeta]

الف شكر حبيباتي وجزاكن الله خيرا .

شفتو شلون ؟ واضح من كلامكم ان المتعلقة وايد بأمها تكون امها زرعت فيها كل هالحنان والعطاء وحسست بنتها بالامان والطمأنينة . انا ما شفت منها اللي احتاجه .

امي طبعها جاف يعني مو قصة مرات تقسى ومرات تروق مثل ما انا اعمل مع اولادي ، لا اهي على طول متنكدة مدري من شنو ، وانا مو في بالها .

اختي انحناءات انثى : ما شاء الله على علاقتكم ، ذكرتيني في موضوع الهدايا ، مرة امي سافرت جابت لشغالتها هدية اغلى واثقل من هديتي !! تخيلي ! انا مو ميتة على الهدايا بس حزت بنفسي .

عمرها ما مدحتلي معاملة امها لها بالعكس كانت تنتقدها ،مو قدامها بس لي ، وهي تعيد الان نفس الشي ، اولادي يلاحظون اسلوبها ويشكون لي ، بس انا اقول هذه جدتكم تحملوها .

يعني بصراحة هي تعقدت وعقدتني معاها ، فشلون اتصرف بالطريقة اللي تقولونها والعقدة متأصلة بجذور عميقة ؟!
ديني ومخافتي من الله هو اللي يخليني اوصلها مو حناني او اشتياقي اصلا ما اعرف هالشعور .

علاقتنا باااااااردة جااااااااااااافة ، اتمنى تشوفني بنفس العيون اللي يشوفني بها ابوي وعماتي وبنات خالاتي وقريباتي وكل من يعرفني

 

[a7la_frawla]

بنسبة لي .. امي مو بس ام وسلام ... لا اهي اختي وصديقتي ... وكل شي اقولهااا وبينا صراحة كبيييييييييييييييييييييييره

فوق ما تتخيلون ......

اهم شي بالام انهاا تتقرب من بنتهاا وتعاملهاا مثل صديقتهاا ولا تحط حدود بينهم عشان تقدر البنت تفتح قلبهاا لهاا..


ولله لايحرمني ويحرمكم من امهاتنا قولو امين ....

صح كلامج انا معاج 100 %

يعطيج العافيه حبيبتي عالمووووووووووضوووووووووع

 

[الريادة]

حبيبتي الله يسخرلج أمج ان شاء الله .

 

[Miss.6Mo7]

أنآ متعلقه بأمي لاني محرومه من الاخت ! ..
وعمري مآنطرت أمي تحن علي .. بالعكس .. أنآ اللي أبآدر وأحن عليه وأخذهآ بحضني وكل شوي أقولهآ أحبج وأحبج !!

 

[Om_Ksha]

ادعي ربج انه يحنن قلب امج عليج ,, مهما كانت الام تضهر قسوتها فهي بالداخل انسانه ضعيفه يلين قلبها مع الكلمه الحلوه والمعامله الحسنه ,,

واما عن امي مامن مثلها مثيل بس اذكرها اتدمع عيوني .. ماكو ام تضحي بصحتها وبحياتها وتفني شبابها عشان عيالها ماكو يريت نكون كفو لهلتضحيه يالله ترحمها برحمته وتغفر لها وليدتي بعد عمري عوضتني عن غيابها ولي الحين ما شبعت منها وراحت للمولى عزوجل ,,واحس بفرااااااااااااااغ كبييييييييييييييييييير محد راح يملييه ماشبعت منها يابعد عمري الله يرحمج يارب انشالله تكون مرتاحه بالاخره ,, زين جذي خليتيني ابجي









الله يرحمهم برحمته ياااااااااااارب تغفر لهم وترحمهم ,, والحمدالله على كل حال وعيشي كل لحظه مع امج صدقيني ماكو احن من قلبها

 

[sozeeta]

مشكورات حببياتي جزاكن الله خير ، الله يخليلكم امهاتكم .

Om_Ksha : اسفة حبيبتي ما قصدي افتح الجروح ، الله يرحم والدتك ويسكنها الجنة ويصبرك على فراقها .

 

[rawan22]

اختي sozeeta

صدقيني امج كانت ضحيه وللحين تعاني وهالشي واضح ومؤثر في حياتها وعلاقتها وياج

يعني اذا انتي ضحيه لا تحملينها المسؤوليه لان هي بعد ضحيه معامله امها لها

وانت وحده فاهمه ومتعلمه بعكس امك كبيرة واحنا نعرف شلون الحريم الكبار يفكرون

ويمكن انتي تلومينها او تعاتبينها دايم ؟؟

انتي عاملها معامله حلو ومهما تقول او تعصب لاتردين عليها وانتي معصبه

ودام مالها بنت غيرج معناها انها محتاجه لج

اهتمي فيها وعدي وعطيها انتي الحنان واهتمي فيها

بعدين بسئلك طول هالسنين ماتحسين انها لو بين فتره وفترة تحن عليك مثلا وقت الولاده او ايام زواجك او اذا سافرتي ؟

انتظر ردج

 

[sozeeta]

اختي روان حبيبتي انا ما بلومها ولا بعاتبها ، اصلا ما اقدر ابوح لها باللي بصدري تخنقني العبرة من كثر ما هو الموضع حساس ومؤلم وعمره سنين طويلة .
انتي سألتي عن موقفها لما تزوجت ، عارضت لاسباب غير ممقنعة لي ، وتوفى زوجي الله يرحمه وكنت في العشرينات وما كانت تشجعني على الزواج على رأيها حظي وشفته ، لكن انا احب اعيش حياتي بما يرضي الله والزواج سترة وعفة للمرأة ، تصدقين ما كانت تحسسني انها شاعرة بوحدتي او حرماني وكل ما ابغى اطلع اللي بقلبي تقولي مو انتي اول وحدة ولا اخر وحدة اترملت وتفلت منها كلمات مثل اني انا اصريت عليه وما رديت عليها وتزوجته .
وبعدها بسنين لما اقولها ما ارتاح الا لما بتزوج ، تكسر مقاديفي وتقول منو بياخذ ارملة ومعها اولاد ؟! هذا لانها تخاف من العواقب وميالة للسلبية في الحياة انا بعكسها احب اجرب واغامر وما يهمني الناس طالما لا افعل الحرام . وتعايريني ان تفكيري مثل المراهقات لما اصير احلم واتأمل باللي جاي ، ليش يعني حرام اتفاءل ؟!! اصلا لولا الامل والاحلام الله العالم كيف كانت بتمر علي الشهور والسنين لين تزوجت .

 

[sozeeta]

ارجوكم حبياتي ما تفهموني غلط ، انا لا اشكو من امي ، والدليل اني طول هالسنين ما حكيت هالكلام لاحد ،
انا شبه متاكدة انها تعاني من مشاكلة نفسية ، بس كانت الفاس وقعت في الراس وما اقدر ارجع ساعة الزمن للوراء وامحي حرمان الطفولة ،

كل اللي كنت ابغى اعرفه ليش بعض البنات متعلقات وايد بامهاتهم مع اني كنت حاسة بالسبب وتاكدت من اجاباتكم عن تجاربكم وعلاقتكم .

عدم شعوري بالتعلق هو طبيعي نتيجة طبيعة العلاقة اللي رسمتها امي وتمارسها معي عن قصد او غير قصد .

 

[كريستال ليدي]

علاقتي بأمي وايد سطحية و رسمية

صج أمي و احبها و اموت عليها بس العلاقة جدا رسمية

 

[فديتوني..q8]

اللي ابغى اعرفه : هل تعلقتي بأمك وايد رغم قسوتها ؟ وللا حنانها اللي خلاكي تتعلقي فيها ؟

آخ يآقلبي فديت آمي
آقولج ليش آحبهآ وآدعي بكل صلآة آني يومي قبل يومهآ ؟
لآن على كثر مآآضآآيقهآ وعلى كثر مآآزعلهآآ !
آهيآ مآتنآم وآنآ زعلآنة ؟ لمآ آمرض سخونة عآدية
تنقلب آلدنيآ ليمآ آتشآفى حتى مآتنآآم وآنآ لمآ آهيآ تكون مريضة
آنسى وآنآم ولآ همني ! توني حسيت بقيمتهآ لمآ دريت آنهآ مريضة

تدعي لي ليل نهآر آني آتخرج من آلثآنوية
وآنآ كنت آبوق آيقو من ولد آختي وآشبك وآقولهآ آدرس !!
وآنآ آدري آني مآتخرجت آلآ من دعوآآتهآ ..~

آهيآ لو تقولي يبي مآآي آقوول وييه يمه نآدي آلخدآمة !
وآنآ لمآ آبي شغلة شآيفتهآ عند رفيجتي آو بنآت خآلتي تييب لي آيآهآ ع طول

آلله يشفييهآ يآآرب ويطول بعمرهآ ويآآرب يوومي قبل يوومهآآ

نصيحة : حسني علآقتج بآمج آهيآ تحببج آكييد لكن آنتي آبدي صدقيني مآكو شي مثل آمج
وين تلآقين مثل آمج !! مآكو آحن منهآ وربي !!

جد موضوعج نزل دموعي آلله يشآآفيهآ وآن شآء آلله تطلع تحآليلهآ سليمة

 

[sozeeta]

al7ajeiah : شكرا على مشاركتك ، يا ترى ليش العلاقة رسمية ؟ كيف اسلوب امك معك بالمعاملة ؟

فديتوني..q8 :الله يشافيها ويعافيها ويطمنك عليها .

 

[AL 3la]

فــاقد الشي لا يعطيه
هذا السبب

 

[اميره بضحكتي]

لاحول الله حبيبتي مهما كان ترى هذي امج انتي بادري بالحب والحنان تبين تطلعي مري امج واخذيها اشتريلها هدايا نامي عندها
شوفي انا تعلقت باامي لعدة اسباب منها اول شي اهي حنونة بشكل موطبيعي بس الناس كانوا دايم يقولولها انتي قلبج قاسي واهي كانت تتظايق من هالكلام وانا يوم اسمعه كنت احبها اكثر واكثر
ثاني شي لان عمامي وعماتي مايحبونها ودايم يسببولها مشاكل فكنت انا وخواتي الدافع عنها
واهي كانت تتحمل كل شي عشاني انا وخواتي كافي لاتعبت من شي ماكانت تنام الليل
وكافي انها تاكل همي وتحبني وكافي انها امي والله اني افديها بروحي
شوفي انا الحين متزوجة وعانيت من مشاكل واهي دايم واقفه معي وبعد علاج طويل حملت من شهر والله يوم درت صارت تبجي من فرحتها
وقالتلي والله اني لاشليلج بعيوني
والله عندي دمعه امي تسوى الدنيا كلها
عسا الله يطول بعمرها وعمر ابوي ويجعل يومي قبل يومهم امين يارب
وعسا الله يحنن قلب امج عليج ويهديكم وامااانة ترى هذي امج يعني لولها انتي ولا شي ارضيها وادعي لها بالخير
والله لاراحت الام تروح وياها الروح وتبقين كل العمر فاقده شي ماكنتي تعرفي قيمتة يوم كانت عايشه

 

[ضامر السرجوف]

شوفي حبيبتي انا بنصحج نصيحه ونصيحه طبقيها عللى اي انسان اتشوفينه بدنيا

اول انتي مبين عليج وايد وايد طيبه وحيل حنونه مشالله

وهذي ميزه حلو

حبيبتي عملي امج بطبعج انتي وطبيعتج اذا هايا قاسيه انتي عامليها بحنان واي شخص في هدنيا عمليه بشخصيتج مو عشان اهيا قاسيه ااتعملينها بقساوه

وميخالف تحمليها اذا مو عشان خاطرها عشان خاطر ربج لانه رضى الله من رضى الوالدين

 

[Rose Berry89]

وااي حبيبتي قطعتي قلبي ..

والله ماادري شقوولج بالضبط بالنسبه لي ابوي متوفي وامي من عمر احبها وماخبيت عنها ولا شي ..

يمكن لانها بالنسبه لي اختي وامي وابوي ؟

بس صدقيني حااولي تتقربين لها حيل ومهما الجنه تحت اقدام الامهاات ..

 

[sozeeta]

جزاكن الله خيرا حبيباتي .

الله يحقق امانيكم كلكم