<<كل وحده تدش تحطلنا طريقها بالقهوة العربيه >>

[عافك الخاطر]

مشاركة: <<كل وحده تدش تحطلنا طريقها بالقهوة العربيه >>

بنت الكويت بن هرري اسمه

 

[[ . . Jee Jee . . ]]

مشاركة: <<كل وحده تدش تحطلنا طريقها بالقهوة العربيه >>

يعطيج العافيه بنت الكويت انا هم استفدت من الموضوع

مشكورين

 

[ام مدعج]

مشاركة: <<كل وحده تدش تحطلنا طريقها بالقهوة العربيه >>

هاااي بنات

اناا اسوي القهوه العربيه اذا رحناا الشاليه حق خالاتي يحبون طريقه القهوه مالتي

طبعا مادري من وين يشترون القهوه كل اللي اعرفه ان الطبااخه وياي تجيب لي المقاادير

اول شي تغلين الماي و تحطين وياه زعفران و مسمااار >>> اللي شكله مسمار اسود

تحطين حبتين او ثلاث مسمااار مو اكثر و كثري من الزعفراان و لمن تفووووح حطي القهوه و معاها الهيل مطحوووون

و نطري عليها تفوح شوي مو واجد و بس

 

[xxx]

مشاركة: <<كل وحده تدش تحطلنا طريقها بالقهوة العربيه >>

حياااااااااااااااكم الله

 

[أنا وين ؟؟]

مشاركة: <<كل وحده تدش تحطلنا طريقها بالقهوة العربيه >>

طريقتي بالقهوه العربيه ...


اشتري قهوتي من المطحنه الدوليه اللي بمجمع الصالحيه يطحنها لي ويحط معاها هيل شويه ...


كل لتر ماي ينحط له مقدار فنجانين قهوه ..


اول شي اغلي الماي .. وعقب ما يطبخ احط عليه القهوه وشوية زعفران ...

اخليهم على نار هاديه تقريبا دقيقتين او 3 .. يعني اشوف ان القهوه صارت بقاع الماعون ..

تالي احط عليهم قفشتين حليب بودر ... بس اقطهم ما اخلط القهوه مع الحليب

واخليهم جم دقيقه وعقب احط المشخال على المطاره واصب القهوه ..


يعني مجموع وقت تسوي القهوه تقريبا ما يوصل 10 دقايق

 

[xxx]

مشاركة: <<كل وحده تدش تحطلنا طريقها بالقهوة العربيه >>

مشكورة انا وين على الطريقة

 

[Harmony]

مشاركة: <<كل وحده تدش تحطلنا طريقها بالقهوة العربيه >>

شنو خلطة العجمان اللى قلتوا عنه؟ و من وين نيبه؟

 

[ثناء]

مشاركة: <<كل وحده تدش تحطلنا طريقها بالقهوة العربيه >>

انا اشتريها من المطحنه الدوليه حطوها عندنا بكيفان عشتو جمعيتنا اليديدة ترى حدنا كاشخين مومصدقين خلصت عاد براضونا شلون حطو هل المطحنه مع كوستا :d :d بس لين الحين مافتح المهم جربوها وايد حلوة حتى لو مااضفتي عليها شي

 

[sna123]

حبايبي الغاليين
بما ان دوانية زوجي يومية بالتالي إحنا نستهلك القهوة بسرعة بالاول كنت احمسها في البيت بعدين تعبت
عاد قمت اشتري الخيشة (5كيلو) واروح حق شويخ وهناك احمسها كلها طبعا مع شوي هيل وشوي مسمار مووايد
بعدين اطلب من صاحب الطحنة يجيس كل 2ك ويشفط الهوا منه عشان تبقي طازجة قدر الامكان
وطريقة عملها اغلي لتر ونص ماء تقريبا واحط عليه 2فنجان قهوة واقصر علي النار واخليه يتطابخ شوي
اكون حاطة في مطارة القهوة زعفران+هيل+شوي كرنيشن
ازل القهوة في المطارة
ودمتم سالمين

 

[xxx]

مشكووووووووووورين على الاضافة​

 

[amor]

طريقتنا في عمل القهوه تعتمد بالأساس ع الحمسه يعني نسويها شقراء مابين البني الفاتح والغامق اكيد بن هرري لا يعلى عليه ونملي طباخ القهوه بالماي ثلاث ارباعه ونحط عليه فنجانين ونص قهوه وكم حبة مسمار(اربع بالكثير )ونخليه يغلي نص ساعه عشان تعدل الراس ونحط في الدله هيل نحبه كثير تقريبا 6 ملاعق مع زعفران ونصب القهوه عليه وبعدين نشيل الحثل حق الهيل من الدله.نسيت اقول شي في خلطه انا احطها يسمونها بهار القهوه يبيعونها عندنا واحط احيانا ملعقه في طباخ القهوه.وشكرا:eh_s(15):

 

[ام علووي]

السلام عليكم ورحمة الله وبركاته
القهوه العربيه تفرق من بيت الى بيت او من محترفه الى محترفه
بالنسبه لنا الحين هابين بقهوه السبع حوايج وتنباع بحفر الباطن بسعوديه يعني مايحتاج تضيفين شي اللهم بس هيل وزعفران بالدله ومايحتاج بعد بس امممم لذيذه

 

[اميرة الاميرات]

نفس طريقتنا بالسعوديه الطريقه الاولى

 

[^مزهريه^]

افوح الماي
واحط معاه فنجانين قهوه
مع شويه زعفران وشوية هيل
وحليب بودر او حليب بو قوس الصغير
وحبتين مسمار

واخليها تطبخ
واكون حاطه في المطاره هم زعفران وهيل

واشتريها من مطحنة الصباح

 

[النوالنو]

انا طريقتي احط ماي علي النار فنجال قهوة اذا كنت شقرا واذا غامج نص والمطارة هيل زعفران حليب واحط مع القهوة الحمسة شيبة انتبهوا مو شبة شيبة من عند العطار هي تحمس علي الحموسة احط شوية او في الماي واستخدام احيانا اذا كنت عندي خلطة القهوة روعة صراحة

 

[aBoOoRa]

هاااااي
طبعا انا قهوتي معروووفه والكل يحبها (ليش مادري)
المهم انا احمس القهوه بالبيت عندنا محمصه صغيرووونه لان الوالده ماتحب اي شي جاهز
اول شي اغلي الماي مع 4 حبات مسمار ومع شوي زعفران .
لما يغلي الماي ويصير لونه اصفر من الزعفران احط قطرات صغيره من حليب كرنيشن وبعد دقيقتين احط 3 ملاعق اكل قهوه ونصيحتي يا بنات لاتخلين القهوه تغلي لين ينشف الماي لان طعمها يصير مر وموحلو خليها تغلي ربع ساعه اذا مو اقل وبالدله تحطين 4 ملاعق شاي صغيره هيل مطحون بس مايكون الهيل مطحون ناعم حييل وتحطين شوي حليب وزعفران وهني وعافيه وطبعا القهوه تصير احلى مع صحن حلو يمها :eh_s(6):
نصيحه ثانيه اذا كنتي توج طاحنه الهيل لازم تحطينه يبرد بعدين تستعملينه لانه يصير قوي بعد الطحن فحطيه بالفريزر لمده ساعه.

 

[أضوى1]

أصول القهوة العربيـــــــة


بصراحة الناس قاموا يبدعون ويفتقون بالقهوة ويحطون لها اضافات بعضها
يخرب طعم القهوة .. وعموما المطاحن قهوتهم مو هذاك الزود اللهم الا مطحنة الصباح افضل الموجود ...
القهوة على اصولها لازم تتسوي وتنحمس وتنطحن بالبيت هذا اذا تبون تشربون قهوة أصلية .
احنا معروفين كعايلة بالقهوة وناس كثير يتعنون لنا علشان قهوة ابوي
أبوي الله يحفظه ويطول بعمره هو المسؤول عن عمل القهوة يشتريها طبعا بخياش نية اللي هي الخضراء وغالبا الهرري او البرية .

أول شي ينقيها وينظفها من الحبوب اللي لونها غامق او فاسدة لانها تسوي مرارة بالقهوة لو ماشلتيها.

بعدين يحمصها : قبل كان يحمصها بالمحماس اكيد تعرفونه اللي يستعملونه قبل للقهوة بس الحين تطور صار يسويها بمحمصة عالكهرباء تجي مسطحة وعليها غطاء شكله كروي وهم يستخدمونها للنفيش يعني تنفع للأثنين.

ومايسوي الا كمية بسيطة يعني تكفي لاسبوع لان حلات القهوة ما اطول مطحونة لانه بعدين يتغير طعمها حلاتها فريش بفريش

والحمسة ماتكون غامقه حيل لأ تكون وسط او شقرا

والهيل ابوي يفضل الهيل الهندي افضل نوعيه وجوده من الامريكي واغلى منه بعد
ويطحن الهيل بس مو ناعم حيل مع شوية مسمار ويحفظها بالحافظة الستيل والقهوة نفس الشي .

عاد والباقي معروف تنطبخ القهوة بعد مايغلي الماي نظيف القهوة ونطبخها لمدة 20 الى نص ساعه بعد ماتغلي يتقصر عليها ونخليها تركد على قولة ابوي وبعدين تزلونها في الدلة ويا حلالالالالالالالالات القهوة بالدلة الرسلان او السيف مافيه اطيب منها ونكون من قبل حاطين فيها الهيل والزعفران وكثروا الزعفران شوي . أبوي مايحب الاضافات فيها لا حليب ولا كوفي ميت ولا شيبه ولا شنة ولا شي .. امي بعض المرات تحط اضافات وهم حلوة. لان اساس القهوة وحمستها ونوعيتها حلوة .

ومشروب العافية... انشالله اكون افدتكم بتجارب أبوي ادعوله بالصحة والعافية

 

[xxx]

مشكوووووووووووورين على المشاركة

 

[om el7elwen]

حبيبتي انا كنت اشرب قهوة اهلي حلوة وطريقتهم:
1-قهوة من الحويس او اي مطحنه احمسونها شقرا او نيبارية بعدين يطحنونها وعادي اول شي افوحون الماي ثلاث ارباعه واحطون فنجان قهوة حق القوري الصغير الذهبي وهيل بالمطارة قفشتين وماي ورد وزعفران

بس لما تزوجت ريلي ما يحبها الا مع مسمار:
فطريقتي غير عن طريقة اهلي اخذ قهوتي من مطحنة الصباح واحط معاها شنه واخذ منهم الهيل مع مسمار وشنه وشويه حليب كرنيشن يعني قهوه عجمان بس عجمان الشمال غير عن الجنوب اقولج شنو الفرق:
الشمال احبون الدارسين انا صراحة ما احبه ولا ريلي وبعضهم احطون زنجبيل بس اتصير حارة

 

[om el7elwen]

أصول القهوة العربيـــــــة


بصراحة الناس قاموا يبدعون ويفتقون بالقهوة ويحطون لها اضافات بعضها
يخرب طعم القهوة .. وعموما المطاحن قهوتهم مو هذاك الزود اللهم الا مطحنة الصباح افضل الموجود ...
القهوة على اصولها لازم تتسوي وتنحمس وتنطحن بالبيت هذا اذا تبون تشربون قهوة أصلية .
احنا معروفين كعايلة بالقهوة وناس كثير يتعنون لنا علشان قهوة ابوي
أبوي الله يحفظه ويطول بعمره هو المسؤول عن عمل القهوة يشتريها طبعا بخياش نية اللي هي الخضراء وغالبا الهرري او البرية .

أول شي ينقيها وينظفها من الحبوب اللي لونها غامق او فاسدة لانها تسوي مرارة بالقهوة لو ماشلتيها.

بعدين يحمصها : قبل كان يحمصها بالمحماس اكيد تعرفونه اللي يستعملونه قبل للقهوة بس الحين تطور صار يسويها بمحمصة عالكهرباء تجي مسطحة وعليها غطاء شكله كروي وهم يستخدمونها للنفيش يعني تنفع للأثنين.

ومايسوي الا كمية بسيطة يعني تكفي لاسبوع لان حلات القهوة ما اطول مطحونة لانه بعدين يتغير طعمها حلاتها فريش بفريش

والحمسة ماتكون غامقه حيل لأ تكون وسط او شقرا

والهيل ابوي يفضل الهيل الهندي افضل نوعيه وجوده من الامريكي واغلى منه بعد
ويطحن الهيل بس مو ناعم حيل مع شوية مسمار ويحفظها بالحافظة الستيل والقهوة نفس الشي .

عاد والباقي معروف تنطبخ القهوة بعد مايغلي الماي نظيف القهوة ونطبخها لمدة 20 الى نص ساعه بعد ماتغلي يتقصر عليها ونخليها تركد على قولة ابوي وبعدين تزلونها في الدلة ويا حلالالالالالالالالات القهوة بالدلة الرسلان او السيف مافيه اطيب منها ونكون من قبل حاطين فيها الهيل والزعفران وكثروا الزعفران شوي . أبوي مايحب الاضافات فيها لا حليب ولا كوفي ميت ولا شيبه ولا شنة ولا شي .. امي بعض المرات تحط اضافات وهم حلوة. لان اساس القهوة وحمستها ونوعيتها حلوة .

ومشروب العافية... انشالله اكون افدتكم بتجارب أبوي ادعوله بالصحة والعافية

ابوج من اهل ابو حليفة لان نفس طريقة ريل حماتي من الفير اسويها وايد يمدحونها حتى ريلي اقول قهوته لا يعلى عليها