كل وحده تقول شنو حست فيه اول اسبوع من الحمال

[اميــــــــره]

السلاااان عليكم بنلت ودي اخذ منكم معلوماااات كل وحده تشارك تقول ايش صارلها من اول اسبوع اعراض تعب اي حاجه نبغي نستفيد

 

[لهفة المشتاقه]

وعـلـيـكـمـ الـسـلامـ
اول ماعرفت اني حامل ماصار شي عقبها بشهر تعبت كله دربات منومه بالطبيب بعيد الشر عنكم كنت حيل اتعب

 

[المسكـ]

يشرفني اكون اول وحده اترد
ماحسيييييييييييت بولا شييييييييي كلش كلش
اصلا يومها كنت طالعه مع بنات الدوام ريوق وقاعده اكل ومستانسه لانه اخر يوم دوام لوول >> مدرسه
وكنا رايحين مطعم البلد وكل شي اوكي رديت البيت قاعده اتحلطم عند امي يمااااا الدوره صارلها اسبوع مايلي اذتني يالله متى اتيي عشان باخذ حبوب الكلوميد > عندي ضعف بالتبويض + قرحه بالرحم + تكييس عالمبايض << انواع الامرااااااااض لوول
طبعا امي بس تدقر فيني قالت وي عادي مردها بتيليج وريلي طبعا يمي يسمع
جان يقوم ويروح يشتريلي تحليل ويابلي الجيس وقالي هاج حللي قتله شكووووووووووو اصلا ماصار شي الا مرتين لاني تعبانه كنت من شغل الدوام تصحيح وجذي ارد البيت بس انام سيده
طبعا يعد محاولات شتى < حلوة شتى
قمت حللت
طلع خطين واحد خفييييييييييييييييييييف وواحد ثقيل
قتله شوف التحليل شقاعد اتشوف خط ولا خطين قال خطين واحد خفيف قتله هااااااااا ؟
يعني معقووووووووول ؟؟؟؟؟؟؟؟؟؟؟؟؟؟؟؟؟؟
نزلت لامي اوريها طبعا نفس الشي هم دقرتني قالت لااااااااااااا يتراوالج لووووووووووووول
قتلها اوكي صعدت فوق جان يقول ريلي امشي الهادي قتله مابي شكو بعدين احلل دم مو الحين قال الا تروحين حتى مانطرني اتغدى والحمدلله حللت وطلعت حامل
طبعا انا اول ما قالت حامل قتلها شنوووو من وييييين لوووووووووووووول

تدرون ليش بنات لان الدكتوره اللي كنت اروحلها قالت يبيلج تلقيح ماراح تحملين بروحج طبعا انا ماهمني الحجي ووكلت امري لرب العالمين والحمدلله
بعد محاولات فاشله لمدة 6 اشهر حملت والفضل كله يعود لله وحده

 

[المسكـ]

حسافه مو اول وحده لوول

 

[اميــــــــره]

يالله انك تحيهم يعني بنات ماحسيتو بشي من اول اسبوع عوار برحم ماحسيتو بشي غريب

 

[أكذب عليك]

انا ظهري ذبحني اول مرا احس بهالالم
ولوووعه الصبح شي متعب وكله متضايقه
بس

 

[اميــــــــره]

وينكم يابنات

 

[دنيا جديدة]

طموووووووووشة صاحبة الموضوع احسج خايفة من شي


اب

 

[ابدا يالغالي مانساك]

طبعاااا انا قصة حمااااالي قصة
ماااادريت الابعد شهرررر ونص واكثر
المهم جتني اعرررراض وجذب حااالي راسي يعورني والالام الدوره ذبحتني حيل حيل
قبل موعدها بعشرة ايااام لدرجة ماقدر اوقف اقول خلاص بتنزل ولانزلت
وضهري وصدري من كثر الالام ماقدر اجيسه ولااناااااام وكثرة التبول طبعا وانتي بكرااااامه
ربي يرزقج حبيبتي

 

[شذا الياسمين]

النساة بدت معاي أول اسبوع كنت اكل اندومي ولاعت جبدي منه والحين انا بالشهر الثالث ذبحيني ولاتراويني اندومي استغفر الله .. عاد نساتي عذاب هالمرة لوعة وترجيع وانتوا بكرامة الله يعين ..

 

[Eng.Kokoro]

حرارتي ارتفعت وكانت النشله تييلي بو يوم وتروح :/
دوخه كسل تلوع جبدي بس مو مثل الحين وعوار مثل عوار الدوره

 

[FUSHIA-GIRL]

انا كله نايمه يعنى عادى اقوم وبعدها بساعتين ارد انام
وطبعا الم بالظهر

 

[ضحاوي الديره]

انا ماعرفت اني حامل الا عقب شهر ونص وماكنت مصدقتهم اني حامل وشاكه بالتحليل لاني ماكنت حاسه بأي شييييييي

 

[مواصله]

النساة بدت عندي بعد ماحللت بأسبوع وقامت تجيني نغزات بالرحم تشبه الالام الدوره تروح وتجي اول 3شهور

 

[نـعـومـه]

اول اسبوع ماحس اني حامل مافيني شي عقب التحليل ب ١٠ ايام هنيه بدا الشقا

 

[بـدويـة]

حسافه مو اول وحده لوول

 

[q8helwa]

حسيت بالام الرحم ونغزات بالمبايض

وبقرب موعدها الام تشبه الدوره

وكنت احط فوط صحيه قلت خلاص بتنزل علي


وطاف موعدها


وبعد يومين حللت منزلي حامل


وسوبت دم عشان اتاكد وطلعت حامل

 

[اميــــــــره]

ل وحزه عن الثانية تختلف بس الاغلب عورار الدوره

 

[فرفشه منعنشه]

طحت انفلونزا و بطني كان مغص وظهري نفس الشي وحسبت من اعراض المرض وتأخرت 3 ايام وبعدها كنت طالعه مع حماتي رايحين الجمعيه لوووول تشتري لها جم شغله ولا تقولي اشتري التحليل وسويه اكيد راح يبين لان انا بعيالي على طول يبين معاي وكلمت زوجي وقالي اوك اشتريه وكانت فيني لقافه وسويته وبيدي الموبايل وقاعده اكلم رفيجاتي هههههههههههههه ولا يطلعلي الخط الثاني وقمت ودزيت الصوره حق حماتي ومرت حماي وزوجي وكان فلم لوووووووووووول

 

[اميــــــــره]

فرفوشه ايه اوالله فيلم نورتي الموضووع