كل يوم والثاني انا وزوجي ماديييين البوز وزعلانين وربي طفششششششت

[عصفوووورة]

السلام عليكم

مرحبا بنوتات حبايبي

والله عندي مشكلة عويصة مليت وطفشت وزهقت من حياتي عسا اللي تساعدني بالحل ربي يدخلها الجنة من غير حساب عسا ربي يجعلها افضل النساء بعين زوجها عسا ماتتطلع من الدنيا الا وكل امانيها متحققه واهم شي عسا ربي مايموتها الا وهيا ساجده قرييبة من ربي







كل هالدعاء لكم لاني بجد مليت ومحتاجة احد يساعدني



بنات انا متزوجة من شهووور زوجي يحبني وانا احبة مافي ادنى شك....

بس مشكلتنا مانعرف نتفاهم كل يوم كل يوم من دون مبالغه الا اذا سقط يوم سهوا نتهاوش انا وزوجي واحس اليوم كلة يصير توتر اذا تزاعلناا ونبوز مانكلم بعضناا

والمشكلة اللي اكبر من الهواااش اننا نتهاوش على سبب اتفه من التافه مثلا شوفو على ايش نتهاوش

ليش تاخرتي صار لي ساعه انتظرك بالسيارة ونتهاوش!!

تعالي نامي اتركي النت ونتهاوش!!

بروح بيت اهلي ...لالا اليوم لاتروحين ونتهاوش!!

هيا اليوم بنروح بيت اهلي ..والله مالي خلق خلة وقت ثاني(انا اقولة)ونتهاوش انتي ماتحبين تروحين ومنهالكلااام

خلنروح المستشفى نكشف ليش تاخرنا بالحمال يرفض هو ونتهاوش !!

واااااااااااي وربي تعبت من حياتنا حسيت ان مشاكلنا مشاكل جهال ابو اربع سنين

وهو يقول خلاص وصلنا لحاله ان اهلك لازم يتدخلون ويحلون مشاكلنا بس بذمتكم بنات اقول لهلي تعالو حلو مشاكلنا وهيا بالاسااس اصلا مافي اي مشكلة بيننا كل الزبدة اننا نتهاوش على صغيرة وكبيرة وكل واحد بيفرض راية على الثاني والثاني مايتنازل

والله يبنات يوم العيد جاتني فكرة شيطانية اني اشيييييييل عفشي وملابس واترك البيت واروح بيت اهلي اعيش حياتي الحلوة اللي كنت عندهم

حتى يوم العيد وحنا متزاعلين ونتهاوش (بس راضاني على الساعه 9) بالرغم هذا اول عيد لنا مع بعض

بنات شنو الحل

ورب الكعبة احس حياتي متخربطة وكلها هواش وزعل ونكد واحيانا نتزاعل على مشكلة تافهه مثل ماعلمتكم فووق ونجلس 3اويومين مانتكلم
حتى وقت وانا زعلانة افكر بنفسي اقول على شنو زعلت منه واللة السالفه ماتسوى ابد نزعل

تكفووووووون شنو الحل احس اني بتهور واتركة

مع انة واللة هو اللي داائم يبدا بالصلح ويراضيني ونطلع نغيييييير جو ومومقصر ابد بس الظااهر مومتفقين بس نتهاااااااااااوش


:eh_s(2)::eh_s(2)::eh_s(2): ابي اجابات وردود سريعه

 

[Somebody :D]

مشكلة تفاهم

لازم انتي و اهو تتنازلون على شغلات معينه

تشوفين الشغلات اللي تخلينه يعصب فيها ما تكررينها مرة ثانية

حاولي تبتعدين عن اي شي يسوي تضارب بينكم

 

[miss_whitemocha]

عاااادي يا حبيبتي..للحين ما خذيتوا على طبع بعض..بكرة كل واحد يعرف طبايع الثاني و تقل المشاكل تلقائي..​

 

[فوفو22]

المشكله غالبا فيج

سعه الصدر ضيقه عندج ....

وبالج قصير ...

وصبرج مو طويل.....

**********************

في شي اسمه ان شاء الله

يصير خير

اللي تامر عليه

ما عليك امر لو

اشرايك نؤجل النقاش بوقت ثاني

الشور شورك حبيبي

كلك ذوق

رايك دايما صواب بس لو .....

حبيبتي انتي ناقصج الملافظ بالعلاقة

تخدمك كثيرلتحسين التفاهم معه

فوفو

 

[انصاريه قمره]

3 سنين وليلحين ماكو حل لي لقيتي حل بلغيني

 

[مــهــرهــــ]

الموضوع مو مستاهل بادري انتي اول واذا تهاوشتو مرة ثانيه ع الاسباب التافهه اللي ذكرتيها ,, غيري الموضوع بسرعه وابتسمي ضيعي السالفه جربي

 

[مارشميلو..]

فوفو22 ماقصرت قالت المفيد

 

[Nmnoum]

إممـ يآ قلبي انا مو متزوجة بس هذي نصيحتي : شوفي يا قلبي انتي حاولي تهدين لمن تحسينه إنه ناوي على هوشة أو النقاش راح يتحول لهوشة بالأخير انتي أستهدي بالرحمن و طوفي طوفي سوي اللي أهوآ يبيه ., ميخالف يا قلبي
حاولي لمن يعصب تقوليلنه انا هذا اللي أبيه ., إن قولي شنو اللي تبيه علشان تقدرون تفهمون بعض وتوصلون لحل
و إن شاء الله يآ رب الله يحنن قلوبكم على بعض

 

[** باربي **]

قولي الحمدالله انه يبدي بالصلح ويطلعج

في ريايل يغلط عليها غلط جايد الي صج مفروض تروح بيت اهلها

وفوق شينه يطلع ويهدها ويسهر ولا ما يخليها تطلع يخليها غصب تطلب رضاه ولو اهو الهاينها ولا ينفس بعد

يصدق روحه

هذا الي يسمونة الضيم


بس ترى فكرة ريلج انه بيدخل اهلج على مشاكل تافه جذي اسمحيلي ما عنده شخصية

واوصخ شي يسوية الريال عيب ما وصلت لي الاهل شنو ريال مو عارف يحل مشاكلة مع زوجته

ترى لا تفتحين المجال لي فتحتيه كل ساع خار اعلومج وصغيرة عندهم ولو من وراج عشان لا تعصبين

ديري بالج وخل يعرف انج ما تبين تصغرينه بعينهم مو خوف ..

قوليله العادة الريال يقول لمرته لاا اطلعين اي شي لاهلج مو اريايل هاليومين هذا
اهو الي يسوي حياته مسرح مجاني للجميع ولا يستحي ..

 

[دآنة آلرشآيده]

لازم بدايهـ الزواج تصير مشاكل
لازم تضحين وتتنازلين عشان اشياء واجد
عشان زواجكم ينجح

الله يهديكم ويسخركم لبعض​

 

[مولاي الفرج]

شوفي مثلي انا وياه

ترى انتي جذي تعودينه ان يتهاوش وياج

يعني انا الحين لما اكون هاديه

احسه يبي يتهاوش وياي موعارف شلون

لان تعود كل يوم هوشه صارت وناسته جذي

فأنا احاول اتحكم باعصابي واسايره

وبس تمشي الحياه

 

[أعشقه]

دام تعرفين ان المشاكل تافهه وش له تكبرينها انتي تنازلي
او جلسي معه جلسة مصارحه ان ها الامور هذي مافيها زعل يعني لو قالك نروح بيت اهلي وانتي تعبانه او مالك مزاج
مو لازم هو يزعل المفروض يتفهم ..
حياتكم يبي لها جلسه بينكم وتتفقون ع كل شي واشوي اشوي تنحل الامور
وترى هذي شي طيعي يحصل بدايه الزواج لان توكم تتعرفون ع بعض
الله يعينك وبعدين مافيها شي لو تنازلتي انتي مره او بديتي انتي بالصلح حسسيه انك ماتبين ها الهواش كل يوم
واذا هو يعصب من جلسوك ع النت لاتجلسين وقت الي يكون هو يمك .. خصصي لك وقت وهيك تنحل الامور

 

[صعب أسامح]

المشكله انه ماكو مشكله
يعني ولاتزعلين مني انتي اللي تعاندين يعني لاعصب الرجال سكتي ليش العناد
وتقولين ان اهو اللي يصالح معناته طيب
فلا تخسرينه علشان سخافات
ومصيركم بتتعودون علي بعض
بس انتي لا تعاندين ولاتكونين عصبيه
والله يهدي سركم

 

[عصفوووورة]

فديتكم حبايبي

والله موعارفة شنو اقولكم صح كلامكم وربي يعيني ويعين الجميع

جربنا ودااائم يقولي خلنفتح صفحة جديدة والله من كثر مافتحنا صفحات جديدة احس الكتاب بيخلص ههههه

اي صح اللي قالت انتي تعصبين انا اعصب صدق بس اذاا عصبت املك نفسي ماقط علية من الحكي اللي موزين بس اذا قال كلمة ارد علية بكلمة وتكبر هوشتنا

 

[Sugar cube]

الله. يهدي سركم ان شاء الله

بس دايما تعوذي من ابليس لا تسوين شي تندمين عليه بعدين

و حطي ببالج ان ماكو اثنين ما يتهاوشون بس اهم شي انج لازم تتعلمين تسيطرين على المواقف

و اقري سوره البقره و دايما ادعي ربج يوفقكم

 

[ELFAD3Ah]

الله يهدي سركم

 

[عصفوووورة]

امييييييييييييييييييييين يارب

 

[متى افرح]

ربي يكون بعونك حبيبتي

 

[AL-DMERA]

تذكريني بنفسي اول مازوجت هههه

نفس سالفتي بالضبط ...

هذا لأنكم توكم متزوجين ومومتفاهمين وكل واحد يبي يسيطر عالثاني ..

انا كنت نفسج ما أحب يفرض رايه علي .. اتنرفززز واهو كان بعد مايطوف كلشش ..

بس مع الأيام فهمنا بعض واللي كان مايطوفه زوجي الحين يمر عليه مرور الكرااااام عاادي ..

انا هذي سنتي الثالثه متزوجه .. والحمد الله حياتي الحين احسن من اول سنه زوااااج ...

ماكو حل الا انج تطوفين اذا شفتي شي عصبج امسكي نفسج ..

ولاااازم حوارات التفاهم اليوميه انا كان كل يوم مسويلي محاضره
وحوارات من كثر مشاكلنا التااااااافهه ..

اهم شي لاتدخلين احد بينكم .... اكبر غلط ..

ومع الأيام بتزين اموركم .. وادعي بصلاتج انه يسخره لج ويهديه ..

وووبس ...​

 

[أحلى عروس 2012]

حبيبيتي تعلمي اذا عصب انت لا تعصبين
ديري بالج خلاص اسكتي
واهو بيرد يعتذر
ومثل ماقالت فوفو