كل وحده تعتني عناية خاصة بجنطها، و خاصة الألوان الفاتحة!!

[راعية الطويلة]

السلام عليكم و رحمة الله و بركاته

إشلونكم خواتي الغاليات ..

عندي كذا جنطة مع الإستخدام و خاصة مع العباية السودا

لقط الجلد لون من العباية !!

و حاولت بعدة طرق مني أنظفها ما راحت الصبغة اللي حاشت الجنطة!!

و بصراحة ما ودي أجرب مواد معينة و عقبها تخرب الجنطة !!!


يا ليت كل وحدة عندها معلومة بخصوص مكان ينظف جميع انواع الجنط و خاصة الماركة اللي تكون درجة جودة الجلد عالية ..
و طبعا بدون ما يخربها أو يغير شكل الجنطة يعني يكونون حريصين جدا و فاهمين من هالناحية..

و جزاكم الله كل خير يا الغاليات


بانتظاركم ..:eh_s(9):

 

[sho0osh]

اكو ديليكتس بالسالميه متخصص بس للماركات العالميه تحصلينه بالبداله , مصبغة ديليكتس

 

[كتالونيه]

رفع لعيووووووووووونج

 

[شموااهـ]

جلد الماركه الاصلى ما يتغير

 

[راعية الطويلة]

شوشو
جزاج الله خير حبيبتي

كاتالونية

الله يرفع قدرج

شمواه

ما تغير الجلد طبعا
لكن الجلد الأصلي له خواص
إنه يتنفس
و بعض الألون خاصة الفاتحة
تشرب من لون العباية السودا

هذا القصد حبيبتي






الله يعطيكم العافية

 

[اووريو]

يسلمووووووووووو

 

[ام حاتم *]

اي حتى انا جنطتي اللون البيج الي فيها متغير

 

[Roty]

اب انا بعد ودي اعرف

 

[قطوة@@]

انا بعد عندي جم شغله تغير لونهم و اللي تقول الاصلي ما يتغير لا يتغير و يصبغ اللون

 

[AVE.NJ]

روحي ديليكيتس
مصبغه مجابل الخباز بالسالميه
بس تغسلها 20 دينار

 

[وحدة كويتية]

انا عندي بعض الشنط امسحهم بإسفنجه ناعمه فيها ماي وصابون وامسحهم بفوطه نظيفه بس هذا اذا كانت البقعه او الوسخ جديد مو من زمان ويروح بس مو كل انواع الشنط تصلح لها هالطريقه
هذي طريقتي وحبيت افيدكم

 

[راعية الطويلة]

الله يجزاكم خير

ما قصرتوا ع الإضافة الحلوة بنات

و ع التجارب

و اللي رفعوا موضوعي

الله يرفع قدرهم

 

[امواج الكويت]

اذكر مره كنت مسافره الرياض انا وزوجي وعجبتني جنطه وكانت اخر حبه ولازق فيها لون ووصخه وزوجي قاله عطني وحده غيرها جان يقول ما عندي الا هذي بس الحين انظفها واسويها جديده جان يطلع بخاخ تخيلوا خلاها تلمع تهبل عاد زوجي ساله قاله من وين هذا قاله بالجمعيات موجود ملمع جنط بس للاسف مادورته

 

[راعية الطويلة]

مشكوووووووووورة حبيبتي

 

[وحدة كويتية]

اذكر مره كنت مسافره الرياض انا وزوجي وعجبتني جنطه وكانت اخر حبه ولازق فيها لون ووصخه وزوجي قاله عطني وحده غيرها جان يقول ما عندي الا هذي بس الحين انظفها واسويها جديده جان يطلع بخاخ تخيلوا خلاها تلمع تهبل عاد زوجي ساله قاله من وين هذا قاله بالجمعيات موجود ملمع جنط بس للاسف مادورته

اظن اختي انتي تقصدين ملمع الجلود هذا موجود بمركز سلطان وكارفور عاد هذا انا استخدمه للاثاث والكنب الجلد بس حلوه الفكره اننا نستخدمه للشنط