كل وحده تحط طريقتها بصلصة الثوم مالت المشاوي (الثــومـيــه)

[بــــدره]

شلونكم يا بنات

صلصة الثوم البيضا الي تنحط بالمطاعم مع المشاوي أكيد كلكم تعرفونها

ودي اسويها شغل بيت بس بصراحه مو عارفه:bbbiu:

دورت طريقتها بالانترنت و لقيت وصفات وايد

ناس يحطون فيها بطاط مسلوق و ناس يحطون نشا !!

قلت خن اجرب ام النشا و الحين حطيتها بالثلاجه و ناطرتها تصك و بشوف و بقولكم النتيجه

الموووهيم

ابي اعرف طريقتكم فيها

كل وحده تقول لي شلون تسويها و خلونا نستفيد​

 

[noynoy]

و الله انا ما اسويها لان ما نحبها
بس اللي اعرفها انها تتسوى ببياض البيض
هذي طريقه من مصدر موثوق

تهرسين 4 فصوص ثوم مع نص قفشه ملح بعدين تحطينه بالبروسيسور
عقب تحطين قفشه صغيره عصير ليمون و تشغلينها
و اهوا ينخلط حطي قفشه صغيره زيت كانولا
بعدين قفشه صغيره ليمون
بعدين قفشه صغيره زيت
و كملي على الطريقه هذي
لما تكونين حاطه ربع كوب ليمون و ربع كوب زيت تقريبا، يمكن تحتاجين اقل بشوي على حسب
بعدين حطي بياض بيضه وحده و كملي خلط
خليه يبرد 4 ساعات على الاقل

 

[جارة القمر]

تفضلي طلبك::


http://www.q8yat.com/t868702.html




http://www.q8yat.com/t977436.html

 

[بــــدره]

مشكووووورين خواتي

طريقتي ضبطت و بجرب طريقة بياض البيض ان شالله

بحط طريقتي عشان تستفيدون منها

خمس روس ثوم مقشره و مقصصه انصاف عساس تنطحن عدل بالخلاط
ليمونه معصوره
قفشتين خل
قفشةملح صغيره
ربع كاس زيت زيتون
و قفشتين نشا مذوبين بماي

احط كلشي بالخلاط ما عدا الزيت احطه بالتدريج اثناء دوران الخلاط
و بعدين خلوها بالثلاجه ساعتين ثلاث لما تصك
و و بألف عافيه

 

[أحلى همبه كويتية]

عوافي يسلمو ع الطريقة


انا من فترة من عرفت فيها بياض بيض كرهتها ولا طبت حلجي
سبحان الله ما ادري ليش

 

[ام الدرر]

صج فيها بياض بيض
وماينطبخ بعد
عاد عيالي يحبونها
كدينا خير ​

 

[دنيا جديدة]

الله يعطيج العافية

 

[نجاة80]

انا بعد سويتها وعلى طريقتين البطاط المهروس والنشا .. ثنتينهم حلوين بس انا حسيت مالت البطاط اضبط مع اني ما اكلها

بس مالت بياض البيض ماسويتها لانها تخترب بسرعه ديري بالج لايصير فيكم شي

اسم الله عليكم .. وتسلم ادينج وان شاء الله كل طريقه تسوينها تضبط وتعجبج

 

[جارة القمر]

بالعافيييييييييييييييييية