كم معاش المعاق

[اوووفه]

مرحبا بنات
سؤالي انا ولدي معاق وتوني خلصنا من اجراءات اوراق وشهادة الاعاقه حق ولدي تخيلوا صارلنا تقريبا 7اشهر نركض فيهم وطلعت بطاقة الاعاقه مالته بس بسال علي المعاش كم ويختلف المعاش من حاله لحاله او ماله شغل ومتي يصرفون له معاشه يعني راح يصرفونه دايركت من بعد ما سوينا اوراقه او لازم بعد نسوي شي ثاني عفيه فيدوني لاني موعارفه اول مرة تصير بالعايله عندنا حاله اعاقه فضايعين انا وزوجي ما ندري من نسأل فقلت مالي الا خواتي الحبيبات يفيدوني لان محتاجين المعاش في علاجه الطبيعي لان احنا نعالجه بمركز خاص والحين يحتاج علاج مكثف بدله السبايدر 350 دينار وبصراحه غالي مو ملحقبن فلجذي محتاجين المعاش ياليت تفيدوني بالتفصيل اهو اعاقه شديدة الله يشافي عيالكم
سوال اخير المعاش الحين يعطونا او بعد ما يطبقون قانون المعاقين :aha:

 

[الصابرة المحتسبة]

رد : كم معاش المعاق

هلا اووفه

المعاش يختلف اذا صار أكبر من 18 سنة

- فتحتوا له حساب بالبنك؟

- سويتوا له تحويل برم الحساب للمجلس ووزارة الشئوون(طبعا الكتاب تاخذونه من البنك موجه للمجلس وآخر لوزارة الشئوون).؟

- تراجعون مجمع الوزارات قسم وزارة الشئون للمعاقين الأقل من 18سنة.

- معاشه تقريبا: 275

 

[جبروت امرأة]

اهلين حبوبه والله يشافي ولدج انشالله وتشوفينه معرس انشالله

وبالنسبه للمعاش يختلف علي حسب شده ونوع الاعاقه

وبعد اقل من 18 سنه مبلغ ولما يطوف 18 يصير المعاش اكثر

وبالنسبه للمعاش لازم تفتحون له ملف بالمجلس هذا خاص بس للمعاش وتجيبون اوراق اهم يحددونها لكم

وطبعا يبيلها لفه طويله عريضه وبعد شهرين او 3 شهور ينصرف له انشالله بس يكون باثر رجعي من تاريخ فتح الملف

والمعاش ماله شغل بالقانون الجديد اهو ماشي ماشي

واتمني اني ساعدتج بشي قليل

 

[اوووفه]

الصابرة وجبروت امراة مشكورين وجزاكم الله خير
يعني معاشه راح ينزل علي راتب الابو او يكون له حساب بروحه اهو عمرة سنه ونص واعاقه شديدة
احنا سويناله ملف بمجلس المعاقين وسويناله شهادة الاعاقه هذيل الاوراق الي نعتازهم حق المعاش او اوراق ثانيه
بنات يعني اسويله حساب بروحه ونودي رقم الحساب للمجلس وبعدين ينزلون المعاش عليه هذا الي فهمته صح او غلط

 

[لولو-الصغيره]

رد : رد: كم معاش المعاق

الصابرة وجبروت امراة مشكورين وجزاكم الله خير
يعني معاشه راح ينزل علي راتب الابو او يكون له حساب بروحه اهو عمرة سنه ونص واعاقه شديدة
احنا سويناله ملف بمجلس المعاقين وسويناله شهادة الاعاقه هذيل الاوراق الي نعتازهم حق المعاش او اوراق ثانيه
بنات يعني اسويله حساب بروحه ونودي رقم الحساب للمجلس وبعدين ينزلون المعاش عليه هذا الي فهمته صح او غلط

هلا والله فيج حبيبتي والله يشافي وليدج يارب
يالغاليه المعاش ينزل له بروحه وحساب بروحه والاب أهو إللي يفتح الحساب بس ما راح ينزلونه لج بسرعه يعني يبيلج وقت لانه انا صار معاي جذيه وانا ولدي عمره اللحين سنه 9 شهور والمعاش علي نسبة الاعااااقه
انا ولدي داون سيدروم اعاقه شديده وذهنيه يحسبون له 275 دينار ​

 

[اوووفه]

لولو الصغيرة مشكورة وجزاك الله خير والله يشفيلك وليدك امين

 

[الرهيبه]

طيب عرفت ان الولد يجيه معاش بس الحين
قالو ان ام المعاق يجيها بعد معاش
اقروه خلاص او متى بطبقونه
وجم يكوون ؟>> ع حسب الاعاقه ان كانت شديده او متوسطه او خفيفه

 

[Miss Cherry]

لازم تفتحون له حساب بروح

وروحي راجعيهم واسالي .. اهم ما يقولون شي لازم انتوا تراكضون بشغلكم

الله يشافي ولدج وولدي وجميع مرضى المسلمين