كل وحده عرسها قريب تدش :)

[مشتطـه]

السلام عيكم بنات


انا الحمدلله تزوجت توني من فتره قصيرة حيل

وكنت احاتي حيل حيل حيل بشكل مو طبيعي مو العرس ! لا بعد العرس شلون بلبس وبكشخ له وبسوي شعري كل يوم استشوار مالي خلق
ومن هالسوالف

ومن له خلق يكشخ مرتين باليوم للريال واهله ..

وكنت احاتي شكلي بالعرس كنت حاسه 60% يهولون فيني
لان انا المكياج صعب علي

رفيجتي تقول مشتطه انتي الي يشوفج بدون مكياج يقول هذيي بتطلع وااااو بالمكياج
بس مايطلعونج ليش؟

قلت لها حظ


المهم رحت حنان دشتي وطلع مكياااجي خيالي فظيع يهبل


وصار العرس وصار كل تمام

والعرس مر بلمحة عين


و كانو رفيجاتي المتزوجات يقولون لي لا تبجين لا تطنقرين ماكو شي يخرع


وفعلا بنات من كثر ماسمعت هالحجي المكرر


اسبوع العرس مو حاسه بشي
قبل العرس بيوم اقول انا باجر عرسي

مو مصدقـه
هل انا طبيعيه والا فيني شي\


بنات

انا انصحكم من قلب

لاتحاتيييييييييييييييييييييييييييييييييين
لا تحااااااااااااااااااااااااااااتيييييييييييييييييييييين


الحياه جدآ سهله الحمدلله ماشاءالله لا اله الا الله


مايسوى المحاتاة

ترى

عادي بس الخليج مهولين الموقف وعايشين الدور ان العرس وااااااااااااااااااااو!!!!!


اقرو سورة البقرة و يس وبتحسون براحة نفسيه فظييييييييييييعه


ونفنوفي الحمدلله طلع طلعه من اوربا طلبية
وعندي ياه ليلحين والي تبيه تقولي مو دعايه بس حرام قطته بالكبت قلت تستيفدون وخاصه للي مايبون الغلا



وقسمآ بالله حاطه الموضوع مو دعايه الا نصيحه من قلب
وقلت زلقة بطيحة


وسلامتكم

 

[*^ *الليليم]

الله يوفقج يا مشتطه

انا كلش ما احاتي شنووو العرس يعني نهايه الدنيااا !!!

والله شوف عيني ناس مووو عارفه تسنع نفسها و هم عزوبيه و الحين ماشاءالله ماسكه بيت


ما عليج اهنيه بس يحبووون يكبرون السوالف ....... لوووووول

 

[مشتطـه]

والله لا تحاتين كلش تخيلي يوم عادي
ترى وناسه يهبل العرس عيشي كل لحظة فيه خلج واثقه

انا بصراحه شكلي عجبني ف دشيت واثقه من نفسي ومبتسمه


سوالف بجي وخايفه ومبققه عيونج وقت دخلتج مالهاااااااا داعييييييييييييي


والله قمت اضحك عليهم


عسى الله يتمم عليج ياربي

 

[فديتوني]

بتووووفيق مشتطه
سهالات لا تحااااااتين وووشنو يعني زواج مو نهاية
الدنـــــيا فديتج
​

:denya:​

 

[عروس مطيريه]

انا شكلي عجبني واثقه من نفسي حيييييييييييييييييل

سوالف بجي وخايفه مااحبها كلشش

وبعدين انا من بديه موافقه ع صح او لا

 

[المجروحهB]

فديتج غلاتي ..
والله ريحتيني بكلامج وكلام خواتي وياج
شكراٌ من كل قلبي ...,
الله يوفقنا ويسعدنا يارب

 

[عروسة خالد]

انتي مثل امي تقولي لاتفكرين ولاتحاتين مادري يعني شي مو بيدي
وانتي تقولين ( كنت احاتي شكلي بالعرس كنت حاسه 60% يهولون فيني
لان انا المكياج صعب علي )
مره طلع دكتور نفسي على الرأي يقول
الي ماتفكر وتحاتي هاذي مو طبيعيه
بس الوحده تحاول انه ماتخلي التفكير يتعب نفسيتها
ان شاء الله نكون احلى العرايس وراضين على اشكالنا مثل ماكنتي راضيه واحسن يارب​

 

[لسووعه]

الله يووفقج ريحتينا ,,, ميخال تدزين لي صوره النفنووف ع الخاص اذا ماعليج كلافه

 

[! بــدويه وآآيــد !]

،


مبرووك مشتطه
اي والله كل شي سهالات والعرس حلوو ووناسه والحياه الحمد الله ماشيه والزواج مو شي يخررع بـ العكس واحد يحاتيج وتحاتينه وحياه فيها اكشن حلوو وكافي ان صار لج بيت ومملكه خاصه فيج وواحد تدلعين عليه وصرتي حلاله وتعيشون الحياه مع بعض بحلوها ومرهاا

وانا بعد اقول لـ العرايس لايحاتون ولا شي اصلا اتمنى ارد هـ اليوم اول ماتسكر علي وعليه باب الغرفه شعوور حلوو خخخ عاد تدرين اول مادشينا شقتنا وسكر الباب بعد ماخفت شكلي انسانه موطبيعيه هههههههااي

الله يوفقج ويوفق كل البنات العرايس يارب :*​

 

[أم*سلمان]

يا بعد عمري كنت دايم اقرا لج قبل العرس

عسى الله يوفقج يا رب و يتمم عليج ..

 

[انا لحبيبي .]

الف الف مبروك حبيبتي ، الله يتمملك على خير :yaaaaaarb:

بالنسبه للنفنوف حبيبتي ، بكم حابه تبيعيه .؟ ياريت تبعتيلي ياه بالخاص وتحكيلي التفاصيل

​

 

[حرم ^أحمد^]

ههههههههههههههههههههههه ياحلو كلامك صح عرس حلوو بس في اكشنات بدايته لوووووووووووووووووول

 

[قطوووة]

صاجة كلامج كله صح


ريلاكس يا بنااااااات ........

وعيشوا احلى ايام عمركم

 

[مارياq8]

الله يهنيج ويهني عرايسنا

 

[جنا الخليج]

ممكن اشوفه عالخاص

 

[احساس الغلا]

الله يوفقج ويسعدج يارب

عادي اشوف بدلتج ع الخاص ؟ ^_^

 

[أبكاني ذنبي]

ماشاااء الله


مبروووك والله يوفقج يااارب


صح كلااامج بس انا الحين من يطرون اسمه قدامي


ارجف وتييني البجيه مادري ليش الحمدلله والشكر


شكلي بعفسها مو بايدي بس بحاول اكوون قويه


ومابي اخرب هاللحظات بالبجي


والله كريم يااارب

 

[M!ssq89]

يعطيج العافيه وماقصرتي

 

[خساير]

ياحياتي ريحتينا شوي الله يريحج بالجنه آممين

قلبووو دزيلي صورة البدله عالخاص اذا ماعندج مانع ، ونصيحه لا تبيعين البدله اجريها عشان تستفيدين اكثر < مجرد رآي

 

[Ā7lά 3яǿŏŏsά]

هههههههههه

يعني الحمدلله في ناس مثلي !

انا يقولون لي خافي حسي ابجي مو زين لج

وانا اضحك ههههههه

الله يعين