كل وحده تسدح لنا لستتها لتجهيز البيبي خنفيد بعض

[miss.bee]

سلام بنات شلونكم الموضوع مبين من عنوانه .....


ببدي انا بلسستي بعد صولاتي وجولاتي وبحثي بمواضيع البنات حددت اللسته التاليه واذا في شي ناقص قولولي

اول شي قياس النيوبورن ماراح اكثر منه (4 تبانات و4 اوفراولات و4 كبابيس ودلاقات)

قياس (0-3) 10 تبانات و10 اوفراولات ودلاقات وكبابيس
وبدلتين طلعه

قياس (3_6) 10 تبانات و10 اوفراولات ودلاقات وكبابيس
وبدلتين طلعه

6 مهادات (4 عاديه و2 كشخه ) ومفكره اطلب من cozy cocoon مهاداتهم تزوغ حق اذا احد بيج

كمبلين عن البرد

10 مهادات من عيد النصار حق الاربعين

جيس البيبي واحد كشخه وواحد عادي مفكره من العندليب او من ديسكفري في محل ماذكر شنو اسمه حلو شغلهم

جنطتين حق اغراض البيبي وحده صغيره حق الطلعات السريعه ووحده كبيره حق الزوارات الي تطول


كبابيس ودسوس ودلاقات

12 صدريه عاديه - 4 كشخه


مطاره حافظه للحراره حق الطلعات وحده وسط ووحده كبيره

ومطارتين كبار حق الماي الحار وحده احطها اب بيتنا ووحده بيت اهلي


الحين المميات
الزجاج 2 صغار و3 وسط و3 كبار
البلاستيك 1 صغيره و3 وسط و2 كبار

مصاصتين وحبل المصاصه

ادوات عناية البيبي من مشط ومقراضه وشفاطة الخشم وثرمومتر

فوطتين حق السباحه

12 فوطه صغار حق الترجيع

شفاطة الحليب الالكترونيه

غلاية المميات

اسنفجات الصدر
سرير البيبي
عربانه
كار سيت

حوض السباحه والاسفنجه

سله موسى للنفاس

تقسيمة الحليب

بيجر البيبي

سله حق اغراض البيبي
كبت

لوشن بيبي اويل كلونيا شامبو قطن اذون كلنكس بوماي


هذي لستتي واذا ناسيه شي بلييييز فيدوني وكل وحده تكتب لنا لستتها خل نقارن

طبعا ادري ماراح التزم وراح اخم كل شي بالسوق بس اسمها لسته مبدئيه

 

[miss.bee]

شدعوه الي تدخل على الاقل ترفع الموضوع

 

[عيالي ذيابه]

ماشا الله كفيتي ووفيتي
بس نسيتي اليانسون ودوا الغازات
والفراش اللي تحطينه تحت البي بي وقت التبديل
وعندش المخده

 

[● عـِـِـِزۈة آخ‘ـَـۈاْنـهـآ «-~]

ااااااااب للفائده



الله يعطيج العافيه

 

[صديقت قوقل]

وفيتي وكفيتي

ماعندي خبره بهالموضوع توني ببدايت الحمل

 

[tbola]

مااااقصرتي كتبتي كل شي

شكراان

 

[لورا 22]

ماقصرتي والله يسهل عليج
بس حبوبه وين ديسكفري بأي مجمع وشنو ملابس مواليد ولا شنو بالضبط؟؟

 

["*آآآنؤؤؤقهـ*"]

الله يتمم عليكم

وننظم لكم

 

["*آآآنؤؤؤقهـ*"]

الله يتمم عليكم

وننظم لكم

 

[كتالونيه]

رفع

 

[miss.bee]

لورا مادري وين صاير بالضبط دسكفري بس كله محلات يهال وايد حلو وهادي وماكو زحمه

 

[خوووخه w]

مششششششششششششكوره حبيبتي خووش موضوع بسجلهم عندي بجريه ماعندي خبره فدتيني حيييييل وفي شغلات مااعرفهم ششششششششكرا

 

[دلال و غلا]

ما شاء الله كفيتي و وفيتي

الله يسهل علينا و عليج

 

[أشبـاهـ المطـر]

التبانات اخذي قياس (0-3)
يبيلج 12 تبانه ترا مو وايد
بتلقين نفسج كل شوي تبدلين وتغسلين
والافرولات انا بنوتاتي صغار
فكنت اخذ 4 نيوبورن و8 من (0-3)
بناتي يبتهم بالشتا فا ماتعبت نفسي بالمهايد
شريت قطن استرج ساده 6 كافي
ولفات 6 بعد وكبابيس مادري كنت اخذ اصغر شي
احب ملوت نكست وايد حلوين هم الفوط الصغار وايد مفيده
خصوصاً الي ترضع صناعي بتفيدها لا رجع الطفل تكرمون

في كالونيه من سيباميد وايد حلوه وماتحسس
على الياهل هم بودره حونسون الخاليه من تلك
وايد حلوه انا بناتي يحسسون من العرق يقلب
جسهم حمر وينفر البودره تمتص العرق ...​

 

[نفول]

صج صج موضوعج يا عالجرح
انا الشهر الياي ببلش ازهب واستفدت وايد منج
اتمني البنات الي عندهم خبرا يفيدونا

 

[وتين قلبـي]

احب افيدج
عقب ما جبت ولدي كنت نفسج ما اعررف شي اروح السووق واخمط الاكو والماكو والقياسات ما افهم فيهاا حتي والله اخذت ملابس خدج صغااار نتفه

وبعد التجربه عررفت
لفتره النفااس


ملابس قياس نيويورن ::::لفتره النفاس:::: كلها يعني تحتاجين افرولات ١٠
والمهادات ٦كاااافي واللفاات نوعي كذا نووع ولوون ولطلعات يعني٥ كاافي
والتبانات ١٠ مقااس نيوبورن


عقب النفااس
ومقاس٠-٣ لعقب النفااس لين يكمل الشهرين تقريبا ١٠ افرولات
مع ١٠ تباان


واول ما يدخل الثااالث عااد انتي روحي السوق واشتري من ٣-٦

ليش تشتررين الحين راح تجي موديلات جديده واحلى

خلج معقوله اشتري احتياجاتج لفتره شهرين فقط

والسووق مهوو طاير وليش تحجبين نفسج لسوق
روحي استانسي تشري كل فتره لاتاخذين كل شي الحيين

وسلامتج واتمنى فدتج

 

[وتين قلبـي]

والاغراض الباجيه


المميات صغير زجااااج انسي البلاستيك ٤
المميات الوسط زجاااج ٤

والكبيره توو النااس عليهاااا لاحقه عليهاا





وبودر جونسون قطن مناديل بيبي جونسون اعواد اذان اللي يجي قطنه كبيير
عطر جونسون الاصفر
كرريم حفاظات سودو (((مهم))) علشان ماايمشق




وشفاطه الخشم انسيهاااااااااااا>>> ليش

انا كنت استخدمها بكثره
ولدي لشرب حليب يشوورق دايم
وتعب حيل كحه وصدر ووديته لدكتور محمد سعيد
وفحص الولد قالي ولدج حنجرته ضيجه >>>يمه ليش
قالي من شفااطه الخشم ومنها حرمتهاااا
وحبيت افيد البنات منهااااا انتبهووو

 

[ريماا]

انا ودى اخم السووق كله بس ماسكه عمري بنيتي بعد صبيان الله يحفظها واشووفهاا
خذيت لها افرولات من نيكست نيووبورن وواحد من اكايدي بس مخمل لاني بس حللت شريت لها وكان شتا بلبسها عادى بالصيف عن السنترال
ببالي اكمل
12 افرول و12 تبانه ومهاداات لزق طلبت لها من برا اختي بامريكا وشرتلها وهم بشتريلها المهات العاادي 6
و3مهدات كشخه للمستشفي واللي يزورووني بالبيت
ودسووس وكبابيس
و3بطانياات
3لفاات لطلعه
وبشتريلها من0لي3 بجايم من ارماني بجاايم وبدل البيبيات رووعه وبخم لها ان شالله كل شي لان بيقعد معاهاا لي 4شهوور يعني بجهزلها للصيف كله
وبشتريلها سرير للي يكوون في سله من تحت للاغراض موجوود بسنتر بوينت
وفي كرسي بشتغل بالشحن يتحرك رووعه بسنتر بوينت يمكن اخذة
وبشتريلي اجهزة كاانو بموضوع الاخت قمري حيييل عجبوني وعملييين منهم للي تسخن المميات وتختارين درجه حرارة الماي بدل العبااله والتبريد والتسخيين
هذ للي ببيالي بكتب طبعا كل شي بوورقه وابلش مشترا
الله يتمم علينا بشووفه عيالنا متعافييين

 

[shmoo3 alamal]

ماشااااء الله كفيتي ووفيتي
بس لا تنسين صابون غسل الممياااات مهم بانسبه لي

 

[متيمه بهواه]

الله يتمم لكم على خير ياااااااااااااارب ياكرررررررررريم