كم معدل الصرف الاسبوعى لاغراض البيت؟

[سبائك من ذهب]

مرحبا كويتيات حبيت اعرف ميزانية الصرف الاسبوعى لاغراض البيت؟بالنسبة لى انا كل جمعة اروح الجمعية اشترى اغراض الاسبوع بخمسين دينار لان احنا اسرة مكونة من 9 اشخاص مع الخدم ماذا عنكم؟

 

[كعبية]

خمسين هذي اي جمعيه دليني عليها والله انا ميزانيتي 150 بالاسبوع

 

[جماااانة]

والله احناا باليووم 40 دينار وشوي بعد ..>> طبعاا برمضاان هالمصاريف
الله يخلي ابووي ويطول بعمرة ...

 

[MyLittleBerry]

اتوقع 150 بالاسبوع لعايله مكونه من 9 اشخاص مع الخدم

 

[سارونه87]

اتوقع 100 ديناار

 

[د.ساره]

أغراض البيت (الطعام والأشياء الخفيفة : صابون شامبو كلنكس وجذي )
50 تقريبا بالأسبوع (مو برمضان)

 

[Om-Bashaar]

انا 100 بالشهر تقريبا لانه احنا اربع بس

 

[سبائك من ذهب]

ياحلوكم ياكويتيات تبردون القلب مشكورين حبيباتى على هاذى الردود

 

[مزيونة كيفان ق3]

والله انا كل يوم منقعه بالجمعيه او الفرع لازم يوم شامبو يو ديودرنت يوم جبن يوم عصاير لازم تسألين جم مره بالاسبوع اتروحين الجمعيه؟

 

[جـــواهر]

حنا عائلتنا مكونه من 3

صرفنا بالشهر 100

 

[غصن الغلا]

أنا كنت اشتري من جمعيه صباح السالم ومشرف والقرين انصدم من المحاسب مرات 100 او 120 او 130وبعدين قمت اروح جمعيه الشرطه مره 80 او 70 او60 وربي حيل رخيصه

 

[آلسحرآلحلال]

اممممم توصل 90 ... هذا بالاسبوع

غير الشهري << حسبة ثانية ههههههههههههههه

 

[om al ghaleen]

انا لازم كل دخله للجمعيه مو اقل من 50 دينار ومرات تكون مرتين بالاسبوع
مصرف وايد ماشاء الله واحنا عايله مكونه من 6 وشغاله

هذا غير التمويل و الفاكهه والخضرا والدياي واللحم

\\

 

[صاحبة المعالي]

برمضان صايره اروح الجمعيه كل يومين مره
او كل ثلاث ايام ..
على بو اني ماابي شي بس توست والا بس حليب ولبن
اقط 12 او 20 دينار
وحسبوها بالشهر جم
​

 

[*جبرني الوقت*]

والله انا اصرف بشهر70 دك بس اكون حريصه على الاغراض البيت اما كل يوم حق الحليب وروب من الفرع انا اشتري من جمعية الجيش حدها رخيصه كنت اشتري ب120 دك بس بجمعية الجيش ارخص من الارخيص واكلهم ماتشكين في يعني منتهي اوخربان
لان كل شي يطير بسرعه خاصة ايام المعاشات والله اشتري مره وتشوفين الفرق
بعدين انا اغراض البيت الاشياء اللي ماتنتهي اكثر منها مثل الصابون الشامبو كل شي دبل 4 مرات ولا اروح كل شهر اشتري والله الاكيساس الازباله مع صابون امواعين والديتول واسفنج اكثرهم مني واقفل عليهم ماخلي كل شي بيد الحدم وكل 3شهور اشتري

الشهر الاول اصرف 70 الى 100دك
بس بالشهر الثاني اصرف بس 30 الى 50دك
بس الخضره اللي تاكل المصرف واشتريها بالاسبوع وحاول اثلج الطماط عشان اكثر شي يخرب

وانصحج كتبي لسته للجمعيه موتروحين تشيلين اشياء مالها معنى

 

[espresso]

والله احنا اسرة من 3 كبار و 2 يهال تحت 5سنين
ماجلتنا تقريبا تقريبا 40 -50 دينار بالاسبوع وساعات لي صفر البيت موليه يوصل 70-80 بس هذا كل عشر ايام

يعني بالشهر حول ال 200 أو أكثر بشوي

 

[espresso]

بنات شرايكم بكارفور ؟؟ رخيص ؟؟

ولا هذا "جيان" الي ب 360 ؟؟ شلوون أسعاره؟

 

[غير كل الناس]

الاسبوعي 70 او 60

 

[shahoda]

روحوا جمعية الجيش ، مثلها مثل كل الجمعيات وكل الأساسيات فيها... وتطلعين تاااااارسة عربانتج بأقل من 40
وتطلعين على خضرتهم تكملين ال50 دينار...
نصيحة بدال ماتضيعون فلوسكم بالجمعيات الثانية الي مايخافون الله ماتكفيج 80 ..

 

[غـــــلاM]

هههههههههههههههههههههههههههههههههههههههههههههههههههههااااااي
امي يوميا يوميا
الصبح 10 دنانير
بليل 10 دنانير
غير المطعم اللي كل يوم

الله يعين بس