كل وحده جربت شي طبي اوطبيعي لمتن عيالها دش

[انشودة المطر]

هلاااااااااا امهاااااااااات


اولا بعرف اللي ياكلون علي طول وعصاقيل شنو السبب؟

واللي بس وجبه غدا وقليل اكله طول اليوم متين شالسبب؟


واخيرا شنو الشي اللي جربتيه لعيالج وصارت صحتهم حلوه سواءا طبيعي او طبي ؟ من عمر 10 اللي الاشهر:eh_s(22):​

 

[ام الحلوين77]

هم انا ودي اعرف
ياليت الي عنده خبره يفيد
انا نصحني الدكتور ع مفتح شهيه
بالصيدليه ع شكل حلاااو يقول ممتاز
بس ماجربته ريلي يقول مدام تحاليلهم
زينه لا تجربينهم
منو الي جربهم وفادت عيالكم

 

[اتعبتني الدنيا]

انا بعد نفس الحاله عصاقيل
ابي شي يمتن لليهال
في شراب فاتح شهيه
جربت اعطيه لبنتي اوصفته
لي دكتوره بالمستوصف
بس للاسف بنتي رفضت تشربه
والحلاو لازم حبتين باليوم قالي الصيدلاني
بس من كثر حبهم للحلاو قام يطلبون اكثر
ويبجون يبونه فخفت عليهم وقمت مااعطيهم
بس ,,,
اه تذكرت الحلبه معرووف تمتن بس ماجربتها

 

[قلبي خالد]

اذا صحتهم زينه خلاص وبعدين اليهال حركه مستمره عشان جذي يحرقون سعرات size]

 

[انشودة المطر]

مشكورين بس حسب ماسمعت عن فاتح الشهيه ياثر عالمخ والكبد

 

[• "̮ âñâš "̮ •]

شرايكم بشراب سيبروفيتا لي يومين استخدمه لبنتي احس فتح شهيتها عليه وبستمر ان شالله

 

[Umslmany2012]

مرحبا صبايا ..... دايمن الوحده تبي اتشوف ولدها او بنتها امتختخين بس دام صحتهم زينه ومافيهم شي اتحمد ربها ........ وعن نفسي افضل الشي الطبيعي مثل الحلبه وماي التمر وانا اتكلم عن اللي بالاشهر وهمن الكبار تقدر الام اتحوسلهم قفشة حلبه مع الحليب كل مره
وعسا ربي يحفظ عيالنا وعيال المسلمين

 

[نـعـومـه]

والله جربت الحلبه كلش مانفعت لي ٤ شهور اعطي بنتي حلبه مامتنت

وفي ناس متنو من الحلبه انا بنتي لا

 

[أم حورية]

المتن والضعف مو شرط يرتبط بصحة الياهل
اذا التحاليل سليمة والياهل ما يشتكي واكله طبيعي لا تلعبون فيهم

اهم شي يكون بصحة وعافية

واذا يشتكون من شي عالجو اللي فيهم وشوفو شنو النقص بالمواد الغذائية وعوضوهم

واذا اكله قليل نوعو بالاكل وزينوه لان يمكن شي نفسي مو عضوي

 

[انشودة المطر]

شكرااااااا

 

[STILL G L A M ~]

انا وحده قالتلي اسوي صمونه داخلها جبن واكت فوقها حليب واخليها تنهرس واوكل اعيالي او اغمسها بالحليب وخليهم ياكلونهاا ف مادري
ماجربت اصلا بنت عنوناا توها لووول

 

[(*ام عهــــد *)]

اب
اب

 

[نـعـومـه]

وصج ترا عالجينات !

وترا موحلو ياهل متين صعبه يضعف لي كبر

 

[om-3azo-83z]

امي قبل كانت تعطينا المشهي الحلو فاد بس شوي
و جربنا حليب مع قفشتين كبار سريلاك و تعطينا موز
و تييب قلاص حليت تكسر فيه بسكوت وااايد يعني يصير مثل السريلاك ما ينشرب ينوكل هذا تمام
و تزيد عدد الوجبات حتى لو ما تغدينا عدل في بعدها بساعتين وجبه غيرها نعوض

 

[انشودة المطر]

مشكووووووووووووورين

 

[worood82]

العافيه من الله سبحانه ماله شغل الاكل يعني نفسي انه كل شي عطيت بنتي ماءتمر سريلاك ماي عيش بسكوت عصير عنب وماكو فايده والله اخاف يصير فيها سكر اسم الله عليها ماقام يهمني الحين اهم شي صحتها ما يسوى علي اغربل بنتي

 

[hneen2]

يمدحون عصير منجا مع شويه حليب ابو قوس يقولون يتفخ تفاخ بس انا ماجربته عيالي صحتهم زينه الحمدالله لا متنان ولا ضعاف

 

[•Brown•Sugar•]

انا جربت حق بنتي وايد ادويه
اخرها فاتح شهيه اسمه سيبرو بي سي
والله ما أثر فيها لا اهو ولا غيره
بنتي مايهزك ريح :/
اللي يدش مزاجها بس تاكله غيره لو اموت مايدش حلجها

 

[كتكوته22]

اختي اهم شي انهم الحمدلله ياكلون وصحتهم زينه شفايدة المتن والياهل ما ياكل ولا يتغذى وباجر تبتلشين فيه تبين تضعينه وما تقدرين غير اسم الله الامراض الي تحوش المتان سكري وغيره الحمدلله اهم شي الصحه والعافيه

 

[noo7a]

انا بعرف انتو ليش تدورون المتن لليهال

باجر يدخل المدرسه و كرشته شكبرها و اليهال يتطنزون عليه
و لي صار مراهق عاد يبلش بالرجيم و المعاناه

دام تقولين ياكلون على طول و عصاقيل
خلاص اهم شي الصحه زينه وانهم يتغذون
لاتنسين نقطه مهمه الياهل يتحرك و في نشاط من ياكل هاللقمه يناطط اكيد بيحرقها
و هم شغله ثانيه لاتنسين عامل الوراثه
يعني اذا كنتي انتي عصله ولا ابوه عصل يوم كنتو صغار اكيد الياهل بتطلع بنيته عليكم

ليش تطالعون عيال الغير